तितस 1:13 - डोटेलि

¹³ यो कुरडि साँच्‍चि हो। तबइलाइ तिनुलाइ कडासित हप्‍का, ताकि तिनु बिस्‍वासमि पक्‍का हउन्‌।

डोटेली नयाँ करार

¹³ क्रेट टापुका मान्सनका बारेमि यिन सब्द अइल लगइ सत्य छन, तबइकिलाइ तिननलाइ कडा सित हकार, ताकि तिननले येशू ख्रीष्टका बारेमि सत्य शिक्षामि बिश्वास अरुन।

तितस 1:13 ပူးပေါင်းရင်းမြစ်များ

१ तिमोथी 1:10

ब्‍यबिचारिकि निउति, बइकान मान्‍सले बइकान मान्‍ससित रे स्‍वाइनि मान्‍सले स्‍वाइनि मान्‍ससित ब्‍या अद्‌द्‌याकि निउति, मान्‍सलाइ अपरहण अरिबर कमरा कमारिका रुपमि किन-बेच अद्‌द्‌याकि निउति, झुटा बोल्‍ल्‍याकि निउति, झुटा गवाइ दिन्‍याकि निउति रे सत्‍य सिछ्‍याका बिरुद्‍दमि काम अद्‌द्‌याकि निउति बन्‍या हो।

१ तिमोथी 4:6

यदि तुइले बिस्‍वासि भाइबिनालाइ लइ यिनु सिछ्‍या सिकाइ भन्‍या तु असल सेबक हुन्‍या छइ। बिस्‍वासको बचन रे तुइले सिक्‍या असल सिछ्‍यामि बलियो हुनोइ जान्‍या छइ।

१ तिमोथी 5:20

पाप अरिरन्‍या एल्‍डरलाइ सप्‍पइका अगाडि हप्‍का, रे यसेरि अउर लइ डराउन्‍या छन्।

२ तिमोथी 4:2

परमेस्‍वरको बचन सुनाउनाइ रे प्रचार अद्‍दाइलाइ जइबेला लइ तयार भइबर बस्‌। पुरा सहनसिलतामि मान्‍सलाइ सिछ्‍या सिकाइबर अर्ति दे, हप्‍का रे उस्‍साह दे।

तितस 2:15

तुइले यिनु कुराको सिछ्‍या दिन्‍याबेला पुरा अधिकारसहित अर्ति-उपदेस दे रे हप्‍का। कसइले लइ तुलाइ हेला अद्‍द जनपाउ।

तितस 2:2

बुढा मान्‍सलाइ सान्‍त, गम्‍भिर, बिस्‍वासि, पिरिम रे सहन्‍या सक्‍तिमि पाको हुन्‌ पडन्‍छ भुनिबर सिका।