1 Samuel 14:6 - DIOSPA QHELQACHISQAN DEUTEROCANONICAL

⁶ Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.

Qheshwa Biblia DC

⁶ Jonatanqa chay yanapajninman nerqa: Thaskiypacha, risunchej Diosta mana manchachikoj runaspaman. Ichapis Señorqa noqanchejnejta imatapis ruwanman, paypajqa atikullan atipachinawanchej ashkha runaswampis, chayri pisiswampis.

DIOSPA QHELQACHISQ

⁶ Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.

1 Samuel 14:6 ပူးပေါင်းရင်းမြစ်များ

2 Samuel 1:20

Chaytaqa ama willaychejchu Gat llajtapi, nillataj willaraychejchu Ascalón llajtapipis, ama chay filistea warmikuna kusikunankupaj, nitaj lantikunata qhatejkunaj ususinku kusiywan tusunankupaj.

2 Samuel 16:12

Ichapis Tata Diosqa kay llakiyniyta rikuspa, maldiciwasqanta saminchayman tukuchinman, nispa.

2 Reyes 19:4

Ichapis Tata Diosniykeqa soldadokunata kamachej Rabsacespa parlasqanta uyarinña. Asiria suyuta kuraj kamachejqa payta kachamorqa kawsaj Diosmanta millayta parlananpaj. Tata Diosniyki imatachus nisqanmanta payta jasut'ichun. Kunanqa kaypi qhepakojkunarayku Diosmanta mañapuy ari, nispa.

2 Crónicas 14:10

10 (9) Chaypacha Asaqa paykunaj contranta maqanakoj llojserqa, soldadonkunawantaj Maresa llajta qayllapi Sefata vallepi maqanakunankupaj wakichikorqanku.

2 Crónicas 14:11

11 (10) Chantá Asaqa Tata Diosmanta mañakorqa: Tata Diosníy, kallpayojta pisi kallpayojtapis yanapanki. Chayrayku yanapariwayku Tata Diosniyku, qanpi atinikusqaykurayku. Sutiykipi kay soldadokunawan maqanakoj jamuyku. Tata Dios, qanmin Diosniykoqa kanki. Manapuni qantaqa pipis atipasonqachu, nispa.

Salmos 135:6

Tata Diosqa tukuy munasqanta ruwan, janajpi, kay pachapi, mama qochapi, mama qocha ukhupipis munasqantapuni ruwan.

Jeremías 9:23

23 (22) Tata Dios nillantaj: Yachayniyoj runa yachayniyoj kasqanmanta ama runaykachachunchu, nitaj atiyniyojpis atiyninmanta, nillataj qhapajpis kapuyninmanta umata oqharichunchu.

Jeremías 9:25

25 (24) Tata Dios nillantaj: Uj p'unchay jamushan, chay p'unchaypitaj noqaqa circuncidasqa kajta, mana circuncidasqa kajta, tukuytapuni jasut'isaj.

Jeremías 9:26

26 (25) Kay suyukunata jasut'isaj: Egiptota, Judata, Edomta, Amonta, Moabtawan ima. Jinallataj ch'innejpi tukuy tiyakojkunata, pikunachus umankuta ruthuchikunku, chaykunatawan ima jasut'illasajtaj. Chayta ruwasaj, imaraykuchus chay suyukuna, jinataj israelitakunapis cheqapuni sonqonkupi mana circuncidasqachu kanku, nispa.

Amós 5:15

Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

Sofonías 2:3

Qankunarí, kay pachapi pisi tiyapuyniyojkuna, Diospa kamachisqanta junt'ajkuna, tukuyniykichej Tata Diosta mask'aychej. Jinallataj cheqan kajta ruwaychej, k'umuykuychejtaj. Ajinamanta ichapis Tata Diospa phiñakuyninpa p'unchayninpi waqaychasqa kankichej.

Zacarías 4:6

Chantá chay ángel willawarqa: Kayqa Tata Diosmanta uj willay Zorobabelpaj: Atipanaykipaj noqa mana soldadokunawanchu, nitaj runaj kallpawanchu yanapasqayki. Manachayqa Espirituywanmin atipachisqayki, nispa nin Tukuy Atiyniyoj Tata Dios.

Números 10:32

Sichus noqaykuwan rinki chayqa, Tata Dios sumaj imakunata qowasqaykumanta qanmanpis qollasqaykutaj, nispa.

Números 31:4

Sapa jatun ayllumanta waranqa soldadokuna maqanakoj richunku, nispa.

San Mateo 19:26

Jesustaj paykunata qhawarispa, nerqa: Runapajqa chay mana atikunchu, Diostajrí tukuy imata ruwayta atin, nispa.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

Deuteronomio 32:30

Imaynamantataj uj runalla waranqa runakunata qhatiykuyta atinmanri? Imaynatataj iskay runalla chunka waranqa runakunata ayqechiyta atinkumanri? Ajina kanqa paykunata jark'akoj Tata Diosninku awqankuman jaywaykunanta nisqanrayku.

Filipenses 3:3

Noqanchejmin cheqapuni circuncidasqa kanchej, mana paykunachu, imaraykuchus Santo Espíritoj yanapasqan kaspa, Diostapuni yupaychanchej. Jinallataj Cristojta kasqanchejmanta kusikunchej, manataj runa imatachus ruwasqanpi atinikunchejchu.

Josué 14:12

Chayrayku orqorara jallp'ata qoway ari, mayqentachus Tata Dios qonawanta nerqa, chayta. Qan yachanki chaynejpi jatunkaray runa Anacpa churinkuna sumaj phatu perqawan muyuykusqa llajtakunapi tiyakusqankuta. Chaywanpis noqaqa Tata Diospa yanapawasqanwan chay runakunata wijch'usaj, Tata Diospa nisqanman jina, nispa.

Jueces 15:18

Chaymantaqa Sansón yakumanta mayta ch'akichikushaspa, Tata Diosman mañakorqa: Imapajtaj atipayta yanapawarqankiri? Kunanqa yaku ch'akiywan wañusajchu qanta mana rejsejkunaj makinkupi? nispa.

1 Samuel 14:5

Ujnenqa wichaynejpi Micmas chimpaman qhawarisqa karqa, ujnintaj uranejpi Gabaa chimpanejman qhawarisqa.

1 Samuel 14:7

Armanta apaykachapoj kamachintaj nerqa: Imatachus yuyasqaykita ruway, noqataj imatachus ruwayta munasqaykipi yanapasqayki, nispa.

1 Samuel 17:26

Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.

1 Samuel 17:36

Ajinata noqaqa leontapis, jinallataj jukumaritapis wañuchej kani. Kay mana diosniyoj filisteotapis kikillantataj ruwasaj, Tata Diospa soldadonkunaj contrankupi sayaykusqanrayku.

1 Samuel 17:46

Kunanpacha Tata Diosqa qanta atipayta yanapawanqa, noqataj wañuchisqayki, umaykitataj qholurparisqayki. Jinataj tukuy filisteokunaj ayankuta suwintukunaman, aycha mikhoj animalkunamanwan qarasaj. Jinamanta tukuy yachanqanku Israel ukhupi Dios kasqanta.

1 Samuel 17:47

Kaypi tukuy tantasqa runakunapis yachallanqankutaj Tata Diosqa mana espadawanchu, nitaj lanzawanchu atipachisqanta. Kay maqanakoyqa Tata Diospatamin, paytaj qankunata atipaykuyta yanapawasqayku, nispa.

1 Samuel 31:4

Chayrayku Saulqa armanta apaykachapoj soldadota nerqa: Espadaykita orqhokuspa, wañuchiway, Diosta mana manchachikoj runakuna wañuchiwaspa ama alqochakunawankupaj, nispa. Armanta apaykachapojrí mana Saulpa nisqanta ruwarqachu, sinch'ita manchachikusqanrayku. Chayrayku Saulqa espadanta sayaykuchispa, patanman urmaykurparerqa.