लूका 18:7 - डोटेलि

⁷ तसेरि कि परमेस्‍वरले उनलाइ रातदिन पुकाद्‌या आफना चुनियाको न्‍याय अरिदिनाइन ब? कि उनुले तिनरि निउति ब्‍यालो अद्‌द्‌याछन्?

डोटेली नयाँ करार

⁷ रे परमेश्वरले रातदिन उनलाइ पुकार अद्दया आफना छानिया मान्सनलाइ न्याय अद्द्या हुन। उनले तिननलाइ सहयोग अददाइ ब्यालो अद्दया आथिन्न।

लूका 18:7 ပူးပေါင်းရင်းမြစ်များ

लूका 11:13

तमु दुस्‍ट होइबर त आफना चेला-चेलिलाइ निका कुरा दिन जाणन्‍छउ भन्‍या तमरा पिता जो स्‍वर्गमि बस्‍साहान्‌ उनसंग माग्‍द्‌यालाइ कति बर्ता अरिबर पबित्‍तर आत्‍मा दिनाहान्‌।”

लूका 2:37

तिन चउरासि बर्सकि थिन् रे तिन मन्‍धिर छाणन्थिनन्, उबास, प्रार्थना रे आराधना दिनरात अरन्‍थिन् परमेस्‍वरलाइ माणन्‍थिन्।

लूका 21:28

जबइ यिन कुरा हुनाहान् तबइ साहासि भइबर मल्‍तिर हेर क्‍यालाइकि तमरो उद्‍दार नजिकइ आइरइछ।”

१ थेसलोनिकि 3:10

तमुसित भिट हुन सकउ भनिबर हामु रात-दिन परमेस्‍वरसित प्रार्थना अद्‍दाछउँ। भेट हुन पायो भन्‍या तमरा बिस्‍वासमि ज्‍या ज्‍या कुराको खाँचो छ, त्‍यो पुरा हुनेइथ्‍यो।

२ थेसलोनिकि 1:6

परमेस्‍वरले न्‍याय अद्‌द्‌या भया हुनाले जइले तमुलाइ दुःख दिन्‍छ, परमेस्‍वरले लइ उनुलाइ दुःख दिनाछन्‌,

१ तिमोथी 5:5

तर आफनो कोइ नहुन्‍या बिधुवाले परमेस्‍वरमि मात्‍तरइ भरोसा राख्‍दिछन्‌, रे तिनुले रात-दिन परमेस्‍वरबटहइ साहेता पाउँ भनिबर प्रार्थना अद्‍दिछन्‌।

२ तिमोथी 1:3

मेरा प्रार्थनामि मु तुलाइ रात-दिन सम्जिनउ, रे परमेस्‍वरलाइ धन्‍यवाद दिनउ। जइको सेबा मेरा पिता-पुर्खाले अर्‍या जसेरि मु सुद्‍द मनले अद्‍दउ।

२ तिमोथी 2:10

तबइलाइ चुनियाहुन्‍याका खातिर मु हरेक कुरा सहनउ, ताकि तिनुले लइ अनन्‍त महिमासित ख्रिस्‍ट इसुमि भया मुक्‍ति पाउन सकुन्‌।

तितस 1:1

परमेस्‍वरको दास रे ख्रिस्‍ट इसुको प्रेरित मु पावलकातर्फबटहइ यो चिट्‌ठि लेख्‍दाछु। परमेस्‍वरले मुलाइ छान्‍यो रे उनरा चुनियाको बिस्‍वास बलियो बनाउनाइलाइ रे परमेस्‍वरलाइ मन पड्‍या जिबनसित मिल्‍ल्‍या सत्‍यको ग्‍यानतिर तिनुलाइ डोर्‍याउनाइलाइ मु खटाया हुँ।