1 Juan 2:1 - DIOSPA QHELQACHISQAN DEUTEROCANONICAL

¹ Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.

Qheshwa Biblia DC

¹ Wawitasníy, kay imasta escribimuykichej ama juchallikunaykichejpaj. Pillapis juchallikunman chayqa, Dios Tataj ñaupaqempi kutikuwajninchej tiyan. Payqa cheqan kaj Jesucristo.

DIOSPA QHELQACHISQ

¹ Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.

Quechua South Bolivia: Dios Parlapawanchej

¹ Cristopi munaska wawasníy, caycunata kelkamushayquichej ama ni imapi juchallicunayquichejpaj. Wajjinamantarí pipis juchallicunman chayka, Yuyaychawajninchej Jesucristo tiyan Dios Tatanchejwan cusca. Payllamin cheka cajka, nokanchejman sayacuwajninchej.

1 Juan 2:1 ပူးပေါင်းရင်းမြစ်များ

Salmos 4:4

4 (5) Phiñakusqaykichejwan apachikuspa, ama juchallikuychejchu. Puñunaykichejpi sirikushaspa, sonqoykichejta qhawarikuychej.

Ezequiel 3:21

Sitajchus qanqa cheqan runata reparachispa ama juchallinanta k'amiykunki, paytaj kasusunkiman chayqa, pay kawsallanqapuni. Pay reparachisqaykita kasukusqanrayku qan wañunaykimanta qhespichisqa kanki, nispa.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

San Lucas 10:22

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nillataj pipis yachanchu pichus Tata kasqanta, manachayqa Churillan yachan, jinallataj pimanchus Churi rejsichiyta munan, chaypis, nispa.

San Juan 10:15

Imaynatachus Tata Diosniy rejsiwan, ajinallatataj noqapis payta rejsini. Chantá ovejaykunata qhespichinayrayku noqa wañusaj.

San Juan 13:33

Munasqa wawitaykuna, qankunawan manaña unaytachu kasaj. Imaynatachus judiokunaj kurajninkukunata nerqani, ajinallatataj qankunatapis niykichej: Qankuna mask'awankichej, chaywanpis maymanchus noqa rishani, chayman riyta mana atinkichejchu, nispa.

San Juan 14:16

Noqataj Tata Diosmanta mañasaj waj Sonqochajta kachamunanta, paytaj wiñaypaj qankunawan kanqa.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

San Juan 21:5

Chantá Jesús paykunata nerqa: Kawsaqekuna, challwata jap'inkichejñachu? nispa. Paykunataj nerqanku: Mana, ni ujtapis jap'iykuchu, nispa.

San Juan 5:14

Chaymanta qhepata Jesús chay runata Temploj pationpi taripaspa, nerqa: Qhaliyachisqaña kaspa, amaña juchalliyñachu, ama astawan llakiy qhatirisunanpaj, nispa.

San Juan 5:36

Noqaj ruwasqayrí Juanpa willasqanmanta astawanraj noqa pichus kasqaymanta sut'inchan. Noqaqa Tata Dios imatachus kamachiwasqanta ruwani, chay ruwasqaytaj Tata Dios kachamuwasqanmanta sut'ita yachayta qon.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

San Juan 8:11

Warmitaj nerqa: Mana pipis, wiraqochíy, nispa. Jesustaj payta nerqa: Noqapis manallataj juchachaykichu. Kunanqa ripuy, amañataj ajinata juchallispa puriyñachu, nispa.

Hechos 7:52

Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.

Romanos 5:10

Diospa contranpiraj kashajtinchej, Dios kikin Churinpa wañuyninnejta paywan allinyachiwarqanchej. Jina chayqa, astawanraj ari Dioswan allinyachisqaña kaspa, Cristo kawsashasqanrayku qhespichisqapuni kasunchej.

Romanos 6:15

Ichapis pi ninman: Diospa qhasilla k'acha yanapaynenqa Moisespa kamachisqanmanta kacharichiwanchejña. Chayrayku juchallispallapuni puriyta atinchej, nispa. Chayqa manapuni atikunmanchu.

Romanos 8:34

Chantá, pitaj juchachawasunmanri? Ni pi, imaraykuchus Cristo noqanchejrayku wañorqaña, wañusqamantapis kawsarimporqa, kunantaj Diospa pañanpi kaspa noqanchejrayku mañapushawanchej.

1 Corintios 15:34

Chayrayku qankuna yuyayniykichejman kutiriychej, amañataj juchalliychejchu, imaraykuchus qankunamanta wakin mana maychus kajta Diosmanta yachankichejchu. Chayta nishaykichej qankuna p'enqakunaykichejpaj.

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.

Gálatas 4:19

Munasqa wawaykuna, onqokoj warmi jina ujtawan nanaywan ñak'arishani, Cristo imaynachus kasqan qankunapi ruwasqa kanankama.

Efesios 2:18

Kunantaj paynejta judiokuna, mana judiokunapis kikin Santo Espiritunejllata Tata Diospa ñawpaqenman qayllayta atinchej.

Efesios 4:26

Phiñakuspaqa, ama juchalliychejchu, manachayqa manaraj inti yaykushajtin, allinyakapuychej.

1 Timoteo 2:5

Uj k'atalla Dios tiyan, jinallataj Dioswan runakunata allinyachiyta atej runapis uj k'atalla, chaytaj Cristo Jesús.

1 Timoteo 3:14

Noqa usqhayllata qanman jamuyta munashani chaypis, kunan kaykunata nispa qhelqamuyki.

Hebreos 9:24

Cristoqa mana runakunaj ruwasqan toldomanchu yaykorqa, mayqenchus cheqa kajpa rijch'aynillan karqa, chayman. Manachayqa pay kikin janaj pachamanpuni yaykorqa, Diospa ñawpaqenpi rikhurispa noqanchejrayku Diosmanta mañapunawanchejpaj.

Santiago 1:27

Diospa ñawpaqenpi munasqanta ruwaspa purinaqa llimphu, mana ch'ichiyoj kanan tiyan. Chaytaj kay jina: Wajcha wawakunata khuyarina, warmisapakunata yanapana, chantá Diosman mana kutirikojkunaj millay ruwasqankuwan mana ch'ichichakuna ima.

Santiago 3:9

Siminchejwan Tukuyta Kamachej Diosninchejta yupaychanchej, chayllawantaj runa masinchejta maldicinchej, pikunachus Diospa rijch'ayninman jina ruwasqa kanku, chaykunata.

1 Pedro 2:22

Cristoqa mana jayk'ajpis juchallerqachu, nitaj pitapis llullakuspa q'otiyarqachu.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

1 Juan 3:18

Munasqa wawaykuna, munakusqanchejqa ama nisqallachu kachun. Aswanpis cheqatapuni munakusqanchejta ruwasqanchejwan yachayta qonachej.

1 Juan 3:5

Qankuna yachankichejña, Jesucristoqa juchanchejmanta llimphuchanawanchejpaj jamusqanta. Jesucristorí mana juchallinchu, nipunitaj juchalliyta atinchu.

1 Juan 3:7

Munasqa wawaykuna, ama piwanpis q'otiyachikuychejchu. Pichus cheqan kajta ruwajqa cheqan runa kasqanta rejsichikun, imaynachus Jesucristopis cheqan, ajina.

1 Juan 4:4

Munasqa wawaykuna, qankuna Diospata kankichej, chayraykutaj mana cheqantachu yachachejkunata atipankichejña. Diospa Espíritun, pichus qankunapi kajqa aswan atiyniyoj, pichus kay pachapi kashan, chaymanta nisqaqa.

1 Juan 5:17

Tukuy millay kajta ruwanaqa juchamin. Chaywanpis, mana tukuy juchachu wañuyman apan.

1 Juan 5:21

Wawaykuna, mana cheqa kaj dioskunaman k'umuykunamanta allinta qhawakuychej. Ajina kachun.

3 Juan 1:4

Noqaqa mayta kusikuni wawaykuna cheqa kajman jina purishasqankuta uyarispa. Chaymin astawan kusichiwan.