प्रेरित 21:3 - डोटेलि

³ जबइ साइप्रस देस धेकियो, तबइ हाम तइलाइ दाइनतिर पाडिबर सिरिया इलाकातिर लागिबर टुरोस सहरमि ओरल्‍या। क्‍यालाइकि ताँ पानिजहाजका मालसामान उताद्‍दथ्‍यो।

डोटेली नयाँ करार

³ हामरा बाँउतीर साइप्रस टापु धेकियो, हामले तइलाइ छाडिबर सिरिया प्रदेसतिर बड्डाइ गया रे टुरोस सहरमि पुग्या क्याकि ताँ जहाज बठेइ सामान उताद्दु पण्याथ्यो।

प्रेरित 21:3 ပူးပေါင်းရင်းမြစ်များ

लूका 10:13

“हे खोराजिन रे बेथसेदाका मान्‍सन हो, धिक्‍कार तमुलाइ, क्‍यालाइकि तमुमि भया सक्‍तिका काम टुरोस रे सिदोनमि अरिया भयाले तिनुनले आगाडि बटहइ पाप अद्‌द छाडिबर रे पाप छाड्‌या छु भनिबर बोराका लत्‍ता लाइबर खरानिमि बस्‍याथ्‍या।

लूका 2:2

तइ राज्‍यका मान्‍सन गन्‍या कुरडि पल्‍लिबार भइ तइबेला कुरेनियस नाउँ भया सिरियाका ठुला हाकिम थ्‍या।

प्रेरित 11:19

आब स्‍तिफनसलाइ मार्‍यापाछा यरुसलेममि सतावट भयाहुनाले बिस्‍वासिन चारइतिर छरबट्‍ट भया। कोइ कोइ फोनिके, साइप्रस रे एन्‍टिओखियाका इलाकासम्‍म गया रे यहुदिनलाइ मात्‍तरइ असल रइबार प्रचार अर्‍यो।

प्रेरित 12:20

हेरोद राजा टुरोस रे सिदोन सहरका मान्‍सनसित भउत रिसाया थ्‍या। तनुन एक दल होइबर उनरा वा आया, रे राजाका भितरका कर्मचारि बलस्‍तससित खुसामद अरिबर मिलापकि निउति बिन्‍ति अर्‍यो। क्‍यालाइकि तइ सहरका मान्‍सन अन्‍नकि निउति हेरोद राजाका देसमि भर पडन्‍थ्‍या।

प्रेरित 13:4

तबइ पबित्‍तर आत्‍माबटहइ पठाइया हुनाले तिनुन एन्‍टिओखियाबटहइ सिलुकियामि गया रे ताँबटहइ पानिजहाजमि चडिबर साइप्रसतिर गया।

प्रेरित 15:23

रे तन चार जनाका हातमि उनुनले यो चिट्‌ठि पठायोः “एन्‍टिओखिया, सिरिया रे किलिकियामि रन्‍या अउरजातिनका बिस्‍वासि दाइभाइनलाइ, प्रेरितन रे मण्‍डलिका धर्म-गुरुका तर्फबटहइ अभिबादन छ!

प्रेरित 15:39

तइ कुरडिले पावल रे बारनाबासका बिचमि इति ठुलो मतभेद भयो, कि तिनुन एक अर्काबटहइ छुट्‍टिबर, बारनाबासले मर्कुसलाइ लइयइबर पानि जहाज चडि साइप्रसतिर गया।

प्रेरित 15:41

सिरिया रे किलिकिया छेत्‍र होइबर जान्‍ज्‍या तिनुनले ताँका मण्‍डलिनलाइ बिस्‍वासमि बलियो बनाउनाइ गया।

प्रेरित 18:18

पावल भउत दिनसम्‍म प्रभुमि बिस्‍वास अद्‌द्‌या कोरिन्‍थ सहरका दाइभाइनसित बस्‍या, तइपाछा उन ताँबटहइ बिदा भइबर प्रिस्‍किला रे अकिलाससित सिरियातिर जानाइलाइ हिट्‍या। केइ समय अगाडि केइ भाकल अर्‍या हुनाले पावलले किंक्रिया सहरमि जानाहइ अगाडि आफना रउ काट्‍यो।

प्रेरित 21:16

हामसित कइसरिया भन्‍या ठउँरका प्रभुमि बिस्‍वास अद्‌द्‌या कोइ कोइ दाइभाइन लइ आया, रे तिनुनले हामुलाइ साइप्रस टापुबटहइ आइबर बस्‍या प्रभुका एक जना पुराना बिस्‍वासि मनासोनका घरमि लइया, तनरा वाँ हाम बास बस्‍या।

प्रेरित 21:2

ताँ हामले फोनिके छेत्‍रसम्‍म जान्‍या पानिजहाज पाया रे हाम तसइमि चडिबर गया।

प्रेरित 21:7

टुरोस सहरबटहइ समुन्‍दरको यात्‍रा अरिबर हाम टोलेमाइस सहरमि पुग्‍यापाछा पानिजहाजबटहइ ओरल्‍या। हाम ताँ भया प्रभुमि बिस्‍वास अद्‌या दाइभाइनलाइ भेट अद्‍द गया रे एक दिन तिनुनसितइ बस्‍या।

प्रेरित 27:4

ताँबटहइ हामरो पानि जहाज अज बाटा लाग्‍यो, रे जहाजका अगाडिबटहइ बतास चल्‍याहुनाले हाम साइप्रस टापुका किनाराइ किनारा होइबर गया।

प्रेरित 4:36

लेबि कुलका योसेफ नाउँ भया एक जना मान्‍स थ्‍या। तिन साइप्रस भन्‍न्‍या ठउँरबटहइ आया थ्‍या। प्रेरितनले तिनलाइ बारनाबास भनि नाउँ राख्‍या थ्‍यो, जइको अर्थ हो उत्‍साहको चेलो।