1 Juan 3:5 - DIOSPA QHELQACHISQAN DEUTEROCANONICAL

⁵ Qankuna yachankichejña, Jesucristoqa juchanchejmanta llimphuchanawanchejpaj jamusqanta. Jesucristorí mana juchallinchu, nipunitaj juchalliyta atinchu.

Qheshwa Biblia DC

⁵ Yachankichej jina, Jesucristoqa jamorqa juchasninchejta chinkachinampaj; manataj paypeqa ni ima jucha kanchu.

DIOSPA QHELQACHISQ

⁵ Qankuna yachankichejña, Jesucristoqa juchanchejmanta llimphuchanawanchejpaj jamusqanta. Jesucristorí mana juchallinchu, nipunitaj juchalliyta atinchu.

Quechua South Bolivia: Dios Parlapawanchej

⁵ Yachanquichejtaj Jesucristo janaj pachamanta jamuskanta juchasninchejta llimphuchananpaj. Paytaj ni jayc'aj juchallicorkachu.

1 Juan 3:5 ပူးပေါင်းရင်းမြစ်များ

Oseas 14:2

Tata Diosman kutirikuychej, kay jinata mañakuspataj, qayllaykuychej: Pampachapuwayku tukuy juchaykuta, simiykuwan yupaychasqaykutataj jap'ikuy.

San Mateo 1:21

Mariaqa qhari wawayoj kanqa, chay wawatataj Jesús sutiwan sutichanki, imaraykuchus payqa ayllunta juchankumanta qhespichenqa, nispa nerqa chay angelqa.

San Lucas 23:41

Noqanchejqa juchanchejrayku kaypi kashanchej, imaraykuchus millay ruwasqanchejmanta ñak'arishanchej. Payrí mana ima sajratapis ruwarqachu, nispa.

San Lucas 23:47

Chantá soldadokunaj capitanninku chayta rikuspa, Diosta jatuncharqa: Kay runaqa cheqan runapuni karqa, nispa.

San Juan 1:29

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

San Juan 1:31

Noqataj mana yacharqanichu pipunichus kasqanta. Chaywanpis israelitakunata yakuwan bautizasharqani payta rejsinankupaj, nispa.

San Juan 14:30

Manaña qankunawan anchata parlasajchu, imaraykuchus kay pachata kamachej jamushanña. Chaywanpis payqa atipanawanpaj mana atiyniyojchu.

San Juan 8:46

Mayqenniykichejtaj juchayoj kasqayta sut'inchawankichejmanri? Ni pi. Jina kajtin, cheqatachus parlani chayqa, imaraykutaj nisqayta mana jap'ikunkichejchuri?

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.

1 Timoteo 1:15

Kay willayqa cheqamin, jap'ikunapaj jinataj, ajinaqa tukuy jap'ikunanchej: Cristo Jesús kay pachaman jamorqa juchasapakunata qhespichinanpaj. Chay juchasapakunamantataj noqa aswan millay juchasapa kani.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

Hebreos 4:15

Chay Kuraj Kaj Sacerdotenchej pisi kallpa kasqanchejta yachaspa, khuyarikuwanchej, imaraykuchus payqa noqanchej jinallataj juchallinaman tanqasqa karqa. Chaywanpis pay mana jayk'ajpis juchallerqachu.

Hebreos 7:26

Jesusqa, necesitasharqanchej chay Kuraj Kaj Sacerdotemin. Payqa juchamanta t'aqasqa, mana k'amina, llimphutaj. Kunantaj Dios Payta juchasapakunamanta t'aqanña, jinataj janaj pachamanta aswan pataman churarqa.

Hebreos 9:26

Mana jina kanman karqa chayqa, kay pacha ruwasqa kasqanmantapacha Cristoqa ashkha kutitaña wañunman karqa. Kunantajrí chay p'unchay junt'akojtin, pay kikin wañunanpaj jaywaykukuspa, uj kutillata wiñaypaj rikhurin juchata pampachananpaj.

Hebreos 9:28

Ajinallatataj Cristopis uj kutillata wañorqa, ashkha runaj juchanchejta pampachananpaj. Chaymanta qhepanejman pay ujtawan kay pachaman kutimonqa, manaña juchanchejrayku wañunanpajchu, manachayqa paypi atinikuspa suyajkunata qhespichinawanchejpaj.

1 Pedro 1:18

Yachankichej jina, Diosqa chay qhasi manakaj kawsaymanta ashkha preciota pagaspa kacharichisorqachej, mayqen kawsaytachus tataykichejkunamanta yachakorqankichej, chaymanta. Chay pagasqan precio mana qorichu, nitaj qolqechu karqa, imaraykuchus chaykunaqa tukukapojllamin.

1 Pedro 1:20

Manaraj kay pacha ruwasqa kashajtin, Cristo chaypaj ajllasqa karqa. Paytaj kay qhepanejman rikhurimorqa qankunaj allinniykichejpaj.

1 Pedro 2:22

Cristoqa mana jayk'ajpis juchallerqachu, nitaj pitapis llullakuspa q'otiyarqachu.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

1 Juan 1:2

Kawsayta qojmin rikuchikorqa, noqaykutaj payta rikorqayku. Kunantaj rikojkuna jina qankunaman chay wiñay kawsaymanta willayku. Payqa Tata Dioswan karqa, noqaykumantaj rejsichikuwarqayku.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

1 Juan 2:1

Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.

1 Juan 2:2

Paymin juchanchej pampachasqa kananpaj ñak'asqa uywata q'olachisqa jina jaywasqa karqa. Manataj noqanchejpa juchanchejraykullachu, jaywasqa karqa, astawanqa kay pachapi tukuy runaj juchankurayku.

1 Juan 2:29

Qankuna yachankichejña Jesucristo cheqanta ruwaj kasqanta. Yachallankichejtaj cheqan kajta ruwajkunaqa cheqapuni Diospa wawankuna kasqankuta.

1 Juan 3:8

Pichus juchallispallapuni purejrí Kuraj Supaypata kasqanta rejsichikushan, imaraykuchus Kuraj Supay qallariymantapacha juchallispallapuni purin. Chayrayku Diospa Churenqa Kuraj Supaypa ruwasqanta phirinanpaj jamorqa.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.