लूका 11:41 - डोटेलि

⁴¹ रे गरिबनलाइ दान दिय, रे तमरि निउति सप्‍पइ कुरा सुद्‍द हुन्‍या छ।”

डोटेली नयाँ करार

⁴¹ तर भितरका चिज दानका रुपमि दिय, रे तेरो निउति सब कुरणी सुद्द हुन्या हो।

लूका 11:41 ပူးပေါင်းရင်းမြစ်များ

मर्कुस 7:19

क्‍यालाइकि त्‍यो उइका मनभित्‍तर हइन, तर पेटभित्‍तर पसन्‍छ, रे बाइर निकलन्‍छ।” (यसेरि इसुले सप्‍पइ भोजन सुद्‌द हो भनिबर बताइदियो।)

लूका 12:33

तमरो सम्‍पति बेचिबर खाँचामि पड्‍यालाइ दान दिय, आफनि निउति नफाट्‍या थइलो बना। स्‍वर्गमि कभइ नास नहुन्‍या धन राख। जाँ चोर आउनाइन रे किणालइ लाग्‍दाइन्‌।

लूका 16:9

“मु तमखि भुन्‍नउ, आफनि निउति सन्‍सारका धनले सङिन बना, रे जब त्‍यो धन सकिन्‍छ, तमुलाइ अनन्‍त ठउँरमि स्‍वागत अरिन्‍या छ।

लूका 18:22

यो सुनिबर इसुले तिनलाइ भुन्‍यो, “तमले अज एक काम अद्‌द बांकि छ। तमसङ भया जि जति छन् तिन सप्‍पइ बेचिबर गरिबनलाइ बाडिदिय, रे तमलाइ स्‍वर्गमि धन हुन्‍या छ। आस रे मेरा पाछा लाग्।”

लूका 19:8

जखायासले उठिबर प्रभुलाइ भुन्‍यो, “प्रभु, सुन, मु आफनो सम्‍पतिको आधा भाग गरिबनलाइ दिनउ, रे कसइबटहइ अन्‍याय अरिबर केइ लिराइछु भन्‍या मु तइको चार गुण फिर्ता अर्दिन्‍या छु।”

प्रेरित 10:15

त्‍यो आबाज अज दोसर्‍या लइ तनले सुण्‍यो, “परमेस्‍वरले जि सुद्‍दु अर्‍या छ तइलाइ तु असुद्‍दु जनमाणइ।”

प्रेरित 11:29

तबइ सिस्‍यान हरेकले आफना आफना छेमताअन्‍सार यहुदियामि बस्‍या दाइभाइनकि निउति साहेता पठाउन्‍या निस्‍सय अर्‍यो।

प्रेरित 24:17

“भउत बर्स बित्‍या पाछा मु आफना यहुदि दाइभाइनलाइ दान दिनाइनाइलाइ रे परमेस्‍वरलाइ भेटि चडाउनाइलाइ यरुसलेममि आया थ्‍या।

तितस 1:15

सुद्‍द मान्‍सलाइ सप्‍पइ थोक सुद्‍दइ हुनाछन्‌। तर असुद्‍द रे बिस्‍वास नअद्‍याकि निउति भन्‍या केइ कुरा लइ सुद्‍द हुनइन्‌। क्‍यालाइकि तिनरो मन रे बिबेकसमेत असुद्‍द भया हुन्‍छ।