1 Samuel 2:10 - DIOSPA QHELQACHISQAN DEUTEROCANONICAL

¹⁰ Tata Diosqa awqankunata phirenqa. Janaj pachamantapacha paykunaj patankuman qhon qhonkunata kachaykamonqa. Tata Dioslla tukuy kay pachata juzganqa. Paypis kuraj kamachejninta kallpachanqa, ajllakusqantataj aswan atiyniyojta ruwanqa, nispa.

Qheshwa Biblia DC

¹⁰ Señor phirenqa enemigosninta, cielomantapacha qhon qhonkunata apachimonqa. Señorlla tukuy kay pachata juicionman churanqa, reyninmantaj atiyta qonqa. Ajllasqantataj, aswan atiyniyojta ruwanqa.

DIOSPA QHELQACHISQ

¹⁰ Tata Diosqa awqankunata phirenqa. Janaj pachamantapacha paykunaj patankuman qhon qhonkunata kachaykamonqa. Tata Dioslla tukuy kay pachata juzganqa. Paypis kuraj kamachejninta kallpachanqa, ajllakusqantataj aswan atiyniyojta ruwanqa, nispa.

1 Samuel 2:10 ပူးပေါင်းရင်းမြစ်များ

2 Samuel 22:14

Patapi Kaj Tata Diosqa janaj pachamanta illapa jina parlasqanta uyarichimorqa.

2 Samuel 7:13

Paymin templota ruwapuwanqa, noqataj wiñaypaj kamachinanta sayachisaj.

2 Samuel 7:8

Chayrayku kamachiy Davidta niy: Ajinata Tukuy Atiyniyoj Tata Dios nisunki: Noqa ovejakunaj qhepanmanta orqhomorqayki, Israel aylluypaj kamachejnin kanaykipaj.

Job 40:9

Qanqa noqa jina atiyniyojchu kanki? Qanpa sinch'i parlasqaykeqa noqaj parlasqay jinachu?

Salmos 132:17

Kaypi Davidpa atiyninta watej jatarichisaj. Ajllakusqay kuraj kamachejtaj aylluypaj k'anchay jina kanqa.

Salmos 148:14

Payta qhatejkuna Diosta yupaychachunku. Israel ayllun Tata Diosta yupaychachun, imaraykuchus Diosqa ayllunman atiyniyoj kayta qorqa. Tata Dios jatunchasqa kachun.

Salmos 2:2

Kay pachapi kuraj kamachejkuna, kamachejkunawan ima Tata Diospa contranta oqharikunku, ajllakusqan kuraj kamachejpa contranpiwan ima.

Salmos 2:6

Noqaqa ajllakusqay kuraj kamachejta Sión orqopi kamachinanpaj tiyaykuchiniña noqapaj ajllakusqay Sión orqopi, nispa.

Salmos 2:9

Chantá qan fierro varawan kay pachapi kamachejkunata chakiyki uraman churanki, t'uru mankata jinataj paykunata phiriranki, nispa.

Salmos 20:6

6 (7) Noqa yachani Tata Diosqa ajllakusqan kuraj kamachejta atipananpaj yanapananta. Janaj pachapi may llimphu tiyananmanta Diosqa kamachejpa mañakusqanman kutichenqa, jatun atiyninwantaj payta atipachenqa.

Salmos 20:7

7 (8) Wakinkunaqa maqanakupaj carretankupi atinikunku, wajkunataj ashkha caballoyoj kasqankumanta. Noqanchejrí Tata Diosninchejpi atinikusunchej.

Salmos 21:1

1 (2) Tata Dios, kuraj kamachejqa payta kallpachasqaykirayku kusisqa kashan. Manchay kusisqa kashan, imaraykuchus qan atipananpaj yanaparqanki.

Salmos 28:8

Tata Diosqa ayllunman kallpata qon. Payllataj ajllakusqan kuraj kamachejta kallpachan, waqaychantaj.

Salmos 45:7

7 (8) Qanqa cheqan kajta munakunki, millayta ruwanatataj chejnikunki. Chayrayku Diosniyki qanta ajllakusunki, jinaspataj, kawsaqeykikunamanta astawanraj kusiywan junt'achisunki.

Salmos 89:17

17 (18) Cheqapuni qanqa chay aylloj kallpan kanki, k'acha kaynintaj, qanpa k'acha kayniykiraykutaj atiyniykuta jatunyachinki.

Salmos 89:24

24 (25) Cheqa kayniy, chantá munakuyniy ima paywan khuska kanqa. Noqaraykutaj atiynin jatunyanqa.

Salmos 89:25

25 (26) Mama qochamantapacha Éufrates mayukama kamachiyninta jatunyachisaj.

Salmos 96:13

Tata Diospa ñawpaqenpi kusikuchunku, imaraykuchus pay jamushan. Arí, pay jamushan kay pachata kamachinanpaj. Chaymantataj kay pachapi tukuy runata maychus kajta, cheqa kajwantaj kamachenqa.

Salmos 98:9

Tata Dios kay pachata juzgananpaj jamushan. Payqa kay pachapi runakunata cheqan kajman jina juzganqa, mana pimanpis sayakuspa.

Éxodo 15:6

Tata Diosníy, paña makiykeqa kallpasapa, may atiyniyojtaj. Paña makiyki awqata phiriykorqa.

Eclesiastés 11:9

Waynapis, sipaspis kashaspa kusikuy, imachus allin kajwan kusikullaytaj. Sonqoykej munasqanpi, ñawiykej rikusqanpi ima puriy. Chaywanpis yachay tukuy chaykunamanta Dios cuentata mañasunanta.

Eclesiastés 12:14

Diosqa tukuy ima ruwasqanchejmanta cuentata mañawasunchej. Jinallataj pakasqa kajmanta, sut'ipi kajmanta, allin kajmanta, mana allin kajmantapis watuwasunchej.

Isaías 29:6

noqa Tukuy Atiyniyoj Tata Dios paykunata jasut'isaj, qhon qhonkunawan, jallp'a ikhakuywan, manchay ch'ajwawan, sinch'i wayrawan, llojlla parawan, tukuyta q'olaj ninawan ima.

Isaías 32:1

Qhawariychej, cheqanta ruwaj kuraj kamachej jamonqa, kamachiyninpi kaj kurajkunapis justiciawan kamachenqanku.

Isaías 45:24

Noqamanta nenqanku: Cheqapuni Tata Diosllamanta justiciawan, jatun atiywan ima jamun, nispa. Noqallaman tukuypis jamonqanku, pikunachus contraypi ruwajkunapis may p'enqaypi rikhurenqanku.

Ezequiel 29:21

Chay p'unchaypitaj Israel aylluyman atiyta qosaj. Chantá qan Ezequiel, paykunaj ñawpaqenkupi parlanaykipaj qalluykita watarasaj. Chaypacha noqa Tata Dios kasqayta yachanqanku, nispa.

San Mateo 25:34

Chantá Kuraj Kamachejqa pañanpi kajkunata nenqa: Jamuychej, qankunaqa Tataypa saminchasqan kankichej. Chayrayku Diospa janaj pacha kamachiyninman yaykuychej, mayqenchus kay pachaj qallariyninmantapacha chayaqeykichejpaj wakichisqa karqa, chayman.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

San Lucas 1:69

Diosqa kamachin Davidpa mirayninmanta atiyniyoj uj qhespichejta kachamuwanchej,

San Lucas 19:27

Jinallatataj, jaqay awqaykuna, pikunachus mana kuraj kamachej kanayta munarqankuchu, chaykunata kayman apamuspa, ñawpaqeypi wañurachiychej, nispa. Ajinata Jesús chay rijch'anachinata nerqa.

Hechos 10:38

Chantá yachankichej imaynatachus Diosqa Santo Espirituta, atiytawan qosqanta Nazaret llajtayoj Jesusman. Jesustaj tukuynejta purerqa allinta ruwaspa, jinallatataj Kuraj Supaypa atiyninpi tukuy ñak'arejkunata qhaliyachispa, Dios paywan kasqanrayku.

Hechos 4:27

Ajinamanta Herodeswan, Poncio Pilatowan kay llajtapi tantakorqanku mana judío kajkunawan, israelitakunawan ima ajllasqa kamachiyki Jesuspa contranpi oqharikunankupaj, pitachus qan ajllakorqanki, paypa contranpi.

2 Corintios 5:10

Chayqa ajina, imaraykuchus tukuyninchej Cristoj ñawpaqenpi juzganawanchejpaj rikhurinanchejpuni tiyan. Ajinamanta sapa uj jap'isunchej, kawsashaspa imachus allin kajta, chayrí mana allin kajtapis ruwasqanchejman jina.

Jueces 5:31

Tata Diosniyku, tukuy awqaykikuna Sísara jina phirisqa kachunku. Qanta munakusojkunataj, imaynatachus chawpi p'unchayta inti k'ancharin, ajinata k'ancharichunku. Ajinata Deborawan, Baracwan Tata Diosman takerqanku. Chaymanta qhepaman Israel suyupi tawa chunka watata, allin kawsakuylla karqa.

1 Samuel 12:13

Kayqa, ajllakusqaykichej kuraj kamachejqa kaypi kashan. Mañakusqaykichejman jina Tata Diosmin payta qosunkichej.

1 Samuel 12:17

Kunan trigo oqharina tiempo kashan, manataj paray tiempochu, icharí? Chaywanpis noqa Tata Diosmanta mañasaj, paytaj kachaykamonqa qhon qhonkunata. Paratapis parachimonqa, qankuna yachanaykichejpaj, reparanaykichejpajtaj kuraj kamachejta mañakuspa, Tata Diospa contranpi juchallisqaykichejta, nispa. Ajinata Samuel israelitakunata k'amerqa.

1 Samuel 12:18

Chantá Samuelqa chaypachapacha Tata Diosmanta mañakorqa, Tata Diostaj qhon qhonkunata, paratawan kachaykamorqa. Tukuy runataj Tata Diosta, jinataj Samuelta manchachikorqanku.

1 Samuel 12:3

Kunanqa kaypi qankunawan kashani. Sichus pejpa bueyninta, burrontapis jap'ikaporqani chayqa, chayrí pitapis tumparqani, llakicherqani, pimantapis lluk'ita jap'ikorqani chayqa, kunanpacha Tata Diospa ñawpaqenpi, ajllasqan kuraj kamachejpa ñawpaqenpipis uyaypi nipuwachun, noqataj kutichipusaj, nispa.

1 Samuel 15:28

Chantá Samuel Saulta nerqa: Ajinallatataj Tata Diospis qanmanta Israel suyupi kuraj kamachej kanaykita qhechusonqa, qanmanta aswan allin llajta masiykiman qopunanpaj.

1 Samuel 16:1

Uj kuti Tata Dios Samuelta nerqa: Mayk'ajkamataj Saulmanta llakikunkiri? Noqaqa Israel suyupi kuraj kamachej kananmanta wijch'upuniña. Ajinaqa aceite apaykachanayki wajraman aceiteta churaspa, Belén llajtapi Yeséj wasinman riy, imaraykuchus ujnin kaj churinta kuraj kamachej kananpaj ajllaniña, nispa.

1 Samuel 7:10

Samuel ñak'asqan corderitota Tata Diospaj q'olachishajtin, filisteokunaqa israelitakunawan maqanakunankupaj chayamorqankupacha. Jinallapi Tata Diosqa sinch'i qhon qhonkunata filisteokunaj patankuman kachaykamuspa, paykunata mayta mancharicherqa. Jinamanta paykunaqa israelitakunawan atipachikorqanku.