मर्कुस 6:52 - डोटेलि

⁵² क्‍यालाइकि इसुले पाँच हजारलाइ ख्‍वाया धेकिबर लइ तिनुले यइको अर्थ बुज्‍याथेइन्‌ क्‍यालाइकि तिनरो ह्रिदय कठोर भयाथ्‍यो,

डोटेली नयाँ करार

⁵² रे जबकि तिननले पाँच हजार मान्सनलाइ खाना ख्वाउन्या बेला तिननले येशूको सक्ति धेक्या थ्या, रे तिननले साँच्चि अइल सम्म बुज्ज सक्या थेइन कि जो तिननले धेक्यो तइको अर्थ कि थ्यो।

मर्कुस 6:52 ပူးပေါင်းရင်းမြစ်များ

मर्कुस 16:14

तइपाछा एघारइ जना सिस्‍या खान्‍नारया बेला इसु तिनरा वा धेकिया। आफना मन कठोर पाडिबर इसुलाइ मर्‍याबटहइ जिउना भया धेक्‍द्‍दया हुन्‍याका कुरा सुनिबर लइ तिनुले बिस्‍वास नअर्‍या कारणले इसुले तिनुलाइ हप्‍कायो।

मर्कुस 3:5

तिनरा ह्रिदयको कठोरतामि दुःखि भइ भउतइ रिसाइबर उनुले तिनुलाइ हेर्‍यो, रे तइ मान्‍सलाइ भुन्‍यो, “तेरो हात पसार” तइले हात पसार्‍यो रे तइको हात निको भयो।

मर्कुस 7:18

इसुले तिनुलाइ भुन्‍यो, “क्‍या तमु अजलइ अउर जसा अबुझइ छउ? क्‍या तमुलाइ थाँ आथिन्‌? मुखबटहइ भित्‍तर पस्‍या कुराले मान्‍सलाइ असुद्‌ पाड्‌डइन्‌।

लूका 24:25

इसुले तिनुनलाइ भुन्‍यो, “ए अबुज, मान्‍सन हउ तमरो ह्रिदय इति सुस्‍त होइरछ, कि अगमबक्‍ताले भुन्‍या कुरा तमु बिस्‍वास अद्‌दानु!