प्रेरित 6:9 - डोटेलि

⁹ तर कति मान्‍सनले उनरो बिरोध अद्‍द लाग्‍या। तिनुन यहुदि सभाघरका स्‍वतन्‍त्‍र भनिन्‍या दलका मान्‍सन रे अलेक्‍जेन्‍डिरिया सहर रे कुरेनि, किलिकिया रे एसिया इलाकाबटहइ आया यहुदिन थ्‍या। तिनुन सप्‍पइ मिलिबर स्‍तिफनसका बिरुद्‍दमि उठ्‍या।

डोटेली नयाँ करार

⁹ तर कोइ-कोइ मान्सनले चाइ स्तिफनसको बिरोध अर्यो, तिनन यहुदि सभाघरका मान्सन थ्या, जइलाइ स्वतन्त्र दल लगइ भणिन्छ रे तिननमि कुरेनि सहर, अलेक्जेन्ड्रया सहर, किलिकिया प्रदेस रे एसिया देशका मान्सन थ्या, तइ पछा तिननले खड़ा होइबर स्तिफनससित वाद-बिबाद अद्द पस्या।

प्रेरित 6:9 ပူးပေါင်းရင်းမြစ်များ

मर्कुस 13:9

“तमु आफना बिसयमि होस अरिबर बस। मान्‍सले तमुलाइ अदालतमि सउँपिदिन्‍या छन्, पइ सभाघरमि चुटाइ खान्‍या छउ, हाकिम रे राजाका अगाडि मेरा खातिर तिनुलाइ गवाइ दिनाइलाइ तमु खडा हुन्‍या छउ।

लूका 21:12

रे यिन सप्‍पइ कुरा हुनाहइ अगाडि, मान्‍सनले तमुलाइ पकड्‍या छन्, सताउन्‍याछन्, तमुलाइ सभाघरमि सुम्‍पिन्‍या छन् रे झेलखानामि हालदिन्‍या छन्। तमुलाइ मेरा नाउँका खातिर राजान रे हाकिमका अगाडि पुर्‍याउन्‍या छन्।

प्रेरित 11:20

तर तिनुनमध्‍ये कोइ-कोइ साइप्रस रे कुरेनिका मान्‍सन थ्‍या। तिनुनले एन्‍टिओखियामि आइबर ग्रिकनलाइ लइ प्रभु इसुका बिसयमि प्रचार अर्‍यो।

प्रेरित 13:1

एन्‍टिओखिया सहरका मण्‍डलिमि परमेस्‍वरका अगमबक्‍तान रे सिछ्‍या दिन्‍या मान्‍सन भउत थ्‍या। तिनुनमध्‍ये ताँ बारनाबास, काला भनिन्‍या सिमियोन, कुरेनिका लुकियस, हेरोद राजासित हुक्‍र्या मनेन रे साउल थ्‍या।

प्रेरित 13:45

भिडलाइ धेकिबर यहुदि अगुवान रिसले चुर भया रे पावलले भुण्‍या कुराको खण्‍डन अद्‍दाइ तिनरो निन्‍दा अद्‍द लाग्‍या।

प्रेरित 15:23

रे तन चार जनाका हातमि उनुनले यो चिट्‌ठि पठायोः “एन्‍टिओखिया, सिरिया रे किलिकियामि रन्‍या अउरजातिनका बिस्‍वासि दाइभाइनलाइ, प्रेरितन रे मण्‍डलिका धर्म-गुरुका तर्फबटहइ अभिबादन छ!

प्रेरित 15:41

सिरिया रे किलिकिया छेत्‍र होइबर जान्‍ज्‍या तिनुनले ताँका मण्‍डलिनलाइ बिस्‍वासमि बलियो बनाउनाइ गया।

प्रेरित 16:6

तइपाछा पबित्‍तर आत्‍माबटहइ तिनुनलाइ एसियामि बचन प्रचार अद्‍द जान रोक्‍या हुनाले तिनुन फ्रिगिया रे गलातियाका इलाकान भइबर गया।

प्रेरित 18:24

तसइ बिचमि अलेक्‍जेन्‍डिरिया सहरमि जन्‍मिया अपोल्‍लोस नाउँ भया एक जना यहुदि एफिससमि आया। उन भउत निकेरि बोल्‍ल जान्‍या मान्‍स थ्‍या, रे उनलाइ धर्म- सास्‍त्‍तरको लइ भउत ग्‍यान थ्‍यो।

प्रेरित 19:10

यो काम दुइ बर्ससम्‍म चल्‍यो, रे एसियाका सप्‍पइ बासिन्‍दान, यहुदि रे ग्रिक दुयइले प्रभुको बचन सुण्‍यो।

प्रेरित 19:26

तर त्‍यो पावल कि भुन्‍ना छ, आब तमु आफुइले धेक्‍या रे सुन्‍या छउ, मान्‍सका हातले बनाया देबि-देबताइ हइनन्‌ भुनिबर एफिसस रे एसियामि बस्‍या भउत मान्‍सलाइ आफना कुरा सिकाइबर भर्माउन्‍ना छ।

प्रेरित 21:27

भाकल अर्‍या सात दिन पुरा हुन्‍नाथ्‍या, तबइ एसिया इलाकाबटहइ आया यहुदिनले पावललाइ मन्‍धिरमि धेक्‍यो। तिनुनले मान्‍सका भिडलाइ भड्‍काइबर पावललाइ पकणाउ अर्‍यो।

प्रेरित 21:39

पावलले भुन्‍यो, “हइन हजुर, मु त किलिकियाको टार्सस सहरमि जन्‍मिया यहुदि हुँ। नानातिना सहरको मान्‍स मु होइन। बिन्‍ति छ यिन मान्‍सनका अगाडि मुलाइ केइ कुरडि बोल्‍ल दिय।”

प्रेरित 22:19

मुइले भुण्‍या, ‘हे प्रभु, मुइले हरेक सभाघरमि जाइबर तममि बिस्‍वास अद्‌द्‌यानलाइ झेलखानामि हलिबर कुटपिट अर्‍या इनुन सप्‍पइलाइ थाइ छ।

प्रेरित 22:3

“मु किलिकिया सहरका टार्ससमि जन्‍मिया एक यहुदि हुँ, रे यइ सहरमि गमलिएलको सिस्‍य होइबर हुर्किया हुँ, हामरा पुर्खाका बिधिअन्‍सार मुइले निकोनिको सिछ्‌या पाया हुँ, आज तमु परमेस्‍वरको सेबा अद्‍द जति उत्‍साहित छउ मुलइ तति उत्‍साहित थ्‍या।

प्रेरित 23:34

त्‍यो चिट्‌ठि पडिबर ठुला हाकिमले पावललाइ सोध्‍यो, “तेरो घर काँ हो? कइ ठउँरमि पणन्‍छ?” पावलले भुन्‍यो, “किलिकियामि पडन्‍छ, हजुर।”

प्रेरित 24:18

यिनुनले मुलाइ मन्‍धिरमि भेट्‍न्‍ज्‍या मुइले सुद्‍द हुन्‍या बिधि पुरा अरिसक्‍या थ्‍या। ताँ कोइ भिड लइ थेएन्‌, रे हुलदङा लइ भया थेएन।

प्रेरित 26:11

भउतबेर मुइले उनुनलाइ आबबटहइ नासरतका इसुमि बिस्‍वास अद्‍दइन भन्‍न्‍या पाड्‍डाइलाइ सभाघरमि जबरजस्‍ति अरिबर सजाइ दिन लाया, मु उनुन धेकिबर रिसले इति आगो भया थ्‍या कि, अउर देसका सहरनमि लइ गइबर मुइले उनुनलाइ सताया।”

प्रेरित 6:10

तर पबित्‍तर आत्‍माले स्‍तिफनसलाइ यसो ग्‍यान रे सक्‍ति दियो, तिन बोलन्‍ज्‍या मान्‍सले तिनरा बिरोधमि बोल्‍लइ सकेन।