1 Samuel 15:3 - DIOSPA QHELQACHISQAN DEUTEROCANONICAL

³ Chayrayku amalecitakunawan maqanakoj riy. Tukuy paykunata wañuchimuy, jinataj tukuy kapuyninkutapis phiriy, ama ni uj chhikanta paykunamanta khuyarikuspa. Wañurachiy qharikunata, warmikunata, wawakunata, ñuñoj wawakunatapis. Ajinallatataj wañuchiy tukuy wakankuta, ovejankuta, camellonkuta, burronkuta ima, nispa.

Qheshwa Biblia DC

³ Chayrayku paykunawan maqanakoj riy; tukuy paykunata jinataj tukuy kapuyninkutapis chinkachimunaykipuni tiyan, ama ni uj chhikanta paykunamanta khuyarikuspa. Wañurachiy qharista warmista, wawasta, chay ñuñoj wawastapis, ajinallatataj wakasninkuta, ovejasninkuta, camellosninkuta, burrosninkuta ima.

DIOSPA QHELQACHISQ

³ Chayrayku amalecitakunawan maqanakoj riy. Tukuy paykunata wañuchimuy, jinataj tukuy kapuyninkutapis phiriy, ama ni uj chhikanta paykunamanta khuyarikuspa. Wañurachiy qharikunata, warmikunata, wawakunata, ñuñoj wawakunatapis. Ajinallatataj wañuchiy tukuy wakankuta, ovejankuta, camellonkuta, burronkuta ima, nispa.

1 Samuel 15:3 ပူးပေါင်းရင်းမြစ်များ

Génesis 36:12

Elifazpa ujnin warminpi karqa Timna. Payqa Elifazpaj uj qhari wawata rejserqa, sutintaj Amalec karqa. Paykuna Esaujpa warmin Adaj allchhinkuna karqanku.

2 Samuel 1:8

Pay tapuwarqa pichus kasqayta, noqataj nerqani: Amalecita kani, nispa.

Éxodo 17:14

Chantá Tata Dios Moisesta nerqa: Kayta sapa kuti yuyarinapaj uj p'anqaman qhelqay. Josuemantaj kay jinata niy: Qhepanejman noqa kay pachamanta tukuy amalecitakunata chinkachinayta, nispa.

Éxodo 20:5

Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Números 24:20

Chaymanta Balaamqa amalecitakunata qhawarispa, kay jinata nillarqataj: Amalecqa manchay atiyniyoj suyu karqa, tukuy suyumanta nisqa astawan atiyniyoj. Chay tukuywanpis tukuynin chinkachisqa kanqa, nispa.

Números 31:17

Jinaqa kunanpacha Madianmanta tukuy qhari wawakunata, jinallataj qharita rejsej tukuy warmita wañuchiychej.

Josué 10:39

Chay Debir llajtaman yaykuykuspataj, kuraj kamachejninta, chay llajtapi tukuy tiyakojkunatawan ima ni uj puchuyojta espadawan wañuracherqanku. Jinallataj qayllanpi llajtakunapipis tukuynin runakunata wañuracherqanku, imaynatachus Hebronta, Libnata, kuraj kamachejninta ima ruwarqanku, ajinata.

1 Samuel 14:48

Ashkha soldadota tantaykuspa, amalecitakunatapis atipaykullarqataj. Ajinamanta israelitakunata suwajkunamanta kacharicherqa.

1 Samuel 15:18

Tata Diostaj sut'ita kamachisorqa juchasapa amalecitakunata chinkachinaykita, mana uj puchuyojtataj wañuchinaykita.

1 Samuel 15:9

Chaywanpis Saúl, jinataj soldadonkuna ima kuraj kamachej Agagta mana wañucherqankuchu, nillataj sumachaj ovejakunata, torokunata, wira torillokunata, nitaj corderokunatapis wañucherqankuchu. Nillataj sumachaj kaj imakunatapis phirerqankuchu. Imatachus phirirarqanku, chaykunaqa mana walej, mana valorniyoj karqa.

1 Samuel 22:19

Jinallataj Doegqa sacerdotekunaj llajtanku Nobman rispa, wañuchillarqataj qharikunata, warmikunata, wawakunata chantá ñuñoj wawakunatapis. Wañuchillarqataj bueykunata, burrokunata, ovejakunata ima.

1 Samuel 27:9

Davidqa chay cheqapi tiyakojkunawan maqanakuspa, qharikunata, warmikunata, tukuyninta wañuchej kanku. Chay jawa ovejakunata, wakakunata, burrokunata, camellokunata chantá p'achata ima apakampullajtaj kanku. Chantá Aquis maypichus tiyakorqa, chayman kutimoj kanku.

1 Samuel 30:17

Chantá Davidqa tutamantapacha inti yaykunankama paykunawan maqanakorqa, tukuyninkutataj wañuracherqa. Amalecitakunamantaqa 400 waynakunalla camellokunaman lloq'aykuspa, ayqerikaporqanku.