1 Samuel 2:25 - DIOSPA QHELQACHISQAN DEUTEROCANONICAL

²⁵ Sichus uj runa wajpa contranpi juchallin chayqa, Tata Diosqa payrayku parlayta atin. Tata Diospa contranpi juchallejtinrí, pitaj kutikuspa paypaj mañaponqari? nispa. Chaywanpis paykunaqa tatankoj nisqanta mana kasorqankuchu, imaraykuchus Tata Diosqa wañuchisqa kanankuta nisqaña.

Qheshwa Biblia DC

²⁵ Uj runa wajpaj contrampi juchallin chayqa, Señorpa payman kutikuyta atin. Señorpa contrampi juchallejtintaj, pitaj paymanta jark'akonqari? Chaywampis paykunaqa mana kasorqankuchu tatankoj nisqasnintaqa, imaraykuchus Señorqa nisqaña wañunankuta.

DIOSPA QHELQACHISQ

²⁵ Sichus uj runa wajpa contranpi juchallin chayqa, Tata Diosqa payrayku parlayta atin. Tata Diospa contranpi juchallejtinrí, pitaj kutikuspa paypaj mañaponqari? nispa. Chaywanpis paykunaqa tatankoj nisqanta mana kasorqankuchu, imaraykuchus Tata Diosqa wañuchisqa kanankuta nisqaña.

1 Samuel 2:25 ပူးပေါင်းရင်းမြစ်များ

Génesis 38:10

Chay jinata Onanpa ruwasqantarí Tata Dios mana allinpajchu qhawarqa. Chayrayku paytapis Tata Dios wañuchillarqataj.

Génesis 38:7

Chaywanpis Judáj kuraj kaj churin Er mana Tata Diospa munasqanman jinachu purisqanrayku Tata Dios payta wañucherqa.

1 Reyes 8:31

Pillapis runa masinpa contranpi juchallikojtin, sichus tiluchinkuman kay Temploj altarninpa ñawpaqenpi chayqa,

1 Reyes 8:32

qanqa janaj pachamantapacha uyarimuspa, kamachiykipaj justiciata ruwanki. Juchayojtaqa juchanman jina jasut'inki, juchanpis payllamantaj urmanqa. Mana juchayojmantajrí allin ruwasqanman jina qopunki.

2 Crónicas 10:15

Kuraj kamachejqa runakunaj mañakusqankuta mana uyarerqachu, imaraykuchus Diospuni ajina kananta munarqa, imatachus Tata Diosqa Silomanta Ajiasnejta sut'inchachisqa Nabatpa churin Jeroboanman, chay junt'akunanpaj.

2 Crónicas 25:16

Diosmanta sut'inchaj chayta nejtinkamataj, kuraj kamachej Amasiasqa taporqa: Kuraj kamachejta yuyaychanaykipajchu qantaqa churarqayku? Ch'inlla kakuy. Chayrí munankichu soldadoykuna wañuchisunankuta? nispa. Chantá Diosmanta sut'inchajqa mana astawan imatapis parlarqañachu. Chaywanpis nerqa: Nisqayta mana kasuspa, chay mana allin kajta ruwasqaykimanta Tata Diosqa ninña wañuchisunanta, nispa.

Job 9:33

Walej kanman noqayku ukhupi justiciata ruwaj kanan, paypa ñawpaqenpi quejaykuta ch'uwachanaykupaj.

Salmos 51:16

16 (18) Mana qanqa uywa ñak'asqa jaywanata munankichu, nitaj uywata ñak'aspa q'olachisqaytapis jap'ikuwankimanchu.

Salmos 51:4

4 (6) Noqaqa contraykita, qanpa contrallaykita juchallikorqani, imatachus millachikusqaykita ruwaspa. Chayrayku nisqaykeqa cheqan, juchachawaspataj, mana pantankichu.

Proverbios 13:1

Yachayniyoj chureqa tatanpa yuyaychasqanta jap'ikun, machu machu runarí k'amisqata mana uyarinchu.

Proverbios 15:10

Mana allinta purejpajqa sinch'i jasut'i tiyan, k'amisqata mana uyarejtaj wañonqa.

Proverbios 29:1

Pichus k'amejtinku k'ullukuspa mana uyarikuyta munanchu, chay runaqa ujllata chinkachisqa kanqa, mana ujtawan sayarinanpaj jina.

Eclesiastés 3:3

Uj tiempoqa wañuchinapaj tiyan, uj tiempotaj jampinapaj. Uj tiempoqa thuñinapaj tiyan, uj tiempotaj wasichanapaj.

Números 15:30

Sichus mayqellanpis, israelitapis kachun, chayrí waj llajtayojpis kachun, yachashaspa juchallinman chayqa, noqata manakajpaj qhawawan. Chayrayku chay runaqa israelitakuna ukhumanta wijch'usqa kanqa.

Deuteronomio 1:17

Justiciata ruwaspaqa, ama uyanta qhawaspachu ruwankichej. Pisi tiyapuyniyojtapis, qhapajtapis uj rejta justiciata ruwankichej. Ama pitapis manchachikuychejchu, imaraykuchus justiciaqa Diospatamin. Sichus imamanta queja cheqanchay mana atina chayamusunkichejman chayqa, noqaman apamuwaychej. Noqataj justiciata ruwasaj, nispa.

Deuteronomio 2:30

Jesbonmanta kuraj kamachej Sijontajrí jallp'annejta mana pasachiyta munawarqanchejchu, imaraykuchus Tata Diospuni makiykichejman payta jaywaykunanpaj sonqonta rumiyacherqa.

1 Timoteo 2:5

Uj k'atalla Dios tiyan, jinallataj Dioswan runakunata allinyachiyta atej runapis uj k'atalla, chaytaj Cristo Jesús.

Hebreos 10:26

Sichus noqanchej cheqa kajta yachaspaña, juchallillasunmanpuni chayqa, chay juchata pampachanapaj manaña waj jaywana kanchu.

Hebreos 10:27

Manachayqa mancharina jatun juiciollataña suyana kashan, chaypitaj sinch'i nina lawray Diospa awqankunata ruphaykonqa.

Hebreos 7:25

Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.

Josué 11:20

Tata Diospuni chay llajtayojkunaj sonqonkuta rumiyacherqa, israelitakunawan maqanakoj sayaykunankupaj. Ajinata Diosqa israelitakuna mana khuyakuspa tukuyninta wañuchinankupaj ruwarqa, Tata Dios Moisesman kamachisqanman jina.

1 Samuel 3:14

Chayrayku Elíj ayllunpa contranpi tiluspa, nini: Juchankoqa mana jayk'ajpis pampachasqachu kanqa, ni uywa ñak'asqa jaywanawan, ni ofrendawanpis, nispa.