प्रेरित 3:14 - डोटेलि

¹⁴ रे तमुले पबित्‍तर रे धर्मि जनलाइ असुइकार अरिबर एक जनो ज्‍यानमारालाइ छाडिदिन्‍या माग अर्‍या।

डोटेली नयाँ करार

¹⁴ तर तमनले पबित्र रे धर्मि जनलाइ इन्कार अरिबर एक ज्यानमारालाइ तमरा निउति छाडिदिन्या माग अर्या।

प्रेरित 3:14 ပူးပေါင်းရင်းမြစ်များ

मर्कुस 1:24

तइले चिच्‍च्‍याइबर यसो भन्‍यो, “हे नासरतका इसु, हामुलाइ तमसङ क्‍या सरोकार? तम हामुलाइ सर्बनास अद्‌दाइ आया हउ? मु तमलाइ चिन्‍नउ, तम परमेस्‍वरका पबित्‍तर जन हउ!”

मर्कुस 15:11

तर बारब्‍बालाइ तिनरि निउति छाडिदिय भनिबर मुख्‍य पुजारिले भिडलाइ सुर्‍यायो।

मर्कुस 15:7

तइ बेला बारब्‍बा नाउँ भया एक जनो मान्‍स थुनामि पड्‍या थ्‍यो। तइले अउरसित मिलिबर आन्‍दोलनमि मान्‍स लइ मार्‍या थ्‍यो।

लूका 1:35

स्‍वर्गदुतले तिनलाइ भुन्‍यो, “पबित्‍तर आत्‍मा तममि आउन्‍या छन्। रे माहान परमेस्‍वरको सक्‍तिको छाया तममि पड्‍या छ। तबइलाइ जो जनमिन्‍या छन्, उन पबित्‍तर हुन्‍या छन् रे परमेस्‍वरका चेला भनिन्‍या छन्।

लूका 23:25

तनले बारब्‍बा भनिन्‍या मान्‍सलाइ छाडिदियो, जो बिद्रोह रे हत्‍याका आरोपमि कारागारमि पड्‌याथ्‍यो। तइलाइ छाड्‌दिय भनिबर तिनुनले माग अर्‍याथ्‍यो। रे इसुलाइ तिनराइ इछ्‍यामि सउपिदियो

प्रेरित 13:28

ज्‍यानसजाइको केइ कारण नपाया लइ तिनुनले इसुलाइ माद्‍दुपणन्‍छ भुणि पिलातससित बिन्‍ति अर्‍यो।

प्रेरित 2:27

क्‍यालाइकि तमले मेरो परान मर्‍या मान्‍सन बस्‍या ठउँर छाड्‍डया आथिनउ, न त तमले आफना पबित्‍तर जनको सरिल च्‍याहानमि कुन दिन्‍या छउ।

प्रेरित 22:14

तइपाछा उनुले मुलाइ भुन्‍यो, ‘तमले हामरा पुर्खाका परमेस्‍वरको इछ्‍या बुज्‍ज, धर्मि इसुलाइ धेक्‍द रे उनरा मुखबटहइ बोलिया कुरा सुन्‍नाइलाइ परमेस्‍वरले तमलाइ छान्‍या छ।

प्रेरित 4:27

“यो कुरा साँच्‍चि भया छ, क्‍यालाइकि तमले अबिसेक अर्‍या तमरा पबित्‍तर सेबक इसुका बिरुद्‍दमि हेरोदराजा, पन्‍तियस पिलातस रे अउरजातिन इज्राएलिनसित इसइ सहरमि भेला भया थ्‍या।

प्रेरित 5:28

“हामले तमुलाइ इसुका नाउँमि अज कसइलाइ केइ जन भुन्‍या भनिबर कडा आदेस दियाथ्‍या, तर तमुले त आफनो सिछ्‍या यरुसलेमभरि फिजाइसक्‍या, रे इसुलाइ मार्‍या दोस हामुलाइ पो लाउन्‌ चाहान्‍छउ!”

प्रेरित 7:52

कि तमरा पिता-पुर्खाले नसताया कोइ अगमबक्‍ता हुन्‍ना ब? परमेस्‍वरका पबित्‍तर सेबक आउन्‍ना छन् भुनिबर रइबार सुणाउन्‍या अगमबक्‍तानलाइ समेत तिनुनले मार्‍यो। तमुले आया पबित्‍तर सेबकलाइ धोका दिबर मार्‍या।