प्रेरित 8:40 - डोटेलि

⁴⁰ तर फिलिपले आफुलाइ अस्‍दोद सहरमि पुग्‍या थाँ पायो, रे कइसरिया सहर नपुगन्‍ज्‍यासम्‍म सप्‍पइ सहरनमि असल रइबार प्रचार अद्‍दाइ गया।

डोटेली नयाँ करार

⁴⁰ वाँ फिलिपले आफलाइ अश्‍दोद सहरमि पायो, तिन कैसरिया सहर नपुगन्ज्या सम्म सहर-सहर बठेइ सुसमाचार प्रचार अद्दाइ गया।

प्रेरित 8:40 ပူးပေါင်းရင်းမြစ်များ

प्रेरित 10:1

कइसरिया सहरमि कर्नेलियस नाउँ भया एक जना मान्‍स थ्‍या। जो रोमि सेना इटालिया भन्‍या पल्‍टनका कप्‍तान थ्‍या।

प्रेरित 10:24

तेसरा दिनमि तिनुन कइसरियामि पुग्‍या। कर्नेलियसले आफना कुटुम्‍बन रे घनिस्‍ट सङिनलाइ बोलाइबर जमा अरि तिनुनको बाटो हेरिरइथ्‍या।

प्रेरित 11:11

तसइबेला कइसरिया सहरबटहइ मुलाइ बोलाउन पठाइया तिन जना मान्‍सन मु बस्‍या घरमि आइपुग्‍या।

प्रेरित 12:19

हेरोदले पत्‍रुसलाइ खोज्‍ज लायो। रे तिनुनले पत्‍रुसलाइ काँइ लइ फेला पाड्‍ड सकेनन्‌। तसो भयाहुनतक हेरोदले पहरा दिन्‍या सिपाइनको जाँच अर्‍यो रे जबाफ नपायाहुनाले तिनुनलाइ मिरत्‍युदण्‍ड दियो। तइपाछा हेरोद यरुसलेम छाडिबर कइसरिया सहरमि गया रे ताँइ बस्‍या।

प्रेरित 18:22

पावल कइसरिया सहरमि आयापाछा यरुसलेममि गया रे मण्‍डलिका मान्‍सनसित भेटघाट अर्‍यो, तइपाछा उन एन्‍टिओखिया सहरमि ओरल्‍या।

प्रेरित 21:16

हामसित कइसरिया भन्‍या ठउँरका प्रभुमि बिस्‍वास अद्‌द्‌या कोइ कोइ दाइभाइन लइ आया, रे तिनुनले हामुलाइ साइप्रस टापुबटहइ आइबर बस्‍या प्रभुका एक जना पुराना बिस्‍वासि मनासोनका घरमि लइया, तनरा वाँ हाम बास बस्‍या।

प्रेरित 21:8

भोलिबार हाम ताँबटहइ बिदा भइबर कइसरिया सहरमि पुग्‍या, रे प्रचारक फिलिपका घरमि बस्‍या। उन यरुसलेममि सेबा अद्‍द चुनिया सात जनामध्‍ये एक जना थ्‍या।

प्रेरित 23:23

तइपाछा सेनापतिले दुइ जना कप्‍तानलाइ बोलाइबर भुन्‍यो, “आज रात नउ बजेतिर दुइ सउ सिपाइन, सत्‍तरि जना घोडचडि रे दुइ सउ भाला बोक्‍द्‍या सिपाइन तयार अर, उनुन बासाइतिकका नउ बजेइतिर हिट्‍ट तयार हुन्‍पडन्‍छ।

प्रेरित 23:33

कइसरिया पुग्‍या पाछा तिनुनले हाकिमलाइ चिट्‌ठि बुजाइबर पावललाइ उनरा अगाडि हाजिर अरायो।

प्रेरित 25:1

बडा-हाकिम फेस्‍तस आफना प्रान्‍तमि आया तिन दिनपाछा कइसरिया सहरबटहइ यरुसलेममि गया।

प्रेरित 25:13

केइ दिन पाछा राजा अग्रिपास रे उनरि बइनि बरनिकिले बडा-हाकिम फेस्‍तसलाइ स्‍वागत अद्‍दलाइ कइसरियामि आया।

प्रेरित 25:4

रे बडा-हाकिम फेस्‍तसले तिनुनलाइ यसो भुन्‍यो, “पावललाइ कइसरियामि थुनिराख्‍या छ रे मु लइ छिट्‍टाइ ताँ जान्‍नाछु।

प्रेरित 25:6

आठ-दस दिनसम्‍म यरुसलेममि बस्‍यापाछा बडा-हाकिम फेस्‍तस कइसरियामि फर्किया, भोलिबार उनुले न्‍याय अद्‌द्‌या ठउँरमि बसिबर पावललाइ ल्‍यास्‌ भनिबर हुकुम दियो।

प्रेरित 8:25

तइपाछा पत्‍रुस रे युहन्‍नाले प्रभुका बिसयमि प्रचार अरिसक्‍यापाछा यरुसलेम फर्‌किबर आउनज्‍या तिनुनले सामरियाका भउत गाउँ गाउँमि जाइबर असल रइबार सुणायो।

प्रेरित 9:30

तर यो था पाइबर बिस्‍वासि दाइभाइनले साउललाइ कइसरियामि लेया रे ताँबटहइ तनलाइ टार्सस सहरमि पठाइदियो।