1 Juan 5:16 - DIOSPA QHELQACHISQAN DEUTEROCANONICAL

¹⁶ Sichus pipis wawqe pananta mana wañuyman apaj juchata ruwajta rikunman chayqa, Diosmanta paypaj mañapuchun, Diostaj payman kawsayta qonqa. Chayta nini mana wañuyman apaj juchata ruwajkunamanta, imaraykuchus wañuyman apaj jucha tiyallantaj. Chay juchata ruwajpajrí mana ninichu Diosmanta pipis mañapunanta.

Qheshwa Biblia DC

¹⁶ Pillapis wauqenta rikunman mana wañuyman apaj juchawan juchallejta chayqa, Diosmanta paypaj mañapuchun. Diostaj payman kausayta qonqa. Kayta nini mana wañuyman apaj juchawan juchallejkunapaj. Tiyallantaj wañuyman apaj juchapis. Mana ninichu Diosmanta mañanata chay juchawan kajpaj.

DIOSPA QHELQACHISQ

¹⁶ Sichus pipis wawqe pananta mana wañuyman apaj juchata ruwajta rikunman chayqa, Diosmanta paypaj mañapuchun, Diostaj payman kawsayta qonqa. Chayta nini mana wañuyman apaj juchata ruwajkunamanta, imaraykuchus wañuyman apaj jucha tiyallantaj. Chay juchata ruwajpajrí mana ninichu Diosmanta pipis mañapunanta.

Quechua South Bolivia: Dios Parlapawanchej

¹⁶ Uj hermanota juchallishajta ricuwajchej chayka, Diosmanta mañapuychej. Diosta mana casuspa paypuni juchallejka wañuyman wijch'uska canka. Noka mana niyquichejchu chay juchallejpajka mañapunayquichejta. Mana paypuni juchallejrí Diosmanta mañapuskayquichejraycu causayta atin jap'iyta.

1 Juan 5:16 ပူးပေါင်းရင်းမြစ်များ

Génesis 20:17

Chaymanta Abrahamqa Diosmanta mañaporqa. Diostaj Abimelecta, jinallataj warmintapis, chantá warmi kamachinkunatapis thañichillarqataj, paykuna wawayoj kayta atinankupaj.

Génesis 20:7

Kunanqa chay warmita qosanman kutichipuy, imaraykuchus payqa noqamanta sut'inchajmin. Paytaj kawsanaykipaj qanrayku noqamanta mañapusonqa. Warmintachus mana kutichipunki chayrí, qan, chantá tukuy qanpata kajkuna ima wañunkichejpuni, nispa.

Salmos 106:23

Chayrayku Dios nerqa: Paykunata tukuchisaj, nispa. Ajllakusqan Moisés paykunarayku mañapojtintajrí, Tata Diospa phiñakuynin tiyaykorqa. Ajinata ruwaspa, Moisesqa israelitakunata Tata Dios chinkarparichinanmanta jark'arqa.

Éxodo 34:9

Diosníy, sichus khuyarikuspa qhawarinawaykita tarini chayqa, noqaykuwan riy ari. Kay runakunaqa mana uyarikuyta munaj kanku. Chaywanpis millayta ruwaspa purisqaykuta, juchaykuta ima pampachapuwayku, jinaspataj, aylluykita jina jap'ikapuwayku, nispa.

Jeremías 11:14

Ajinaqa Jeremías, ama kay runakunarayku imatapis mañawaychu, ama majakuwaychu nitaj qhaparimuwaychu, imaraykuchus ñak'ariypi rikukuspa qhaparikamuwajtinkupis, mana uyarisajchu.

Jeremías 14:11

Chantá Tata Dios nillawarqataj: Kay runakunata yanapanayta ama mañakuwaychu.

Jeremías 7:16

Tata Dios nillawarqataj: Qan, Jeremías, ama kay runakunarayku mañakuwaychu, nitaj majakuwaychu. Amapuni paykunapaj mañapuychu. Amallataj kutin kutinta paykunarayku mañawaychu, imaraykuchus mana uyarisqaykichu.

Ezequiel 22:30

Chay runakuna ukhupi noqa uj runallatapis mask'arqani, pillapis kay suyoj allinninta mask'aspa, ñawpaqeypi noqamanta mañapunanpaj ajinamanta ama paykunata chinkachinaypaj. Chaywanpis mana ujllatapis tarerqanichu.

Números 12:13

Chantá Moisesqa Tata Diosmanta mañaporqa: Tata Diosníy, mañarikuyki Mariata thañichipunaykita, nispa.

Números 15:30

Sichus mayqellanpis, israelitapis kachun, chayrí waj llajtayojpis kachun, yachashaspa juchallinman chayqa, noqata manakajpaj qhawawan. Chayrayku chay runaqa israelitakuna ukhumanta wijch'usqa kanqa.

San Lucas 12:10

Sichus pipis Runaj Churinpa contranta millayta riman chayqa, Dios chay juchata pampachayta atin. Sichus pipis Santo Espíritoj contranta millayta riman chayrí, Diosqa chay juchanta manapuni pampachanqachu.

San Juan 17:9

Noqaqa mana pikunachus noqapi mana atinikuyta munajkunaraykuchu mañakuyki, manachayqa pikunatachus qan qowarqanki, chaykunaraykulla, imaraykuchus paykunaqa qanpata kanku.

2 Timoteo 4:14

Fierrota takaj Alejandroqa ashkha mana allinkunata ruwawarqa. Tukuyta Kamachej Diosrí payman ruwasqanman jina kutichiponqa.

1 Juan 5:17

Tukuy millay kajta ruwanaqa juchamin. Chaywanpis, mana tukuy juchachu wañuyman apan.

1 Samuel 12:19

Chayrayku tukuyninku Samuelta nerqanku: Tata Diosniykimanta noqaykurayku mañaripuwayku ari, ama wañunaykupaj. Kuraj kamachejta mañakuspa, juchaykuman astawan yapaykukuyku, nispa.

1 Samuel 2:25

Sichus uj runa wajpa contranpi juchallin chayqa, Tata Diosqa payrayku parlayta atin. Tata Diospa contranpi juchallejtinrí, pitaj kutikuspa paypaj mañaponqari? nispa. Chaywanpis paykunaqa tatankoj nisqanta mana kasorqankuchu, imaraykuchus Tata Diosqa wañuchisqa kanankuta nisqaña.