प्रेरित 4:21 - डोटेलि

²¹ यो कुरा सुनिबर माहासभाका मान्‍सनले उनुनलाइ अज बर्ता धम्‍कि दिबर छाड्‍दियो। तिनुनले पत्‍रुस रे युहन्‍नालाइ सजाइ दिन्‍या केइ कारण पाएन्‌ क्‍यालाइकि उनुनले अर्‍या अचम्‍मको काम धेक्‍या हुनाले सप्‍पइ मान्‍सनले परमेस्‍वरको महिमा अद्‍दा थ्‍या।

डोटेली नयाँ करार

²¹ तिननले सजाय दिन्या केइ उपाय नभइबर यिननलाइ आजी बड्ता धम्कि दिबर छाडदियो। क्याकि जी घटना घटिरइथ्यो, तइको निउति सब मान्सनले परमेश्वरको महिमा अद्दाथ्या।

प्रेरित 4:21 ပူးပေါင်းရင်းမြစ်များ

लूका 13:17

उनुले इन कुरा भनिसक्‍या पाछा उनरा बिरोधि सप्‍पइ सर्ममि पड्‌या, रे उनुले अर्‍या अचम्‍मका काममि मान्‍स आनन्‍दित भया।

लूका 20:19

तबइ धर्म-गुरु रे मुख्‍य पुजारिनले तसइबेला उनलाइ पकड्‌खोज्‍यो, तिनुनलाइ थाँ थ्‍यो कि यो उखान तिनराइ बिरुद्‌मि भनिया थ्‍यो रे तिनुन मान्‍ससङ डराउथ्‍या।

लूका 20:6

मान्‍सबटहइ भुन्‍नाउ भन्‍या, सप्‍पइ मान्‍सले हामुलाइ ढुङा हान्‍याछन्, क्‍यालाइकि युहन्‍ना अगमबक्‍ता हुन्‌ भन्‍या तिनुनले पक्‍का बिस्‍वास अर्‍या छन्।”

लूका 22:2

मुख्‍य पुजारि रे धर्म-गुरुले उनलाइ कसेरि माद्‌या भनि मउका खोज्‍जाथ्‍या, रे मान्‍सबटहइ तिनुन डराउथ्‍था।

लूका 5:26

तिनुन सप्‍पइ अचमम्‍मि पड्‌या रे डर मान्‍नाइ परमेस्‍वरको प्रसम्‍सा अद्‌दाइ भुन्‍यो, “आज हामले कसो अचम्‍मको कुरा धेक्‍या!”

प्रेरित 4:17

तर यो कुरडि मान्‍सनमि नफइलियो भनिबर अज ‘इसुका नाउँमि कसइ मान्‍ससित तमुले केइ जनबोल्‍या’ भनिबर हामले यिनुनलाइ चेतावनि दिन पणन्‍छ।”

प्रेरित 4:22

क्‍यालाइकि जो मान्‍स अचम्‍म किसिमले निको पाडिया थ्‍यो, तइको उमर चालिस बर्सभन्‍ना लइ बर्ता थ्‍यो।

प्रेरित 5:13

तर अउर मान्‍सनले तिनुनसित घुलमेल हुन्‍या आटइ अरेन्‌, रे मान्‍सन तिनुनलाइ आदर अरन्‍थ्‍या।

प्रेरित 5:26

यसो सुनिबर सिपाइनका सङ मन्‍धिरका कप्‍तान गया रे प्रेरितनलाइ जबरजस्‍ति नअरिबर लेया, क्‍यालाइकि मान्‍सनले तिनुनलाइ ढुङाले हाणन्‍नाकि भुनिबर तिनुन डराया।

प्रेरित 5:40

तबइ सभाका मान्‍सनले गमलिएलका सर-सल्‍लाहा मान्‍यो। तिनुनले प्रेरितनलाइ भितर बोलाइबर हान्‍न लायो, रे इसुका नाउँमि अज कभइ लइ प्रचार जनअर्‍या भन्‍न्‍या कडा आदेस दिबर छाड्‌दियो।