तितस 3:8 - डोटेलि

⁸ यो कुरा साँच्‍चि हो। परमेस्‍वरमि बिस्‍वास अद्‌द्‌या जतिले असल काम अद्‍द ध्‍यान दिय भुनि तुइले जोड दिबर सिकाया मु चाहानउ, क्‍यालाइकि यिनु असल कुरा हामरा मान्‍सलाइ फाइदा दिन्‍या कुरा हुन्‌।

डोटेली नयाँ करार

⁸ मइले तमनलाइ सिकाया यिन कुरणी सत्य छन, रे यइमि बिश्वास अद्द सकिन्छ। म चाहनउ कि तुइले बिश्वासिनलाइ सिकाउन्ज्या यिन कुरणीमि जोड दे, ताकि तिनन जइले परमेश्वरमि बिश्वास राख्या छन, तिननले असल काम अददाइलाइ आफ्नो ध्यान लाउन। यिन शिक्षा सबकिलाइ निका रे फाइदाका छन।

तितस 3:8 ပူးပေါင်းရင်းမြစ်များ

प्रेरित 12:15

तर तिनुनले तइलाइ भुन्‍यो, “तेरो होस ठिक छ?” तर तइले भुन्‍या कुरा साँच्‍चि हो भुणि तइले जिद्‍दि अर्‍यो। तबइ तिनुनले भुन्‍यो, “त्‍यो उनरो स्‍वर्गदुत होलो।”

१ तिमोथी 1:15

यो बचन हरप्रकारले ग्रहणयोग्‍य छ, कि पापिलाइ उद्‍दार अद्‍द इसु ख्रिस्‍ट सन्‍सारमि आयाहुन्‌, रे पापिमध्‍ये मु सप्‍पइहइ बर्ता पापि हुँ।

१ तिमोथी 2:8

तबइलाइ मेरो इछ्‍या बइकान मान्‍सले जइ ठउँर लइ नरिसाइबर सङ्‍का नअरि आफना पबित्‍तर हात उठाइबर परमेस्‍वरमि प्रार्थना अरुन भन्‍न्‍या मु चाहानउ।

१ तिमोथी 5:10

तिनु निका काम अर्‍याकि, चेला-चलिलाइ हुर्कायकि, प्रदेसिको स्‍वागत सत्‍कार अर्‍याकि, ख्रिस्‍टका पबित्‍तर जनका खुट्‍टा धोइबर सेबा अर्‍याकि, दुःखमि पड्‍यालाइ साहेता अर्‍याकि, रे यसाइ निका काममि ध्‍यान दिएइ हुन्‌ पड्न्‍छ।

२ तिमोथी 1:12

तबइलाइ मु यिनु कुरामि दुःख भोग्‍दा छु। तर मुलाइ यइ कुरामि लाज लाग्‍दइन्‌ क्‍यालाइकि मुइले कइमि बिस्‍वास राख्‍या छु, त्‍यो मुलाइ था छ। परमेस्‍वरले मेरा जिम्‍मामि लाया कुरालाइ उनइले तइ दिनसम्‍मखिलाइ जोगाइ राख्‍द्‍या छन्। यइमि मु ढुक्‍क छु।

तितस 1:9

तिनुलाइ सिकाइया बिस्‍वासयोग्‍य बचनमि तिनु बलिया होइबर बस्‍सु पणन्‍छ, ताकि तिनुले पक्‍का सिद्‍दान्‍तअन्‍सार सिछ्‍या दिन सकुन्‌, रे यइ सिछ्‍याको बिरोद अद्‌द्‌याको गल्‍तिलाइ धेकाइदिन्‍या हुनुपड्‍न्‍छ।

तितस 2:14

इसु ख्रिस्‍टले हामुलाइ सप्‍पइ किसमका पापबटहइ छुट्‍कारा दिनाइलाइ आफनो जिबन दियो। उनुले हामुलाइ पबित्‍तर पाड्‍डाइलाइ आफनो बनायो रे असल काम अद्‌द्‌या रे जोसिला बनायो।

तितस 2:7

तु आफुइ लइ सप्‍पइ कुरामि असल नमुना भइबर धेका। रे तेरा सिछ्‍यामि इमान्‍दारिता, गम्‍भिरता,

तितस 3:1

सासक रे अधिकारिका अधिनमि बस्‍सु पड्‌डछ भनि तिनुलाइ सम्‍जाइ दे, रे तिनुले हरेक भलाइका काममि आग्‍याकारि भइ तत्‍पर रउन्‌ भनि तिनुलाइ याद दिलाइ दे।

तितस 3:14

हामरा मान्‍स निका काम अद्‍दामि आफना समय बिताउन्‌, ताकि जरुणि रे खाँचो पणिआया खन्‍डमि तिनुले साहेता दिन सकुन्‌, रे तिनु तत्‍तिकइमि जिबन जनबिताउँन्‌।