प्रेरित 6:10 - डोटेलि

¹⁰ तर पबित्‍तर आत्‍माले स्‍तिफनसलाइ यसो ग्‍यान रे सक्‍ति दियो, तिन बोलन्‍ज्‍या मान्‍सले तिनरा बिरोधमि बोल्‍लइ सकेन।

डोटेली नयाँ करार

¹⁰ उनले जी कुरणी भण्यो, तिननले केइ जबाफ दिन सकेन। क्याकि पबित्र आत्माले उनलाइ बुद्दीसित बोल्लामि सायता अर्याथ्यो।

प्रेरित 6:10 ပူးပေါင်းရင်းမြစ်များ

लूका 1:17

एलिया अगम्‍बक्‍ताकि जसेरि आत्‍मामि सक्‍ति रे बल पाइबर परमेस्‍वरकि निउति एक जाति तयार पाड्‌ड तन परमेस्‍वरका आगाडि जान्‍या छन्। तनले बाको मन चेला-चेलितिर फर्काउन्‍या छन् रे अटेणिनलाइ धर्मिनका बुद्‌दितिर फर्काउन्‍या छन्।”

लूका 21:15

क्‍यालाइकि मु तमलाइ यसो बोल्‍या मुख रे बुद्‌दि दिन्‍याछु, कि तमरा बिरोधिनले तमरो प्रति उत्‍तर दिन सक्‍द्‌या आथिनन्‌।

प्रेरित 5:39

तर यो काम परमेस्‍वरबटहइ हो भन्‍या, तमुले यइलाइ रोक्‍द सक्‍दानु, नति तमु परमेस्‍वरका बिरुद्‍दमि उठ्‍या हुन्‍या छउ।”

प्रेरित 6:11

तबइलाइ तिनुनले गुप्‍तमि मान्‍सनलाइ उचालिबर यसो भुन्‍न लायो, “मोसा रे परमेस्‍वरका बिरुद्‍दमि यइले बोल्‍या हामले सुण्‍या।”

प्रेरित 6:9

तर कति मान्‍सनले उनरो बिरोध अद्‍द लाग्‍या। तिनुन यहुदि सभाघरका स्‍वतन्‍त्‍र भनिन्‍या दलका मान्‍सन रे अलेक्‍जेन्‍डिरिया सहर रे कुरेनि, किलिकिया रे एसिया इलाकाबटहइ आया यहुदिन थ्‍या। तिनुन सप्‍पइ मिलिबर स्‍तिफनसका बिरुद्‍दमि उठ्‍या।

प्रेरित 7:51

“हे हठि मान्‍सन हो, कठोर ह्रिदय रे बहिरा कान भया हो, तमु जबलइ पबित्‍तर आत्‍माको बिरोद अरन्‍छउ। तमरा पुर्खानले जसो अर्‍या थ्‍यो तमुलइ तसोइ अद्‍दाछउ।