1 Juan 2:5 - DIOSPA QHELQACHISQAN DEUTEROCANONICAL

⁵ Sichus pipis Diospa nisqanta kasun chayqa, cheqatapuni Diosta munakusqanta rejsichishan. Kay jinamanta Dioswan uj sonqolla kasqanchejta yachanchej:

Qheshwa Biblia DC

⁵ Pichus Diospa palabranta waqaychan chayqa, cheqamanta Diospa munakuynin paypi junt'akun. Ajinamanta yachanchej Diospi kasqanchejta.

DIOSPA QHELQACHISQ

⁵ Sichus pipis Diospa nisqanta kasun chayqa, cheqatapuni Diosta munakusqanta rejsichishan. Kay jinamanta Dioswan uj sonqolla kasqanchejta yachanchej:

Quechua South Bolivia: Dios Parlapawanchej

⁵ Niskanta casojrí chekatapuni Diostaka astawan astawanraj sumajta munacun. Ajinapi atinchej yachayta Jesucristowan ujchaska caskanchejta.

1 Juan 2:5 ပူးပေါင်းရင်းမြစ်များ

Salmos 105:45

Tata Dios ajinata ruwarqa, imaraykuchus pay munarqa israelitakuna paypa nisqanta kasunankuta, kamachisqantataj kasunankuta ima. Tata Dios jatunchasqa kachun.

Salmos 106:3

Cheqan justiciata ruwajkuna kusisqa kachunku, imaraykuchus paykuna cheqan kajtapuni ruwanku.

Salmos 119:146

Qanmanta mañakuyki, yanapaway ari, kamachisqaykita kasunaypaj.

Salmos 119:2

Jinallataj Tata Diospa kamachisqanta kasuspa purejkunaqa may jina kusisqa kanqanku, tukuy sonqowan nisqanta kasojkuna.

Salmos 119:4

Tata Dios, qanqa nisqaykita junt'anaykutapuni kamachiwarqayku.

Proverbios 28:7

Diospa kamachisqanta junt'aj chureqa sumaj yuyayniyoj. Pichus millayta ruwajkunawan purejrí tatanta p'enqaypi rikhurichin.

Proverbios 8:32

Kunanqa wawaykuna, ama jina kaspa uyariwaychej: Kusikuyniyojmin kanku yachachisqayman jina kawsakojkunaqa.

Eclesiastés 8:5

Pichus kamachisqata kasukojqa mana ima llakiytapis rikonqachu. Yachayniyoj runaqa allinta yachan mayk'ajchus, imaynatatajchus junt'ananta.

Ezequiel 36:27

Espirituytapis qollasqaykichejtaj, nisqayta, kamachisqaytawan junt'anaykichejpaj.

San Lucas 11:28

Jesustajrí kuticherqa: Diospa simi nisqanta uyarispa kasojkunamari kusikuyniyoj kanku, nispa.

San Juan 14:21

Pichus kamachisqayta jap'ikun, kasuntaj, chaymin cheqatapuni munakuwajqa. Noqata munakuwajtataj Tatay munakonqa. Noqapis payta munakullasajtaj, imaynachus kasqaytataj payman rejsichikusaj, nispa.

San Juan 14:23

Jesustaj kuticherqa: Noqata munakuwajqa nisqayta kasonqa, Tataytaj payta munakonqa. Chantá payman jamusqayku, paywantaj tiyakusqayku.

San Juan 15:5

Noqa uva sach'a jina kani, qankunataj chay uva sach'aj yuran jina kankichej. Pillapis noqaman ujchasqallapuni kaj, noqataj payman, chaymá ashkhata poqonqa. Chaywanpis sichus qankunamanta pillapis noqamanta t'aqakun chayqa, mana imatapis ruwayta atenqachu.

San Juan 6:56

Jinallataj pichus ukhuyta mikhoj, yawarniytataj ujyajqa, noqaman ujchasqa kawsan, noqataj payman ujchasqa kawsani.

Romanos 8:1

Chayrayku pikunachus Cristo Jesusman ujchasqa kajkunaqa manaña ni imamanta juchachasqachu kasunchej.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

2 Corintios 5:17

Cristoman ujchasqa kajqa mosoj runaman tukuchisqañamin. Ñawpa kawsaynin tukukapun, mosoj kawsaytaj qallarin.

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.

Santiago 2:22

Yachanki jina, Abrahamqa Diosta kasuspa ruwasqannejta yachayta qorqa Diospi tukuy sonqo atinikusqanmanta. Chantá ajinata kasusqanrayku yachayta qollarqataj Diospi atinikusqan cheqapuni kasqanmanta.

1 Juan 3:24

Pikunachus Diospa kamachisqanta kasojkunaqa Dioswan k'acha kawsakuypi kashanku, Diospis paykunawan kawsakushallantaj. Noqanchejpis Dios noqanchejwan kawsakushasqanta yachallanchejtaj, imaraykuchus qowasqanchej Santo Espíritu noqanchejpi tiyakun, chayrayku.

1 Juan 4:17

Dioswan kawsakojtinchejtaj, munakuyninchejqa maychus kajta munakunakama wiñan. Chayrayku, juicio p'unchaypi noqanchej mana manchachikuspa Diospa ñawpaqenpi sayayta atisunchej, imaraykuchus Jesús kay pachapi imaynatachus kawsarqa, ajinata kawsanchej.

1 Juan 4:18

Chay jinata runa masita munakojtinchej, mana imatapis manchachikuna kanchu, imajtinchus maychus kajta munakunaqa tukuy manchachikuyta wijch'un. Sichus pipis Dios jasut'inanta manchachikun chayqa, chay runaqa maychus kajta munakuyta mana yachanrajchu.

1 Juan 5:2

Kay jinamanta Diospa wawankunata munakusqanchejta yachanchej, maypachachus Diosta munakunchej, kamachisqantataj kasunchej chaypacha.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

2 Juan 1:6

Pichus cheqatapuni Diosta munakojqa Diospa kamachisqanta kasuspa kawsan. Tata Diostaj ujkuna ujkuna munakuspa kawsananchejta kamachiwarqanchej, imaynatachus qankuna qallariymantapacha uyarerqankichej, chaymanta.

Apocalipsis 12:17

Chantá sierpeqa warmipaj mayta phiñakorqa. Chayrayku warmej mirayninmanta wakinkunawan maqanakoj rerqa. Paykuna Diospa kamachisqanta kasunku, Jesusmanta willaspataj sinch'ita sayanku.

Apocalipsis 14:12

Chay niyta munan Diospa ajllakusqankunaqa qhatiykachasqa kasqankuta pacienciawan awantanankuta, jinataj kamachisqanta kasunankuta, chantá Jesuspi atinikuspa mana sayk'uspa sinch'ita sayanankuta.