प्रेरित 17:3 - डोटेलि

³ उनुले धर्म- सास्‍त्‍तरबटहइ धेकाइबर तिनुनलाइ इसेरि बुजायो, “मुक्‍ति दिन्‍या राजा ख्रिस्‍टइले दुःख भोग्‍दु रे मर्‍याबटहइ जिउना हुन्‌ पणन्‍थ्‍यो रे मुइले प्रचार अर्‍या इसु तेइ मुक्‍ति दिन्‍या राजा ख्रिस्‍ट हुन्‌।” भन्‍न्‍या कुराको अर्थ खोल्‍दिबर तनले प्रमाणित अर्‍यो।

डोटेली नयाँ करार

³ ख्रीष्टलाइ अवश्य दु:ख भोग्दु रे मर्या बठेइ जिउना हुनु पणन्थ्यो, रे तिनइ येशूको बारेमि म तमनलाइ सुणाउनउ, उनइ ख्रीष्ट हुन भण्न्या कुरणीको मतलब खोलिबर तिनले साबित अरदियो।

प्रेरित 17:3 ပူးပေါင်းရင်းမြစ်များ

लूका 24:32

तिनुनले आपसमि भुन्‍यो, “उनुले हामसित बाटामि कुरडि अरन्‍ज्‍या रे हामुलाइ धर्म- सास्‍त्‍तर बटहइ अर्थ खोल्‍दिन्‍ज्‍या कि हामरो ह्रिदय आनन्‍न भया थेइन् ब?”

लूका 24:44

उनुले तिनुनलाइ भुन्‍यो, “तमुसित हुन्‍ज्‍या मुइले बोल्‍या बचन यिनइ हुन, कि मोसाका ब्‍यबस्‍थामि, अगमबक्‍ता रे भजनका किताबमि मेरा बिसयमि लेखिया सप्‍पइ कुरा पुरा हुनपडन्‍छ।”

लूका 24:46

उनुले तिनुनलाइ भुन्‍यो, “धर्म- सास्‍त्‍तरमि यसो लेखिया छ, कि ख्रिस्‍टले दुःख भोग्‍द् रे तेसरा दिनमि मर्‍याबटहइ जिउनो हुनपडन्‍छ,

प्रेरित 1:4

एकबर इसु सिस्‍यानसित भोजमि बसन्‍ज्‍या उनुले तिनुनलाइ इसेरि आग्‍या दियो, “मेरा पिताले पबित्‍तर आत्‍मा दिनउ भुणि अर्‍या प्रतिग्‍या पुरा नहुन्‍ज्‍यासम्‍म तमु यरुसलेम छाडिबर काँइ जनजा, रे यइ बिसयमि मुइले तमुलाइ अगाडिबटहइ भुणिसक्‍या छु।

प्रेरित 18:28

क्‍यालाइकि ताँ भया यहुदिनसित सप्‍पइ मान्‍सका अगाडि छलफल अरन्‍ज्‍या उनुले धर्म- सास्‍त्‍तरको कुरा लिबर प्रभु इसुइ मुक्‍ति दिन्‍या राजा ख्रिस्‍ट हुन भन्‍या कुराको प्रमाण दियो।

प्रेरित 18:5

सिलास रे तिमोथि माकेडोनिया इलाकाबटहइ आयापाछा पावल बचन प्रचारका काममि लाग्‍या, उनुले यहुदिनलाइ इसुइ मुक्‍ति दिन्‍या राजा ख्रिस्‍ट हुन्‌ भणि साछि दिन्‍थ्‍या।

प्रेरित 3:18

ख्रिस्‍टले दुःख भोग्‍दु पणन्‍छ भनि परमेस्‍वरले सप्‍पइ अगमबक्‍ताका मुखबटहइ भुन्‍या अगमबाणि उनुले इसेरि पुरा अर्‍यो।

प्रेरित 9:22

तर साउल अज बर्ता सक्‍तिसालि हुनाइ गया, रे इसुइ ख्रिस्‍ट हुन्‌ भनिबर तिनले यसो पक्‍का प्रमाण दियो कि दमस्‍कसका यहुदिनले केइ लइ जबाफ दिन सकेनन्‌।