1 Samuel 2:26 - DIOSPA QHELQACHISQAN DEUTEROCANONICAL

²⁶ Chaykama Samuelqa wiñashallarqapuni, ruwasqantaj Tata Diospaj, runakunapajpis allin karqa.

Qheshwa Biblia DC

²⁶ Chaykamataj Samuelqa wiñashallarqapuni, ruwasqasnintaj Señorpaj, runaspajpis allin karqa.

DIOSPA QHELQACHISQ

²⁶ Chaykama Samuelqa wiñashallarqapuni, ruwasqantaj Tata Diospaj, runakunapajpis allin karqa.

1 Samuel 2:26 ပူးပေါင်းရင်းမြစ်များ

Génesis 39:4

Chayrayku Joseqa patronninwan maytapuni munachikorqa. Chantá Potifarqa Joseta tukuy kapuyninmanta, wasinpi kajkunamantawan mayordomo kananpaj churarqa.

Proverbios 3:3

Khuyakuytawan, cheqa kajtawan ama jayk'ajpis saqeychu. Qanqa chaykunata apaykachay uj walqapis kanman jinata. Chaykunatataj sonqoykipi ukhupi t'illmiykuy.

Proverbios 3:4

Ajinata ruwaspa, Tata Diospa khuyakuyninta tarinki. Jinataj Tata Diospis, runakunapis allinpaj qhawasonqanku.

San Lucas 1:80

Chay qhepata chay wawa wiñarqa, Diosmanta yachaspataj, kallpachakorqa. Runayaspataj, pay ch'innejpi tiyakorqa, Israel aylluman rejsichikunan p'unchaykama.

San Lucas 2:40

Chantá wawaqa wiñarqa, Diosmanta yachaspataj kallpachakorqa. Jinataj astawan astawan yachayniyojman tukorqa. Diostaj paywan may kusisqa karqa.

San Lucas 2:52

Chaykamataj Jesús wiñasharqa, jinallataj astawan astawan yachayniyojman tukusharqa. Paytaj Diospaj allinpaj qhawasqa karqa, jinallataj tukuy runapajpis.

Hechos 2:47

Jinallataj paykuna Diosta yupaychallarqankupuni, runakunataj allin ñawiwan paykunata qhawaj kanku. Chantá Tukuyta Kamachej Jesusqa sapa p'unchay Iglesiaman yapasharqa, pikunachus qhespichisqa kananku karqa, chaykunata.

Romanos 14:18

Sichus pipis ajinata Cristoj munasqanta ruwan chayqa, Diosta kusichin, runakunataj chaytaqa allinpaj qhawanku.

Jueces 13:24

Aswan qhepaman chay warmeqa uj wawata paqarichikorqa, suticharqataj Sansón, nispa. Chay wawa wiñarqa, Tata Diostaj samincharqa.

1 Samuel 2:21

Chantá Tata Diosqa Anamanta yuyarikorqa, paytaj wijsallikorqa. Jinamanta Anaqa kinsa qhari wawakunata, iskay warmi wawakunatawan rejserqa. Samueltajrí Tata Diospaj llank'ashaspa wiñashallarqapuni.

1 Samuel 3:19

Samuelqa wiñarqa, Tata Diostaj payta yanaparqa, tukuy nisqanta junt'aspa.