1 Samuel 16:1 - DIOSPA QHELQACHISQAN DEUTEROCANONICAL

¹ Uj kuti Tata Dios Samuelta nerqa: Mayk'ajkamataj Saulmanta llakikunkiri? Noqaqa Israel suyupi kuraj kamachej kananmanta wijch'upuniña. Ajinaqa aceite apaykachanayki wajraman aceiteta churaspa, Belén llajtapi Yeséj wasinman riy, imaraykuchus ujnin kaj churinta kuraj kamachej kananpaj ajllaniña, nispa.

Qheshwa Biblia DC

¹ Señorqa Samuelman nerqa: Mayk'ajkamataj llakikunki Saulmantari?, nispa. Noqaqa manaña munanichu Israel ukhupi pay reyllapuni kanantaqa. Wajraykita aceitewan junt'achiy, riytaj Isaejpa wasinman Belén llajtaman, paypa ujnin kaj wawanta rey kanampaj ajllaniña.

DIOSPA QHELQACHISQ

¹ Uj kuti Tata Dios Samuelta nerqa: Mayk'ajkamataj Saulmanta llakikunkiri? Noqaqa Israel suyupi kuraj kamachej kananmanta wijch'upuniña. Ajinaqa aceite apaykachanayki wajraman aceiteta churaspa, Belén llajtapi Yeséj wasinman riy, imaraykuchus ujnin kaj churinta kuraj kamachej kananpaj ajllaniña, nispa.

1 Samuel 16:1 ပူးပေါင်းရင်းမြစ်များ

1 Reyes 8:16

Israel aylluyta Egiptomanta orqhomorqani, chay p'unchaymantapacha tukuynin Israel ayllukunamanta ni mayqen llajtata ajllakorqanichu chaypi tiyakunaypaj templota ruwapunawankupaj. Chaywanpis Davidta Israel aylluyta kamachinanpaj ajllakorqani, nispa.

2 Reyes 9:1

Ujpacha Eliseoqa Diospa sut'inchajnin kanapaj yachakojkunamanta ujninta wajyaspa, nerqa: Puririnaykipaj wakichikuy, aceite yuruta oqharispataj, Galaadpi Ramot llajtaman riy.

2 Reyes 9:3

Chantá yurupi aceite apasqaykita paypa umanman jich'aykuspa, ninki: Tata Dios, ajinata nisunki: Israel suyuta kamachinaykipaj noqa churayki, nispa. Jinaspataj, punkuta kichariytawan, mana sayarispa ayqemunki, nispa.

2 Reyes 9:6

Chantá Jehú sayarispa, wasiman yaykorqa. Diospa sut'inchajnintaj Jehúj umanta aceitewan jawiykuspa, nerqa: Israelpa Tata Diosnin ajinata nisunki: Noqaqa Israel suyuta kamachinaykipaj churayki.

1 Crónicas 11:3

Ajinata Israel suyumanta tukuy kurajkuna Hebronman Davidwan parlaj rerqanku, Davidtaj paykunawan Tata Diospa ñawpaqenpi uj tratota ruwarqa. Chantá paykunaqa Davidta aceitewan jawispa, Israel suyupi kuraj kamachej kananpaj churarqanku, Samuelnejta Tata Dios nisqanman jina.

1 Crónicas 28:4

Chaywanpis israelitakunaj Tata Diosnin aylluy ukhumanta ajllakuwarqa Israel suyuta wiñaypaj kamachinaypaj. Pay Judá jatun aylluta ajllarqa kamachej ayllu kananpaj. Judá jatun ayllumantataj wasi aylluyta ajllakorqa, wawqeykuna ukhumantataj noqata ajllawarqa Israel suyuta kamachinaypaj.

Isaías 11:1

Davidpa tatan Yeseqa uj k'ullu jina, chay k'ullumantataj ijimonqa, chay saphinmanta ijimojtaj poqonqa.

Isaías 11:10

Chaypacha Yesejpa saphinmanta ijimojqa tukuy suyupaj wiphala jina uj señal kanqa. Tukuy runakuna payta mask'anqanku, tiyakunantaj jatun kayninwan lliphipirenqa.

Isaías 55:4

Noqa Davidta tukuy suyupaj testigo kananpaj churarqani, chantá kuraj kamachej jina paykunaman yachachinanpaj.

Jeremías 11:14

Ajinaqa Jeremías, ama kay runakunarayku imatapis mañawaychu, ama majakuwaychu nitaj qhaparimuwaychu, imaraykuchus ñak'ariypi rikukuspa qhaparikamuwajtinkupis, mana uyarisajchu.

Jeremías 15:1

Tata Dios niwarqa: Sichus Moiseswan, Samuelwanpis kay aylluyrayku mañakuwankuman chaypis, manapuni kay runakunamanta khuyakuymanchu. Kay runakunata ñawpaqeymanta qharqoy. Maymanpis ripuchunku.

Jeremías 6:30

Paykuna sutichasqa kanku: “Qhesachasqa qolqe metal”, nispa, imaraykuchus noqa, Tata Dios, paykunata qhesacharqani, nispa.

Jeremías 7:16

Tata Dios nillawarqataj: Qan, Jeremías, ama kay runakunarayku mañakuwaychu, nitaj majakuwaychu. Amapuni paykunapaj mañapuychu. Amallataj kutin kutinta paykunarayku mañawaychu, imaraykuchus mana uyarisqaykichu.

Zacarías 4:14

Paytaj kutichiwarqa: Chaykunaqa Zorobabelwan, Josuewan ima ninakunku. Kay pachaj Dueñon Tata Diosmin paykunata t'aqarqa paypaj uj ruwanata ruwanankupaj, nispa.

Romanos 15:12

Diosmanta sut'inchaj Isaiaspis nillantaj: Yesejpa mirayninmanta uj kuraj kamachej sayarenqa. Payqa mana judío kajkunata kamachinanpaj sayarenqa, paykunataj paypi atinikuspa allin kajta suyakonqanku, nispa.

Hebreos 11:32

Imatataj astawan niymanri? Parlanaqa mayraj kashan, manataj tiempo kanchu parlanapaj Gedeonmanta, Baracmanta, Sansonmanta, Jeftemanta, Davidmanta, Samuelmanta, chantá Diosmanta waj sut'inchajkunamanta ima.

1 Juan 5:16

Sichus pipis wawqe pananta mana wañuyman apaj juchata ruwajta rikunman chayqa, Diosmanta paypaj mañapuchun, Diostaj payman kawsayta qonqa. Chayta nini mana wañuyman apaj juchata ruwajkunamanta, imaraykuchus wañuyman apaj jucha tiyallantaj. Chay juchata ruwajpajrí mana ninichu Diosmanta pipis mañapunanta.

1 Samuel 10:1

Saulpa kamachin ripojtinkama, Samuelqa Saulpa umanman aceitewan jich'aykorqa, much'aykuspataj, nerqa: Kunanmanta Tata Diosqa Israel suyunpi kuraj kamachejnin kanaykipaj ajllasunki. Paykunata kamachispa, muyuyninkupi kaj awqankukunaj makinkumanta kacharichinki. Tata Diosqa qanta kuraj kamachej kanaykipaj ajllasusqanmanta kaymin señal kanqa:

1 Samuel 15:11

Saulta kuraj kamachej kananpaj churasqaymanta sonqoy ukhupi sinch'ita llakikuni, imaraykuchus payqa noqamanta karunchakun, manataj nisqayta junt'anchu, nispa. Chantá Samuelqa sinch'i llakisqa qhepakorqa, tukuy tutantintaj Tata Diosmanta mañakorqa.

1 Samuel 15:23

Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.

1 Samuel 15:26

Samueltajrí Saulman kuticherqa: Mana qanwanqa risajchu. Tata Diospa kamachisqanta qhesachasqaykirayku kunanqa pay qhesachasunkiña, amaña Israelpa kuraj kamachejnin kanaykipaj, nispa.

1 Samuel 15:35

Chantá Samuelqa manaña ujtawan Saulta rikorqachu. Mayta llakikuspa, Saulmanta waqarqa. Tata Diospis Israel suyupi kuraj kamachej kananpaj Saulta churasqanmanta sinch'ita llakikorqa.

1 Samuel 16:15

Saulpa kamachinkunataj nerqanku: Wiraqochíy, Diospa kachamusqan uj millay espíritu qanta ñak'arichishasunki.

1 Samuel 16:23

Ajinaqa Diospa kachamusqan millay espíritu Saulman jamojtinkama, Davidqa arpanta tocapoj. Arpata tocapojtintaj, Saulqa yuyayninman kutirej, walejyajtaj. Chay millay espiritutaj paymanta karunchakoj.

1 Samuel 17:12

Chaypacha Judamanta Belenpi Yesé sutiyoj runa tiyakusharqa. Payqa Saúl kawsashajtin unayniyojña karqa. Chay runajta pusaj churinkuna tiyaporqa, ujnin kaj churintaj David karqa.

1 Samuel 9:16

Q'aya kunanta jina Benjamín jatun ayllumanta uj runata kachamusqayki, paytataj aceitewan jawinki, Israel aylluypa kuraj kamachejnin kananpaj. Payqa Israel aylluyta filisteokunaj makinkumanta kacharichenqa, imaraykuchus noqa aylluymanta khuyakuni, ñak'arisqankuta rikuspa, nispa.