1 Juan 3:10 - DIOSPA QHELQACHISQAN DEUTEROCANONICAL

¹⁰ Chayrayku pikunachus Diospa wawan kasqanku sut'i yachakun, pikunatajchus Kuraj Supaypata kasqankupis sut'illataj yachakun: Tukuy pichus mana cheqan kajta ruwaj, nitaj Jesucristota qhatej masintapis munakojqa mana Diospatachu.

Qheshwa Biblia DC

¹⁰ Kay jinapi yachakun Diospa wawasninchus chayrí supaypatachus kasqankoqa. Mana cheqan kajta ruwajqa, nitaj wauqentapis munakojqa, mana Diospa wawanchu.

DIOSPA QHELQACHISQ

¹⁰ Chayrayku pikunachus Diospa wawan kasqanku sut'i yachakun, pikunatajchus Kuraj Supaypata kasqankupis sut'illataj yachakun: Tukuy pichus mana cheqan kajta ruwaj, nitaj Jesucristota qhatej masintapis munakojqa mana Diospatachu.

Quechua South Bolivia: Dios Parlapawanchej

¹⁰ Atinchej sut'ita rejsiyta Diospata cajcunata supay Satanaspata cajcunatapis. Yachanchej chekan cajta mana ruwajka mana Diospatachu caskanta. Cristopi hermanonta mana munacojpis nillataj Diospatachu cashan.

1 Juan 3:10 ပူးပေါင်းရင်းမြစ်များ

2 Samuel 13:22

Absalonpis manallataj imatapis Amnontaqa nerqachu. Chaywanpis payta sinch'ita chejnikorqa, panan Tamarpa honranta t'akasqanmanta.

San Mateo 13:38

Jallp'aqa kay pachawan ninakun. Sumaj mujutaj Diospa janaj pacha kamachiyninpi kajkuna kanku, cizañataj Kuraj Supayta kasojkuna.

San Lucas 6:35

Qankunarí awqaykichejkunata allinta ruwaspa munakuychej. Manuspapis, ama suyaychu imatapis kutichipusunankuta. Jinamanta t'inkaykichej jatun kanqa, qankunataj Patapi Kaj Diospa wawankuna kankichej. Diosqa paymanta mana yuyarikojkunata, millay sonqoyojkunata ima khuyarin.

San Juan 1:12

Aswanpis tukuy pikunachus paypi atinikuspa mana qhesacharqankuchu, chaykunaman pay atiyta qorqa Diospa wawankuna ruwasqa kanankupaj.

San Juan 11:52

Jesusrí mana judiokunallatachu qhespichinanrayku wañunan karqa, manachayqa Diospa wawankuna tukuynejpi ch'eqerasqa kajkunata tantananpaj.

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

San Juan 8:47

Diospata kajkunaqa paypa nisqanta tukuy sonqo uyarinku. Qankunatajrí mana uyariyta munankichejchu, imaraykuchus mana Diospa wawanchu kankichej, nispa.

Hechos 13:10

Ya, llullaj atipasqan, tukuy millay ruwanawan junt'asqa runa, qanqa Kuraj Supaypa wawan kanki, tukuy allin kajpa awqantaj. Mayk'ajkamataj Diospa cheqan ñanninta q'ewinkiri?

Romanos 13:8

Ajinaqa ama pimanpis manuchu kaychej, manachayqa puraj munakunamanta manupis kawajchej jina kaychej, imaraykuchus runa masinta munakojqa ñapis Moisespa kamachisqanta junt'anña.

Efesios 5:1

Chayrayku Diospa munasqa wawankuna kaspa, pay jina kanaykichejpaj kallparikuychej.

Colosenses 3:14

Astawanqa, munakuywan p'achawan jina p'achallikuychej, imaraykuchus munakoyqa tukuyta k'acha kawsaypi ujchawanchej.

1 Timoteo 1:5

Kayta kamachiyki munaspa Diosta tukuy qhatikojkunapura tukuy sonqowan munakunaykichejpaj, llimphu sonqowan, chantá Diospi tukuy sonqo atinikuspa ima.

1 Juan 2:29

Qankuna yachankichejña Jesucristo cheqanta ruwaj kasqanta. Yachallankichejtaj cheqan kajta ruwajkunaqa cheqapuni Diospa wawankuna kasqankuta.

1 Juan 3:1

Reparaychej may jinatapunichus Tata Dios munakuwasqanchejta, Diospa wawankuna nisqa kananchejpaj. Jinapunitaj Diospa wawankuna kanchej. Diosman mana kutirikojkunarí mana Diospa wawankunapajchu rejsiwanchej, Diosta mana allinta rejsisqankurayku.

1 Juan 3:2

Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

1 Juan 4:21

Diostajrí kay jinata kamachiwarqanchej: Pichus Diosta munakojqa Jesucristota qhatej masintapis munakullachuntaj, nispa.

1 Juan 4:6

Noqaykurí Diospata kayku. Pichus Diospata kajkunataj uyariwayku. Pichus mana Diospata kajkunatajrí mana uyariwaykuchu. Chay jinamanta reparayta atinchej pichus cheqa kaj Espirituwan kashasqanta, pitajchus q'otiyaj espirituwan kashasqanta.

1 Juan 4:8

Pichus runa masinta mana munakojrí mana Dioswan k'achata kawsakunchu, imaraykuchus Diosqa cheqatapuni tukuyta munakojmin.

1 Juan 5:19

Yachallanchejtaj noqanchej Diospata kasqanchejta, kay pachapi tukuy millayta ruwaspa purejkunatajrí Kuraj Supaypa makinpi kasqankuta.

1 Juan 5:2

Kay jinamanta Diospa wawankunata munakusqanchejta yachanchej, maypachachus Diosta munakunchej, kamachisqantataj kasunchej chaypacha.

3 Juan 1:11

Munasqa wawqéy, ama chay jina mana allin kajta ruwayta yachaqakuychu, aswanpis allin kajllata. Cheqan kajta ruwajqa Diosmantamin. Pichus mana allin kajta ruwajrí, Diosta mana Diosninpaj rejsikapunchu.