1 Juan 3:7 - DIOSPA QHELQACHISQAN DEUTEROCANONICAL

⁷ Munasqa wawaykuna, ama piwanpis q'otiyachikuychejchu. Pichus cheqan kajta ruwajqa cheqan runa kasqanta rejsichikun, imaynachus Jesucristopis cheqan, ajina.

Qheshwa Biblia DC

⁷ Wawitasníy, ama piwampis ch'aukiyachikuychejchu. Pichus cheqan kajta ruwajqa, cheqan runa; imaynatachus Jesucristopis cheqan, ajina.

DIOSPA QHELQACHISQ

⁷ Munasqa wawaykuna, ama piwanpis q'otiyachikuychejchu. Pichus cheqan kajta ruwajqa cheqan runa kasqanta rejsichikun, imaynachus Jesucristopis cheqan, ajina.

Quechua South Bolivia: Dios Parlapawanchej

⁷ Munaska wawasníy, ama sakeychejchu ni pipis pantachisunayquichejta. Chekanta ruwajka chekan runamin, Cristo chekan caskanjina.

1 Juan 3:7 ပူးပေါင်းရင်းမြစ်များ

Salmos 106:3

Cheqan justiciata ruwajkuna kusisqa kachunku, imaraykuchus paykuna cheqan kajtapuni ruwanku.

Salmos 45:7

7 (8) Qanqa cheqan kajta munakunki, millayta ruwanatataj chejnikunki. Chayrayku Diosniyki qanta ajllakusunki, jinaspataj, kawsaqeykikunamanta astawanraj kusiywan junt'achisunki.

San Mateo 5:20

Chayrayku qankunata niykichej: Qankuna yuyankichej Diospa kamachisqanmanta yachachejkuna, fariseokunawan ima, cheqan runa kasqankuta. Manachus qankuna paykunamanta aswan cheqan kawsayniyoj kankichej chayrí, janaj pachamanta Diospa kay pachapi kamachiyninman mana yaykunkichejchu.

San Lucas 1:75

Diospa ñawpaqenpi may llimphuta purispa, jinallataj cheqanta ruwaspa.

Hechos 10:35

Manachayqa mayqen suyullamantapis kachun, pichá Diosta jatun respetowan qhawan, cheqa kajtataj ruwan, chay runatamin Dios allinpaj qhawan.

Romanos 2:13

Chayqa jina, imaraykuchus mana kamachisqata uyarejkunallachu Diospa ñawpaqenpi cheqan runapaj qhawasqa kanqanku. Aswanpis kamachisqaj nisqanta kasojkunamin cheqan runapaj qhawasqa kanqanku.

1 Corintios 6:9

Manachu yachankichej mana cheqan kajta ruwajkunaqa Diospa kamachiyninman mana yaykunankuta? Ama q'otiyachikuychejchu: Khuchichakuypi purejkuna, lantikunata yupaychajkuna, warminkuta qosankuta wasanchaspa wajwan khuchichakojkuna, qhari kashaspa warmiman tukojkuna, qharipura jinanakojkunapis Diospa kamachiyninman mana yaykonqankuchu.

Efesios 5:6

Ama piwanpis qhasi manakaj parlasqanwan q'otiyachikuychejchu, imajtinchus chaykunata ruwasqankurayku Diospa k'araj phiñakuynin mana kasukojkunaj patankuman jamun.

Efesios 5:9

Ajinata puriychej, imajtinchus qankuna ukhupi kashaj k'anchayqa allin kajta ruwachiwanchej, cheqan ruwaykunata, cheqa kajta ima.

Filipenses 1:11

Chay jinamanta qankuna Jesucristoj yanapasqanwan allin kajta ruwayta atinkichej, runakuna Tata Diosta yupaychanankupaj, chantá jatunchanankupaj ima.

Hebreos 1:8

Churinmantatajrí nin: Diosníy, qanqa wiñay wiñaynintinpaj kamachinki, jinataj justiciata ruwaspa kamachinki.

Hebreos 7:2

Jinataj Abrahamqa kuraj kamachejkunawan maqanakuspa qhechusqanmanta sapa chunkamanta ujta Melquisedecman qorqa. Melquisedec chay suti niyta munan: Cheqan Kajta Ruwaj Kuraj Kamachej. Jinallataj ujnin sutin Salenpa Kuraj Kamachejnin, niyta munan: Sonqo Tiyaykusqa Kaypa Kuraj Kamachejnin.

Santiago 1:22

Chaywanpis Diospa nisqantaqa ama uyarillaychejchu, aswanpis kasuychej. Manachus kasunkichej chayqa, qankuna kikiykichejta q'otiyakushankichej.

Santiago 2:19

Qanqa uj k'ata Dioslla kasqanta ninki, paypitaj tukuy sonqo atinikunki. Chayqa walej. Supaykunapis uj k'ata Dios kasqanta yachallankutaj, manchachikuspataj kharkatitinku.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

1 Juan 2:1

Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.

1 Juan 2:26

Noqa kay imakunata qhelqamuykichej qankunata pantachiyta munajkunamanta qhawakunaykichejpaj.

1 Juan 2:29

Qankuna yachankichejña Jesucristo cheqanta ruwaj kasqanta. Yachallankichejtaj cheqan kajta ruwajkunaqa cheqapuni Diospa wawankuna kasqankuta.

1 Juan 3:18

Munasqa wawaykuna, munakusqanchejqa ama nisqallachu kachun. Aswanpis cheqatapuni munakusqanchejta ruwasqanchejwan yachayta qonachej.

1 Juan 3:3

Pichus Jesucristopi atinikuspa jinapuni kananta suyakojqa pay kikin llimphuchakun, imaynachus Jesucristopis llimphupuni, ajina.

1 Juan 4:17

Dioswan kawsakojtinchejtaj, munakuyninchejqa maychus kajta munakunakama wiñan. Chayrayku, juicio p'unchaypi noqanchej mana manchachikuspa Diospa ñawpaqenpi sayayta atisunchej, imaraykuchus Jesús kay pachapi imaynatachus kawsarqa, ajinata kawsanchej.