लूका 10:10 - डोटेलि

¹⁰ रे तमु कसइ सहरमि जान्‍छउ रे तमुलाइ तिनुनले स्‍वागत अरेइन भन्‍या ताँ बटहइ निकलबर तइ सहरका रोडमि जा, रे भुन,

डोटेली नयाँ करार

¹⁰ तर जब तमन कसइ सहरमि पसन्छौ, रे तिननले तमरो स्वागत अद्दाइन्न भण्या, तब निकलिबर तइ सहरका रोडमि जा, रे भण,

लूका 10:10 ပူးပေါင်းရင်းမြစ်များ

लूका 10:11

‘हामरा खुट्‌टामि टासिया तमरो सहरको धुलो समेत हाम तमरा बिरुदमि टट्‍क्‍याउनाउ। रे तबइलइ यो जाण कि परमेस्‍वरको राज्‍य नजिकइ आया छ।

लूका 10:9

ताँ भया बिमारिनलाइ निको पाड, रे तिनलाइ भुन, ‘परमेस्‍वरको राज्‍य तमरा नजिक आइरइछ।’

लूका 9:5

कसइ ठउँरका मान्‍सनले तमुलाइ स्‍वागत अरेन्‌ भन्‍या तिन मान्‍सनलाइ परमेस्‍वरले अद्‍या न्‍यायको चेताउनि दिनाइलाइ आफना खुट्‌टाको धुलो तिनरा बिरुद्‍दमि गवाइकि निउति टट्‌क्‍याइबर त्‍यो सहर छाडिदिय।”

प्रेरित 13:51

तबइलाइ पावल रे बारनाबासले मान्‍सनलाइ परमेस्‍वरले न्‍याय अरुन भनिबर तिनुनका बिरुद्‍दमि आफना खुट्‍टाको धुलो टकटक्‍यो, रे आइकोनिया सहरतिर गया।

प्रेरित 18:6

तर तिनुनले पावलको बिरोध अद्‍दाइ तनरो निन्‍दा अर्‍यो, तबइ पावलले आफना लत्‍ता टट्‍केइबर उनुनलाइ भुन्‍यो, “तमु नस्‍ट भया लइ आफनाइ दोसका कारणले नस्‍ट हुन्‍याछउ! मुलाइ दोस लाग्‍द्‍या आथिन्‌। आबबटहइ मु असल रइबार सुणाउनाइलाइ अउरजातिनका वाँ जान्‍याछु।”