1 Juan 2:24 - DIOSPA QHELQACHISQAN DEUTEROCANONICAL

²⁴ Chayrayku, imatachus qallariymantapacha yachachisorqachej, chayta kasuspa ama sayk'uychejchu. Sichus qallariymantapacha yachasqaykichejta kasuspallapuni kankichej chayqa, Churiman, Tata Diosman ima ujchasqa kashankichej.

Qheshwa Biblia DC

²⁴ Chayrayku, imatachus qallariymantapacha uyarerqankichej, chay qankunapi kakuchun. Qankunapichus, chay qallariymantapacha uyarisqaykichej kakonqa chayqa, qankunapis Churiwan, Dios Tatawan kakunkichej.

DIOSPA QHELQACHISQ

²⁴ Chayrayku, imatachus qallariymantapacha yachachisorqachej, chayta kasuspa ama sayk'uychejchu. Sichus qallariymantapacha yachasqaykichejta kasuspallapuni kankichej chayqa, Churiman, Tata Diosman ima ujchasqa kashankichej.

Quechua South Bolivia: Dios Parlapawanchej

²⁴ Chayraycu kancuna, Diospa palabranta ñaupajmantapacha uyariskayquichejta sonkoyquichejpi wakaychaychej. Ajina cajtenka kancuna Diospa Wawanwan Dios Tatawan ujchaska uj sonkolla causacunquichej.

1 Juan 2:24 ပူးပေါင်းရင်းမြစ်များ

Salmos 119:11

Contraykipi ama juchallikunaypaj nisqaykita sonqoypi jap'ikuni.

Proverbios 23:23

Cheqa kajta rantikuy, amataj vendeychu. Jinallataj yachaytapis, unanchaytapis, yuyayniyoj kaytapis amallataj vendeychu.

San Lucas 1:2

Chayta qhelqarqanku Jesuspa ñawpa yachachisqankuna willasqankuman jina, pikunatachus Jesús nisqanta willaramunankupaj kacharqa, chaykunamanta.

San Lucas 9:44

Kayta allinta uyariychej, amataj qonqaychejchu: Runaj Churintaqa runakunaj makinman jaywaykonqanku, nispa.

San Juan 14:23

Jesustaj kuticherqa: Noqata munakuwajqa nisqayta kasonqa, Tataytaj payta munakonqa. Chantá payman jamusqayku, paywantaj tiyakusqayku.

San Juan 15:7

Sichus qankuna noqaman ujchasqallapuni kaspa, tukuy nisqayta kasunkichej chayqa, munasqaykichejta Diosmanta mañakuychej, paytaj qosonqachej.

San Juan 6:56

Jinallataj pichus ukhuyta mikhoj, yawarniytataj ujyajqa, noqaman ujchasqa kawsan, noqataj payman ujchasqa kawsani.

San Juan 8:25

Chaypacha paykuna taporqanku: Pipunitaj qan kankiri? nispa. Jesustaj kuticherqa: Pichus kasqayta qallariymantapachaña willarqaykichej.

Filipenses 4:15

Maypachachus Macedoniamanta puririmorqani Jesuspa sumaj willayninta willayta qallarishaspa, chaypacha, Filipos llajtapi iglesiamanta kajkunalla qolqewan yanapawarqankichej. Mana waj iglesiapis noqamantaqa yuyarikuwarqachu.

Colosenses 3:16

Qankunaqa Cristoj sumaj yachachisqanmanta amapuni qonqakuychejchu. Manachayqa Diospa qosqan yuyay yachaywantaj purajmanta yachachinakuychej, k'aminarikuychej ima. Jinataj Diosta tukuy sonqo pachis nispa, salmokunata, yupaychana takiykunata, chantá Santo Espíritoj yuyaychasqan takiykunata ima takiychej.

Hebreos 2:1

Chayrayku allinmin qhespichisqa kanamanta uyarisqanchejta tukuy sonqo kasunanchej, ama chaymanta pantaykunanchejpaj.

Hebreos 3:14

Noqanchej Cristowan khuska chayaqeta jap'inanchejpaj churasqa kanchej, sichus Diospi atinikusqanchejpi qallariymanta tukukuykama sinch'ita sayasunchej chayqa.

1 Juan 1:3

Ajinaqa imatachus rikusqaykuta, chantá uyarisqaykuta ima qankunaman willayku, qankuna uj sonqolla noqaykuwan kanaykichejpaj, imaynatachus noqaykupis Tata Dioswan, chantá Churin Jesucristowan uj sonqolla kayku, ajinata.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

1 Juan 2:7

Munasqa wawqe panakuna, mana mosoj kamachisqatachu qhelqamuykichej, manachayqa unaymantapacha uyarerqankichej, chay kamachisqata, mayqentachus yachankichejña, chayta.

1 Juan 3:24

Pikunachus Diospa kamachisqanta kasojkunaqa Dioswan k'acha kawsakuypi kashanku, Diospis paykunawan kawsakushallantaj. Noqanchejpis Dios noqanchejwan kawsakushasqanta yachallanchejtaj, imaraykuchus qowasqanchej Santo Espíritu noqanchejpi tiyakun, chayrayku.

1 Juan 4:13

Noqanchej Dioswan ujchasqa kawsasqanchejta, paytaj noqanchejpi tiyakusqanta ima yachanchej payqa Santo Espiritunta qowasqanchejrayku.

1 Juan 4:15

Pillapis sut'ita rimarin Jesús Diospa Churin kasqanta chayqa, chay runaqa Dioswan ujchasqa kashan, Diostaj paypi tiyakun.

1 Juan 4:16

Noqanchejqa may jinatachus Dios munakuwasqanchejta yachanchej, munakuwasqanchejpitaj atinikunchej. Diosqa cheqatapuni tukuyta munakojmin. Jinaqa pikunachus munakuspallapuni kawsajkunaqa Dioswan ujchasqa kawsakunku, Diostaj paykunapi kawsakun.

2 Juan 1:2

Qankunata munakuykichej, chay cheqa kaj willayrayku, mayqenchus sonqonchejpi kashan, wiñaypajtaj noqanchejwan kanqa, chayrayku.

2 Juan 1:9

Pichus pantaykuspa, mana Cristoj yachachisqanpi sayanchu chayqa, Dios mana paywanchu kashan. Pichus Cristoj yachachisqanpi sayajrí Tata Dioswan, chantá Churinwan ima ujchasqa kashan.

3 Juan 1:3

Jesusmanta wakin yachachejkuna purisqankumanta kutimuspa, willawarqanku qanqa cheqa kajta mana wasanchaspa purisqaykita. Willallawarqankutaj cheqa kajmanta yachasqaykiman jina purisqaykita. Chayta yachaspataj, maytapuni kusikorqani.

Apocalipsis 3:11

Noqaqa usqhayta kutimusaj. Chayrayku qanqa, imachus tiyapusunkiraj, chaymanta ch'ipakuy, ama pipis pilluykita qhechusunanpaj.

Apocalipsis 3:3

Chayrayku Diosmanta imatachus yachakusqaykita yuyarikuy, chantá watej kasuy, noqamantaj kutirikamuy. Manachus rijch'arinki chayqa, suwa jina mana yuyasqayki p'unchayta jamusaj.