1 Juan 1:8 - DIOSPA QHELQACHISQAN DEUTEROCANONICAL

⁸ Sichus mana juchayoj kasqanchejta ninchej chayqa, noqallanchejtaj q'otiyakushanchej, manataj cheqa kajtachu parlashanchej.

Qheshwa Biblia DC

⁸ Mana juchayojchu kanchej nisunman chayqa, noqallanchejtaj ch'aukiyakunchej. Cheqa kajtaj mana noqanchejpichu kashan.

DIOSPA QHELQACHISQ

⁸ Sichus mana juchayoj kasqanchejta ninchej chayqa, noqallanchejtaj q'otiyakushanchej, manataj cheqa kajtachu parlashanchej.

Quechua South Bolivia: Dios Parlapawanchej

⁸ Mana juchallicuskanchejta nisunman chayka, pantacunchej. Nitaj Diospa cheka niskan sonkonchejpi tiyacunchu.

1 Juan 1:8 ပူးပေါင်းရင်းမြစ်များ

1 Reyes 8:46

Mana kanchu uj runallapis mana juchallejqa. Chayrayku ichapis contraykipi juchallikunkuman, qantaj paykunaj contranpi phiñakuspa, karuman chayrí qayllamanpis awqankoj makinman jaywaykuwaj, presota waj suyuman apanankupaj.

2 Reyes 20:15

Chantá Isaías ujtawan tapullarqataj: Imatataj wasiykipi rikorqankuri? nispa. Ezequiastaj kuticherqa: Paykunaqa wasiypi tukuy kaj chhikata rikorqanku. Tukuy imachus tiyapuwasqanmanta mana imatapis pakarqanichu, nispa.

2 Crónicas 6:36

Manamin pipis mana juchallejqa kanchu. Chayrayku contraykipi aylluyki juchallikonqanku, qantaj paykunapaj phiñakuytawan awqankunaman jaywaykuspa waj jallp'aman apachinki, karumanpis, chayrí qayllamanpis.

Job 14:4

Pitaj ch'ichita llimphuman tukuchiyta atinmanri? Mana pipis atinmanchu.

Job 15:14

Imataj runa kasqa llimphu kasqanta yuyananpajri? Warmimanta paqarej runaqa cheqan kanmanchu?

Job 25:4

Runaqa Diospa ñawpaqenpi llimphu kayta atinmanchu? Mana pipis warmimanta paqarejqa juchamanta llimphuchu.

Job 9:2

Noqa allinta yachani chayqa ajinapuni kasqanta. Runaqa mana niyta atinchu Diospa ñawpaqenpi llimphu kasqanta.

Salmos 143:2

Kay kamachiykita ama juzganawaykipaj wajyawaychu, imaraykuchus ñawpaqeykipeqa mana pipis mana juchayojqa kanmanchu.

Proverbios 20:9

Mana pipis ninmanchu: Noqaqa llimphu sonqoyoj kani, mana ima juchayojtaj, nispa.

Eclesiastés 7:20

Cheqapuni kay pachapi mana uj runallapis cheqan runaqa kanchu, mana jayk'aj juchallikuspa cheqanta ruwajqa.

Isaías 53:6

Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Isaías 64:6

Tukuyniyku mana llimphupaj qhawasqa runa jina kayku, tukuy ima allin ruwasqaykupis millay ch'ichi thanta jina. Noqaykoqa sach'a laqhe jina qawiyku, millay ruwasqaykutaj wayra jina apaykachawayku.

Jeremías 2:35

Chaywanpis qan ninkiraj: Noqa mana juchayojchu kani. Diosqa mana noqawan phiñasqachu kashan, nispa. Kunantajrí qan mana juchayoj kasqaykita nisqaykirayku, qanwan pleitota oqharisaj.

Levítico 13:12

Sichus llejti onqoy runaj tukuy ukhunman, chakinmanta umankama askamalla junt'aykunman, sacerdote maykamachá rikuyta atin chaykama chayqa,

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

Romanos 3:10

Diospa Qhelqachisqanpi nin: Ni ujpis mana juchayojqa kanchu.

Romanos 3:23

Tukuy runakuna juchallikusqanchejrayku Diospa jatun kayninpa k'anchayninpi kanaman mana pipis taripayta atinchejchu.

1 Corintios 3:18

Ama pipis pay kikinta q'otiyakuchunchu. Sichus yuyankichej runaj qhawasqanman jina yachayniyoj kasqaykichejta chayqa, mana yachayniyojman tukuychej, Diospa ñawpaqenpi cheqapuni yachayniyoj kanaykichejpaj.

Gálatas 6:3

Sichus ujkunata yanapanaykipaj aswan kasqaykita yuyakunki chayqa, qan kikiykita q'otiyakushanki.

1 Timoteo 6:5

Ajina kajkunaqa ch'ajwata sayarichinkupuni. Paykunaj yuyayninku manaña allinñachu kasqanrayku cheqa kajta wasanchanku. Jinallataj yuyanku Diosta kasuspa purinaqa qolqeta jap'inallapaj kasqanta.

2 Timoteo 3:13

Chaywanpis millayta ruwaj runakuna, q'otiyajkuna ima astawan astawan mana allinman tukonqanku. Wajkunata q'otiyanqanku chaypis, paykunapis q'otiyasqallataj kanqanku.

Santiago 1:22

Chaywanpis Diospa nisqantaqa ama uyarillaychejchu, aswanpis kasuychej. Manachus kasunkichej chayqa, qankuna kikiykichejta q'otiyakushankichej.

Santiago 1:26

Sichus pipis Diospa munasqanta ruwaspa purishasqanta yuyanman, manataj allinta qhawarikuspa parlan chayqa, chay runa pay kikinta q'otiyakun. Jinallataj Diospa munasqanta ruwaspa purisqanqa qhasi manakaj.

Santiago 3:2

Tukuyninchej ashkha kutita pantanchej. Sichus siminchejta watarikuyta atisunman chayrí, mana pantaj runa jina kasunman, ukhunchejwantaj tukuy imapi kasuchikuyta atisunman.

2 Pedro 2:13

Ujkunata ñak'arichisqankumanta paykunapis ñak'arichisqallataj kanqanku. Paykuna sut'i p'unchaypi millayta ruwaspa misk'irichikunku. Jinallataj chay yachachejkuna qankunawan khuska mikhuspa, k'achata kawsakuy tantakusqaykichejta ch'ichichanku, kusikunkutaj qankunata q'otiyasqankumanta.

1 Juan 1:10

Sitajchus mana juchallikusqanchejta ninchej chayqa, Diosta llullata jina rikhurichinchej. Ajinata ruwaspa, simi nisqanta mana tukuy sonqochu jap'ikusqanchejmanta yachayta qoshanchej.

1 Juan 1:6

Dioswan k'achata kawsakusqanchejta nishaspa, sichus juchallispallapuni purinchej chayqa, llullakushanchej, manataj cheqa kajman jinachu kawsashanchej.

1 Juan 2:4

Sichus pipis ninman: Noqaqa Dioswan allinpi kawsakushani, nispa, nitaj kamachisqanta kasunchu chayqa, chay runaqa llullamin, manataj cheqantachu parlashan.

1 Juan 4:20

Sichus pipis ninman: Noqaqa Diosta munakuni, nispa, Jesucristota qhatej masintataj chejnikunman chayqa, payqa llullamin. Sichus pipis rikushasqan runa masinta mana munakunchu chayqa, mana rikusqan Diostapis manallataj munakunchu.

2 Juan 1:2

Qankunata munakuykichej, chay cheqa kaj willayrayku, mayqenchus sonqonchejpi kashan, wiñaypajtaj noqanchejwan kanqa, chayrayku.

3 Juan 1:3

Jesusmanta wakin yachachejkuna purisqankumanta kutimuspa, willawarqanku qanqa cheqa kajta mana wasanchaspa purisqaykita. Willallawarqankutaj cheqa kajmanta yachasqaykiman jina purisqaykita. Chayta yachaspataj, maytapuni kusikorqani.