1 Samuel 11:6 - DIOSPA QHELQACHISQAN DEUTEROCANONICAL

⁶ Chayta Saúl uyarejtinkama, Diospa Espiritonqa Saulman jamorqa, Saultaj may sinch'itapuni phiñarikorqa.

Qheshwa Biblia DC

⁶ Chayta uyarejtinkamataj Diospa Espíritun Saulman jamorqa. Saultaj may sinch'itapuni phiñarikorqa.

DIOSPA QHELQACHISQ

⁶ Chayta Saúl uyarejtinkama, Diospa Espiritonqa Saulman jamorqa, Saultaj may sinch'itapuni phiñarikorqa.

1 Samuel 11:6 ပူးပေါင်းရင်းမြစ်များ

Éxodo 32:19

Chantá Moisés jaraman qayllaykuspa, waka uña lantita rikorqa, israelitakunatataj tusushajta tariparqa. Chantá manchay k'arajta phiñarikuspa, makinpi jap'isharqa, chay p'alta rumikunata orqo k'uchupi choqaspa p'akirparerqa.

Números 12:3

Moisesqa tukuy kay pachapi runakunamanta nisqaqa aswan llamp'u sonqoyoj karqa.

Marcos 3:5

Chaymanta Jesusqa phiñakuspa, muyuyninpi kajkunata qhawarerqa, paykunamantataj llakikorqa rumi sonqo kasqankurayku. Chay onqosqa runatataj nerqa: Makiykita jaywariy, nispa. Paytaj makinta jaywarejtinkama, makin qhaliyaporqa.

Efesios 4:26

Phiñakuspaqa, ama juchalliychejchu, manachayqa manaraj inti yaykushajtin, allinyakapuychej.

Jueces 11:29

Chaypacha Tata Diospa Espíritun Jefteman jamorqa. Jeftetaj Galaad jallp'anejta, Manasesnejta, Galaadpi Mispanejta ima purerqa soldadokunata mask'aspa amonitakunawan maqanakunankupaj. Jinaytawantaj, Galaadpi Mispamanta amonitakunaj jap'iyninkuman soldadonkunawan yaykorqa.

Jueces 13:25

Chantá Tata Diospa Espíritun Sansonman jamuspa, payta kallpacharqa, Danpa jaranpi kashajtin. Chay kashan Sorawan, Estaolwan, chay chawpinejpi jina.

Jueces 14:6

Chaypacha Tata Diospa Espiritonqa Sansonman sinch'i kallpata qorqa, Sansontaj makillanwan uj chivituta jina leontaqa t'isarparerqa. Chaywanpis chayta ruwasqantaqa tatan mamanman mana willarqachu.

Jueces 15:14

Judamanta kajkunaqa Sansonta Lehiman chayachimojtinkutaj, filisteokuna kusiywan qhaparqachaspa, payta taripaj llojserqanku. Chantá Tata Diosqa Espiritunwan watej Sansonta kallpacharqa. Sansontaj makinpi chay watasqa lino waskhata p'itirarqa, phunu q'aytupis kanman jinata.

Jueces 3:10

Otonielmantaj Tata Diospa Espíritun jamorqa, paytaj israelitakunata kamacherqa. Tata Diosqa Otonielta yanaparqa maqanakuman israelitakunata pusajtin, kuraj kamachej Cusán Risatayinta atipanankupaj.

Jueces 6:34

Chaypacha Gedeonqa Tata Diospa Espiritunnejta kamachisqa kaspa, putututa waqacherqa, Abiezerpa tukuy ayllunmanta kajkuna tantakamunankupaj.

1 Samuel 10:10

Saulwan, kamachinwan ima Gabaa llajtaman chayajtinku, Diosmanta sut'inchajkuna paykunawan tinkukorqanku. Chaypacha Tata Diospa Espíritun Saulman jamorqa, Saultaj Diosmanta sut'inchajkuna jina paykunawan khuska Diosmanta sut'incharqa.

1 Samuel 10:6

Chaypacha Tata Diospa Espíritun qanman jamuspa, kallpachasonqa, qantaj paykuna jinallataj Diosmanta sut'inchanki. Chantá mosoj sonqoyoj runaman tukunki.

1 Samuel 16:13

Chaypacha Samuelqa aceiteyoj wajrata jap'ispa, wawqenkunaj rikunanta Davidpa umanman jich'aspa jawiykorqa. Chaymantapachataj Tata Diospa Espíritun Davidman jamorqa. Chantá Samuelqa Ramá llajtaman kutiporqa.

1 Samuel 16:14

Chaypacha Tata Diospa Espíritun Saulmanta karunchakorqa, Tata Diospa kachamusqan uj millay espiritutaj payta ñak'arichisharqa.