लूका 5:24 - डोटेलि

²⁴ रे हेर यइ धर्तिमि मान्‍सको चेलोलाइ पाप छिमा अद्‌या अधिकार छ भन्‍या कुराको प्रमाण मु तमुलाइ दिनउ।” रे इसुले तइ बिमारिलाइ भुन्‍यो, “मु तु लाइ भुन्‍नउ, आब उठ रे आफनो खाट बोकिबर घर जा।”

डोटेली नयाँ करार

²⁴ तर म, मान्सको चेलोलाइ संसारमी पाप क्षमा अद्दया अधिकार छ भणन्या तमन जाण।” तब येशूले तइ लुलो मान्सलाइ भण्यो “म तुलाइ भण्नउ उठ, रे आफ्नो बिस्तरा समा रे घर जा।”

लूका 5:24 ပူးပေါင်းရင်းမြစ်များ

लूका 5:13

इसुले तइमि हात राकिबर भुन्‍यो, “तु निको होइजा भन्‍या मु इछ्‍या अद्‌उ” तनज्‍याइ तइको कोड निको भयो।

लूका 5:18

मान्‍सनले एक जनो झाड्‌डुपण्‍या बिमारिलाइ खाटमि बोकिबर लेया रे तिनुनले उइलाइ भित्‌र इसुका वाँ ल्‍याउन खोज्‍यो।

लूका 5:23

त्‍यो झाड्‌डु पड्‍या मान्‍सलाइ ‘तेरा पाप छिमा भया’ भुन्‍नु रे ‘उठ्‍बर हिट्‌’ भुन्‍नुमि कि निको छ भुण?

लूका 7:14

रे नजिक्‍कइ जाइबर इसुले मुर्दाका काठमि छोयो रे मलामिन कल्‍लिया। इसुले मुर्दाखि भुन्‍यो, “ए केटो, मु तुखि भुन्‍नउ उठ्‌।”

लूका 8:54

रे इसुले केटिको हात समाइबर भुन्‍यो, “ए चेलि, उठ्‌।”

प्रेरित 14:10

पावलले ठुला सोरमि कलाहालिबर भुन्‍यो, “तेरा खुट्‍टा टेकिबर सिधा कलि।” रे त्‍यो जुणुक्‍क उठ्‍यो रे हिट्‍ट लाग्‍यो।

प्रेरित 5:31

इज्राएलिनले पस्‍साताप अरि पापबटहइ छिमा पाउन्‌ भनिबर परमेस्‍वरले इसुलाइ मुक्‍ति दिन्‍या राजा बनाइबर आफना दाइनतिर आदरका ठउँर बसायो।

प्रेरित 9:34

पत्‍रुसले तइलाइ भुन्‍यो, “ए एनियास, इसु ख्रिस्‍टले तुलाइ निको पाड्‍याछन्। उठ, रे तेरो बिस्‍तरा मिला।” रे त्‍यो तुरुन्‍तइ उठ्‍यो।

प्रेरित 9:40

तर पत्‍रुसले तिनुन सप्‍पइलाइ कोठाबटहइ बाइर पठाइबर घुडा टेकि प्रार्थना अर्‍यो। रे तइ लासतिर फर्‌किबर भुन्‍यो, “ए तबिता, उठ!” तनले आँखा उघाण्‍यो, रे पत्‍रुसलाइ धेकि उठिबर बसिन्‌।