प्रेरित 22:14 - डोटेलि

¹⁴ तइपाछा उनुले मुलाइ भुन्‍यो, ‘तमले हामरा पुर्खाका परमेस्‍वरको इछ्‍या बुज्‍ज, धर्मि इसुलाइ धेक्‍द रे उनरा मुखबटहइ बोलिया कुरा सुन्‍नाइलाइ परमेस्‍वरले तमलाइ छान्‍या छ।

डोटेली नयाँ करार

¹⁴ “तइ पछा तिनले मलाइ भण्यो, ‘हामरा पिता पुर्खाका परमेश्वरको इच्छा तमले जाण भणबर उनले तमलाइ छान्यो। तमले धार्मि सेवक येशूलाइ धेक्दपाया रे उनले भण्या कुरणी सुण्नाइकिलाइ तमलाइ छान्या छ।

प्रेरित 22:14 ပူးပေါင်းရင်းမြစ်များ

प्रेरित 13:17

इज्राएलि जातिका परमेस्‍वरले हामरा पिता-पुर्खानलाइ चुनिबर मिस्रदेसमि रन्‍ज्‍या तिनुनलाइ माहान बनायो। रे परमेस्‍वरले आफना सक्‍तिले तिनुनलाइ तइ देसबटहइ निकाल्‍बर लेया।

प्रेरित 22:15

क्‍यालाइकि तमले उनरा साछि भइबर आफुले धेक्‍या रे सुन्‍या कुरा सप्‍पइ मान्‍सनका अगाडि सुणाउन पड्‍डया छ।

प्रेरित 22:18

मुइले प्रभुलाइ धेक्‍या रे प्रभुले मुलाइ भुन्‍यो, ‘झट्‍ट यरुसलेबटहइ जा, क्‍यालाइकि तुइले मेरा बिसयमि भुण्‍या गवाहि ताँका मान्‍सनले ग्रहण अद्‌द्‌या आथिनन्‌।’

प्रेरित 24:14

रे यो कुरा मु हजुरकाइ अगाडि सुइकार अद्‍दउँ, जइ मुक्‍ति पाइन्‍या बाटालाइ तिनुन झुटा भुन्‍नाहान्‌, तसइअन्‍सार ब्‍यबस्‍थामि भया कुरा रे अगमबक्‍ताका किताबमि लेखिया सप्‍पइ कुरा बिस्‍वास अरि मेरा पुर्खानका परमेस्‍वरको आराधना मु अद्‍दउँ।

प्रेरित 26:16

आब उठ, मु तुलाइ मेरो सेबक रे गवाइ दिन्‍या मान्‍स बनाउन चाहानउ। तबइलाइ मु तेरा वाँ धेकिया हुँ। तुइले मेरा बिसयमि धेक्‍या कुरा रे मुइले तुलाइ पाछा धेकाउन्‍या कुरासमेत अउर मान्‍सनलाइ सुनाउनपड्‍डया छ।

प्रेरित 5:30

तमुले काठका कुस्रमि किल्‍ला ठोकिबर मार्‍या इसुलाइ हामरा पिता-पुरखाका परमेस्‍वरले उनलाइ मर्‍याबटहइ जिउना पाड्‌यो।

प्रेरित 7:52

कि तमरा पिता-पुर्खाले नसताया कोइ अगमबक्‍ता हुन्‍ना ब? परमेस्‍वरका पबित्‍तर सेबक आउन्‍ना छन् भुनिबर रइबार सुणाउन्‍या अगमबक्‍तानलाइ समेत तिनुनले मार्‍यो। तमुले आया पबित्‍तर सेबकलाइ धोका दिबर मार्‍या।

प्रेरित 9:15

तर प्रभुले तनलाइ भुन्‍यो, “जा, क्‍यालाइकि अउरजातिन, राजान रे इज्राएलिनका सन्‍तानका अगाडि मेरो नाउँ प्रचार अद्‌द्‌या मान्‍स हुनाइलाइ मुइले तनलाइ चुन्या छु।

प्रेरित 9:17

तबइ हननिया गइबर तइ घरभितर पस्‍या, रे तनमि आफना हात राखिबर भुन्‍यो, “भाइ साउल, जो प्रभु इसु तम आउन्‍नारया बाटामि तमरा वा धेकापण्‍या थ्‍या। तमले अज धेक्‍द सक रे पबित्‍तर आत्‍माले भरपुर हउ भनिबर उनुले मुलाइ पठाया हो।”

२ तिमोथी 1:1

मेरो प्‍यारो चेलो तिमोथि, परमेस्‍वरका इछ्‍याले ख्रिस्‍ट इसुमि भया कभइ नमद्‍या जिबनको प्रतिग्‍या अन्‍सार ख्रिस्‍टले छान्‍या मु प्रेरित पावलका तर्फबटहइ यो चिट्‌ठि पठाया हुँ।

तितस 1:1

परमेस्‍वरको दास रे ख्रिस्‍ट इसुको प्रेरित मु पावलकातर्फबटहइ यो चिट्‌ठि लेख्‍दाछु। परमेस्‍वरले मुलाइ छान्‍यो रे उनरा चुनियाको बिस्‍वास बलियो बनाउनाइलाइ रे परमेस्‍वरलाइ मन पड्‍या जिबनसित मिल्‍ल्‍या सत्‍यको ग्‍यानतिर तिनुलाइ डोर्‍याउनाइलाइ मु खटाया हुँ।