1 Juan 4:7 - DIOSPA QHELQACHISQAN DEUTEROCANONICAL

⁷ Munasqa wawqe panakuna, purajmanta munakunanchej tiyan, imaraykuchus munakunaqa Diosmantamin. Pichus runa masinta munakojqa Diospa wawanmin, Dioswantaj k'achata kawsakun.

Qheshwa Biblia DC

⁷ Munakusqasníy, purajmanta munanakunachej. Munakoyqa Diosmantamin. Munakojqa Diospa wawan, Diostataj rejsin.

DIOSPA QHELQACHISQ

⁷ Munasqa wawqe panakuna, purajmanta munakunanchej tiyan, imaraykuchus munakunaqa Diosmantamin. Pichus runa masinta munakojqa Diospa wawanmin, Dioswantaj k'achata kawsakun.

Quechua South Bolivia: Dios Parlapawanchej

⁷ Munacuskasníy, cheka munacuyka Diosllamantamin cashan. Chayraycu nokanchejka purajmanta munanacunanchejpuni Diospa munacuyninwan. Cheka munacuyniyoj cajka Diospa cheka wawan cashan, paytataj rejsin.

1 Juan 4:7 ပူးပေါင်းရင်းမြစ်များ

San Juan 13:34

Kunantajrí kay mosoj kamachisqata yachachiykichej: Qankunapura munakuychej. Imaynatachus noqa munakorqaykichej, ajinallatataj qankunapis purajmanta munakuychej.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

1 Corintios 8:3

Pichus Diosta munakun, chaytaqa Dios paypata kasqanta rejsikapun.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Gálatas 4:9

Kunantajrí Diosta rejsinkichejña, chayrí Diospa rejsikapusqan kankichej. Chayrayku mana yachayta atinichu imaraykuchus Diosman churanakojkunaj yuyasqankuman jina purinapi wata runa jina watej kayta munasqaykichejta. Chay runakunaj yuyasqankoqa runata yanapananpaj mana atiyniyojchu, nitaj imapajpis valenchu.

Gálatas 5:22

Cristota qhatej runapi Santo Espíritoj ruwasqanrí kaykuna kanku: Munakuyniyoj kay, kusikuyniyoj kay, sonqo tiyaykusqa kay, pacienciayoj kay, khuyakuyniyoj kay, k'acha kay, nisqanta junt'aj kay,

Deuteronomio 30:6

Tata Diosniykichejqa qankunaj sonqoykichejta, chantá wawaykichejkunaj sonqonkutapis kasukuyta munana sonqota ruwasonqachej, payta tukuy sonqoykichejwan, tukuy almaykichejwan ima munakunaykichejpaj. Ajinata ruwasqaykichejrayku unayta kawsankichej.

2 Timoteo 1:7

Ajinata niyki, imaraykuchus Diosqa mana manchachikoj sonqotachu qowarqanchej, manachayqa Espíritun atiyta qowanchej, wajkunata munakunapaj kallpata, sonqonchejpa munasqanwan mana apaykachachikuyta ima.

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

1 Juan 2:10

Pichus wawqe pananta munakojrí k'anchaypi purishan, manataj pitapis misk'achinanpaj jina imatapis ruwanchu.

1 Juan 2:29

Qankuna yachankichejña Jesucristo cheqanta ruwaj kasqanta. Yachallankichejtaj cheqan kajta ruwajkunaqa cheqapuni Diospa wawankuna kasqankuta.

1 Juan 2:3

Sichus Diospa kamachisqanta kasunchej chayqa, yachanchej cheqapuni Dioswan allinpi kawsakushasqanchejta.

1 Juan 2:4

Sichus pipis ninman: Noqaqa Dioswan allinpi kawsakushani, nispa, nitaj kamachisqanta kasunchu chayqa, chay runaqa llullamin, manataj cheqantachu parlashan.

1 Juan 2:7

Munasqa wawqe panakuna, mana mosoj kamachisqatachu qhelqamuykichej, manachayqa unaymantapacha uyarerqankichej, chay kamachisqata, mayqentachus yachankichejña, chayta.

1 Juan 3:9

Diospa wawanña kajqa mana juchallispallapuni purinchu, imaraykuchus paypeqa Diospa kawsaynin kashan. Ajinaqa pichus Diosmanta paqarejqa manaña juchallispallapuni puriyta atinmanchu.

1 Juan 4:11

Munasqa wawqe panakuna, sichus Dios ajinata munakuwarqanchej chayqa, ajinallatataj noqanchejpis ujkuna ujkuna munakunanchej tiyan.

1 Juan 4:12

Mana pipis jayk'aj Diosta rikorqachu. Noqanchej purajmanta munakunchej chayrí, Dios noqanchejpi tiyakun, munakuynintaj noqanchejpi imachus ruwananta ruwaspa, imatachus tariyta munasqanta junt'an.

1 Juan 4:16

Noqanchejqa may jinatachus Dios munakuwasqanchejta yachanchej, munakuwasqanchejpitaj atinikunchej. Diosqa cheqatapuni tukuyta munakojmin. Jinaqa pikunachus munakuspallapuni kawsajkunaqa Dioswan ujchasqa kawsakunku, Diostaj paykunapi kawsakun.

1 Juan 4:20

Sichus pipis ninman: Noqaqa Diosta munakuni, nispa, Jesucristota qhatej masintataj chejnikunman chayqa, payqa llullamin. Sichus pipis rikushasqan runa masinta mana munakunchu chayqa, mana rikusqan Diostapis manallataj munakunchu.

1 Juan 4:8

Pichus runa masinta mana munakojrí mana Dioswan k'achata kawsakunchu, imaraykuchus Diosqa cheqatapuni tukuyta munakojmin.

1 Juan 5:1

Tukuy pichus creen Jesusqa Diospa kachamusqan Cristo kasqanta chayqa, payqa Diospa wawan. Jinallataj Tata Diosta munakojqa Tataj wawankunatapis munakullantaj.

2 Juan 1:5

Kunanqa wawqe panakuna, tukuy sonqo mañarikuykichej ujkuna ujkuna munakuspa kawsakunata. Chayta nispa, mana mosoj kamachisqatachu qhelqamushani, manachayqa qallariymantapacha kamachisqaña karqa, chayta.