तितस 2:11 - डोटेलि

¹¹ क्‍यालाइकि सप्‍पइ मान्‍सका मुक्‍तिकि निउति परमेस्‍वरले आफनो अनुग्रह धेकाया छन्।

डोटेली नयाँ करार

¹¹ क्याकि परमेश्वरले सब मान्सलाइ पाप बठेइ मुक्ति दिन्या बाटो धेकाइबर आफनो अनुग्रह प्रकट अर्याछ।

तितस 2:11 ပူးပေါင်းရင်းမြစ်များ

मर्कुस 16:15

पइ उनुले तिनुलाइ भुन्‍यो, “सारा सन्‍सारमि गइबर सप्‍पइ मान्‍सलाइ असल रइबार प्रचार अर।

लूका 24:47

रे यरुसलेमबटहइ सुरु अरिबर सप्‍पइ जातिनलाइ उनरा नाउँमि पस्‍याताप रे पाप छिमाको प्रचार हुनपड्‌न्‍छ।

लूका 3:6

रे सप्‍पइ मान्‍सले परमेस्‍वरको मुक्‍ति धेक्‍द्‌याछन्।”

प्रेरित 11:23

तन ताँ आइबर परमेस्‍वरले मान्‍सनलाइ असिस दिया धेकिबर खुसि भया, रे तिनुन सप्‍पइलाइ सारा ह्रिदयले प्रभुप्रति बिस्‍वासि भइरनाइलाइ उस्‍साहा दियो।

प्रेरित 13:43

सभा सकियापाछा भउत यहुदिन, यहुदि मत मान्‍न्‍या भक्‍तन पावल रे बारनाबासका पाछा लाग्‍या, पावल रे बारनाबासले उनुनसित कुराकानि अद्‍दाइ उनुनलाइ परमेस्‍वरका अनुग्रहमि रइरया भनि आग्रह अर्‍यो।

प्रेरित 13:47

क्‍यालाइकि प्रभुले हामुलाइ यसो आग्‍या दिया छन्। “धर्तिका पल्‍ला किनारसम्‍म मान्‍सनले मुक्‍ति पाउन भनिबर, मुइले तमुलाइ अउर जातका मान्‍सनकि निउति ज्‍योति हुनाइलाइ निउक्‍ति अर्‍या छु।”

प्रेरित 17:30

तबइलाइ अन्‍जानमि नजाणि अर्‍या कामलाइ परमेस्‍वरले वास्‍ता अद्‍दाइन्‌, रे आब परमेस्‍वरले सप्‍पइ मान्‍सनलाइ आफना आफना पापलाइ मानिबर छाणुन भन्‍न्‍या आग्‍या दिया छन्।

प्रेरित 20:24

तर मु आफना जिबनलाइ केइ मोलको लइ ठान्‍नइन, इति मात्‍र चाहानउ कि परमेस्‍वरले मान्‍स जातिलाइ अनुग्रह अर्‍या छ भन्‍या असल रइबारको गवाहि दिनाइलाइ मेरो दउड रे प्रभु इसुबटहइ मिल्‍या मेरो सेबकाइ मु पुरा अद्‌द सकु।

२ थेसलोनिकि 2:16

हामरा प्रभु इसु ख्रिस्‍ट रे पिता परमेस्‍वरले हामुलाइ पिरिम अर्‍यो रे उनरा अनुग्रहबटहइ अन्‍त नहुन्‍या उत्‍साह रे असल आसा दियो।

१ तिमोथी 1:14

आब मुलाइ हामरा प्रभुले अनुग्रह प्रसस्‍तसित दियो। ख्रिस्‍ट इसुमि भया बिस्‍वास रे पिरिम मेरा जिबनमि उनइलेइ मुलाइ दियो।

१ तिमोथी 2:4

सप्‍पइ मान्‍सले मुक्‍ति पाउन्‌ रे तिनु सत्‍यका ग्‍यानमि आउन्‌ भन्‍न्‍या परमेस्‍वरको इछ्‍या हो।

२ तिमोथी 1:10

यो अनुग्रह हामरा मुक्‍तिदाता इसु ख्रिस्‍टबटहइ धेकियो जइले मिरत्‍युलाइ नास अर्‍यो। रे असल रइबारबटहइ कभइ नमद्‍दया जिबन लेइबर आया।

२ तिमोथी 4:17

तर प्रभु मुसित भइबर अउरजातिले असल रइबार सुन्‍न पाउन भनिबर असल रइबार प्रचार अद्‌द्‌या सक्‍ति मुलाइ दियो। यसेरि प्रभुले मुलाइ बागका मुखबटहइ छुट्‍या जसेरि बचायो।