प्रेरित 18:9 - डोटेलि

⁹ एक रात प्रभुले पावललाइ सुइनामि यसो भुन्‍यो, “कसइ धेकिबर जनडराइ, चुप लागिबर जनबसइ असल रइबार प्रचार अर।

डोटेली नयाँ करार

⁹ एक रात दर्सनमि प्रभुले पावललाइ भण्यो, “जन डराइ, बोल्लोइ जा, रे चुप जन लागेइ,

प्रेरित 18:9 ပူးပေါင်းရင်းမြစ်များ

प्रेरित 16:9

तसइ रात पावलले सुइनामि एक दर्सन पायो। माकेडोनियाको एक जनो मान्‍स कलिबर तनलाइ बिन्‍ति अद्‍दाथ्‍यो, “माकेडोनियामि आस, रे हामुलाइ साहेता अर।”

प्रेरित 18:10

मु तुसित छु। रे कसइले लइ तुलाइ केइ अद्‌द सक्‍द्‌या आथिन्‌, क्‍यालाइकि यइ सहरमि मेरा भउत मान्‍स छन्।”

प्रेरित 22:18

मुइले प्रभुलाइ धेक्‍या रे प्रभुले मुलाइ भुन्‍यो, ‘झट्‍ट यरुसलेबटहइ जा, क्‍यालाइकि तुइले मेरा बिसयमि भुण्‍या गवाहि ताँका मान्‍सनले ग्रहण अद्‌द्‌या आथिनन्‌।’

प्रेरित 23:11

तइ रात प्रभु पावलका नजिकइ धेकिया रे यसो भुन्‍यो, “हिम्‍मत अर, पावल क्‍यालाइकि जसरि तुइले यरुसलेममि मेरा बिसयमि गवाहि दिइ, तसेरि तुइले रोममिलइ गवाहि दिनुपणन्‍छ।”

प्रेरित 9:10

दमस्‍कसमि हननिया नाउँ भया एक जना सिस्‍या थ्‍या। तनलाइ प्रभुले दर्सनमि भुन्‍यो, “ए हननिया।” तनले भुन्‍यो, “प्रभु, हाजिर छु।”

१ थेसलोनिकि 2:2

ताँ आउनुभन्‍ना अगाडि फिलिप्‍पिका मान्‍सले हामुलाइ दुःख दियो रे हामरो बेइजत अर्‍यो, यो कुरा लइ तमुलाइ थाइ छ। तबलाइ परमेस्‍वरले हामुलाइ साहास दियो रे बिरोधि जति भया लइ हामुले तमुलाइ असल रइबार सुनाइबरइ छाड्‍याउँ।