तितस 2:8 - डोटेलि

⁸ रे कसइले खिसि अद्‍द नपाउन्‍या ठिक बोलि हउ, ताकि हामरा बिरुद्‍मि खराबि कुरा केइ लइ नपाइबर हामरा बिरोधि सर्ममि पडुन्‌।

डोटेली नयाँ करार

⁸ तेरो शिक्षा सदाइ सत्य रे आलोचना नहुन्या हुनु पणन्छ ताकि जो तेरा बिरोधमी छन तिनन सर्ममि पडुन, क्याकि तिननले हामरा बारेमि केइ गलत कुरणी भणन सकद्या होइन्न।

तितस 2:8 ပူးပေါင်းရင်းမြစ်များ

मर्कुस 12:17

तबइ इसुले तिनुलाइ भुन्‍यो, “रोमि महाराजाको जति रोमि महाराजालाइ दिय, रे परमेस्‍वरको जति परमेस्‍वरलाइ दिय।” इसुको यसो जबाफ सुनिबर तिनु अचम्‍म पण्‍या।

मर्कुस 12:28

एक जना धर्म-गुरुले ताँ भया सप्‍पइ कुरा सुनिरइथ्‍यो। इसुले मान्‍सलाइ ठिक जबाफ दिया धेकिबर तिनुले उनुलाइ सोध्‍यो, “सप्‍पइ आग्‍या भन्‍ना ठुलो आग्‍या क्‍या हो?”

मर्कुस 12:32

यो सुनिबर धर्म-गुरुले इसुलाइ भुन्‍यो, “साँच्‍चि तमले ठिक भन्‍या, तमले भन्‍या जसेरि परमेस्‍वर त एकइ मात्‍तरइ छन्, उनुबाहेक अउर कोइ लइ परमेस्‍वर अथिन्‌।

मर्कुस 12:34

तिनुले बुद्‍दिमानिसित जबाफ दिया धेकिबर इसुले भुन्‍यो, “तमु परमेस्‍वरका राज्‍यबटहइ टाणा आथिन्‌।” तइ बेलाबटहइ उनुलाइ प्रस्‍न सोद्‍दया कसइको हिम्‍मत भएइन्‌।

लूका 13:17

उनुले इन कुरा भनिसक्‍या पाछा उनरा बिरोधि सप्‍पइ सर्ममि पड्‌या, रे उनुले अर्‍या अचम्‍मका काममि मान्‍स आनन्‍दित भया।

२ थेसलोनिकि 3:14

तमुमध्‍ये कसइले हामुले यइ चिट्‌ठिमि लेख्‍या सिछ्‍या मान्‍नइन भन्‍या तइ मान्‍सलाइ चिनिराख रे तइसित केइ सम्‍बन्‍ध जनराख, तसो अद्‍दाले त्‍यो लाजमि पड्‍डया छ।

१ तिमोथी 5:14

तबइलाइ मु ज्‍वान बिधुवाले ब्‍या अरुन भन्‍न्‍या सर-सल्‍लाहा दिनउ। यसेरि तिनुले चेला-चेलि जन्‍माउन्‌, घरबार बनाउन्‌, रे बिरोधिलाइ हामरो बदनाम अद्‌द्‌या मउका नदिउन्‌ भन्‍न्‍या मु चाहानउ।

१ तिमोथी 6:3

यदि कसइले झुटा सिछ्‍या सिकाउछ भन्‍या हामरा प्रभु इसु ख्रिस्‍टका सत्‍य सिछ्‍या रे हामुले अद्‍दु पडड्‍या परमेस्‍वरको भक्‍ति अन्‍सारको सिछ्‍या मान्‍नइन भन्‍या,

तितस 3:14

हामरा मान्‍स निका काम अद्‍दामि आफना समय बिताउन्‌, ताकि जरुणि रे खाँचो पणिआया खन्‍डमि तिनुले साहेता दिन सकुन्‌, रे तिनु तत्‍तिकइमि जिबन जनबिताउँन्‌।