1 Samuel 2:12 - DIOSPA QHELQACHISQAN DEUTEROCANONICAL

¹² Elíj churinkunaqa millay puriyniyoj runakuna karqanku. Tata Diosta mana kasorqankuchu, nitaj manchachikorqankuchu.

Qheshwa Biblia DC

^12-13 Eléj wawasnenqa sinch'i millay puriyniyoj karqanku, manataj Señormanta dakojchu kanku, nillataj allintachu ruwaj kanku tukuy aylloj ñaupaqempeqa sacerdote jina ruwanasninkutapis. Pillapis rikuchikuta jaywashajtenqa, sacerdotej ujnin kamachin jamoj makimpi uj trinche jap'irisqa manaraj aycha chayashajtin.

DIOSPA QHELQACHISQ

¹² Elíj churinkunaqa millay puriyniyoj runakuna karqanku. Tata Diosta mana kasorqankuchu, nitaj manchachikorqankuchu.

1 Samuel 2:12 ပူးပေါင်းရင်းမြစ်များ

1 Reyes 21:10

Chantá iskay runakunata mask'aychej paypa contranpi llullakuspa, ch'ataykunankupaj: Qanqa Diospa contranpi sajrata parlanki, kuraj kamachejpa contranpi ima, nispa. Chantá jawaman orqhoytawan, rumiwan ch'anqaykuspa, wañuchiychej, nispa.

1 Reyes 21:13

Chaymantataj iskay millay runakuna jamorqanku, Nabotpa ñawpaqenpitaj tiyaykukuspa, tukuy runaj ñawpaqenpi llullakuspa Nabotta ch'ataykorqanku: Payqa Diospa contranta parlarqa, kuraj kamachejpa contrantawan, nispa. Llajtamanta jawaman aysaytawantaj, paykuna rumiwan ch'anqaspa, Nabotta wañucherqanku.

Jeremías 2:8

Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.

Jeremías 22:16

Payqa wajchakunaman, ñak'arichisqa kajkunaman ima sayakorqa. Chayrayku payta tukuy imapi allin rerqa. Chaypi yachakun noqata sumajta kasuspa purisqanta. Noqa Tata Diosmin chayta nini.

Jeremías 9:3

3 (2) Tata Diostaj nin: Paykuna llullakunapaj wakichisqapuni kashanku, imaynatachus runa arcota mat'iykun flechata kacharinanpaj, ajinata. Manapuni maychus kajta parlankuchu, manachayqa astawan astawan millay kajta ruwanku. Noqa Tata Diostataj mana rejsiwankuchu, nispa.

Jeremías 9:6

6 (5) Tata Dios nin: Qanqa, Jeremías, tiyakunki kay ch'awka runakunaj chawpinkupi, chay jina ch'awka kasqankuraykutaj mana rejsikapuwayta munankuchu.

Ezequiel 22:26

Kay suyoj sacerdotenkunapis kamachisqayta p'akillankutaj. Noqapaj t'aqasqa imakunata pisipaj qhawanku. Imachus llimphupaj qhawasqa kajta, chayrí ch'ichipaj qhawasqa kajtapis mana reparankuchu. Manataj wajkunaman yachachinkuchu, imachus Diospaj t'aqasqa kasqanta, mana t'aqasqa kajtapis. Jinallatataj samarina p'unchayniyta mana waqaychankuchu nitaj jatunpaj qhawawankuchu.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 8:55

Qankuna mana payta rejsinkichejchu, noqatajrí payta rejsini. Noqachus niyman: Mana rejsinichu, nispa chayqa, qankuna jina llulla kayman. Noqarí payta rejsini, nisqantataj junt'ani.

Romanos 1:21

Ajinata Diosta rejsishaspapis, paykuna mana Diosta jinachu payta jatuncharqanku, nitaj pachis nerqankuchu. Astawanqa Diosmanta qhasi manakaj yuyanata wakicherqanku. Ajinata yuyasqankuraykutaj yuyayninku laqhayachisqa karqa, chantá uma muyusqa jina karqanku.

2 Corintios 6:15

Jinallataj Cristowan, Kuraj Supay Belialwanqa mana kawsakunkumanchu, nillataj Cristopi atinikojpis mana Diosman kutirikojwanqa ujchasqa kawsakunmanchu.

Deuteronomio 13:13

13 (14) Diosta mana kasoj runakuna rikhurimuspa, chay llajtapi tiyakojkunata kay jinata nispa pantachishanku: Jaku, waj dioskunata yupaychamuna, qankuna mana rejserqankichejchu, chaykunata, nispa.

Deuteronomio 13:14

14 (15) Jinapunichus manachus kasqanta yachanaykichejpaj, qankuna allinta watunaykichej tiyan. Sichus nisqanku jinapuni kasqanta, jinataj qankuna ukhupi millayta ruwashasqankuta yachankichej chayqa,

Jueces 19:22

May kusiypi karishajtinkutaj, chay llajtamanta millay sajra runakuna wasita muyuykuspa, punkuta takayta qallarerqanku. Paykunataj nerqanku chay wasiyoj machu runata: Chay chayakamoj runaykita orqhomuy. Paywan puñuyta munayku, nispa.

Jueces 2:10

Jinallataj watakuna pasasqanman jina Josuéj mitanmanta kaj israelitakunapis wañupullasqankutaj. Ajinamanta qhepa wiñajkunaqa mana Tata Diosta rejserqankuchu, nitaj yacharqankuchu imatachus Tata Dios ruwasqanta israelita ñawpa tatankunapaj.

1 Samuel 10:27

Wakin sajra sonqoyoj runakunarí alqorakuspa jina nerqanku: Kaychu noqanchejta yanapawayta atiwasunman? nispa. Paykunaqa Saulta manakajpaj qhawasqankurayku, mana imallatapis waqerinankupaj aparqankuchu. Chaywanpis Saulqa paykunata mana rikoj tukorqachu.

1 Samuel 25:17

Qosaykirí ancha millay runa, mana ima nirina. Chayta qan umacharikuy, qhawaytaj imatachus ruwanaykita, manachayqa cheqamanta mana allin kaj payta, jinataj aylluntapis qhatirenqa, nispa.

1 Samuel 3:13

Willaniña tukuy ayllunmanta kajkuna wiñaypaj juchachasqa kanankuta. Pay yachanña juchanku imachus kasqanta. Churinkunaqa millayta ruwaspa phiñachiwarqanku, paytaj mana paykunata k'amerqachu.

1 Samuel 3:7

Chaypacha Samuelqa manaraj Tata Diosta rejserqachu, imaraykuchus payman manaraj parlapayasqachu.