प्रेरित 11:23 - डोटेलि

²³ तन ताँ आइबर परमेस्‍वरले मान्‍सनलाइ असिस दिया धेकिबर खुसि भया, रे तिनुन सप्‍पइलाइ सारा ह्रिदयले प्रभुप्रति बिस्‍वासि भइरनाइलाइ उस्‍साहा दियो।

डोटेली नयाँ करार

²³ तिन ताँ आइबर परमेश्वरको अनुग्रह धेकिबर खुशी भया, रे तिनन सबलाइ पुरा मनले प्रभुप्रति बिश्वासि रइरनाइ उत्साह दियो।

प्रेरित 11:23 ပူးပေါင်းရင်းမြစ်များ

मर्कुस 2:5

तिनु मान्‍सको यसो बिस्‍वास धेकिबर, इसुले लुल्‍या पण्‍या मान्‍सलाइ भुन्‍यो, “ए भाइ, तेरा पाप छिमा भयाछन्।”

प्रेरित 13:43

सभा सकियापाछा भउत यहुदिन, यहुदि मत मान्‍न्‍या भक्‍तन पावल रे बारनाबासका पाछा लाग्‍या, पावल रे बारनाबासले उनुनसित कुराकानि अद्‍दाइ उनुनलाइ परमेस्‍वरका अनुग्रहमि रइरया भनि आग्रह अर्‍यो।

प्रेरित 14:22

सिस्‍यानलाइ बलियो बनाउनाइ उनुनलाइ बिस्‍वासमि रइरन्‍या अर्ति दियो, रे भउत कस्‍ट सइबर हाम परमेस्‍वरका राज्‍यमि जानपणन्‍छ भनि उनुनलाइ उत्‍साह दियो।

प्रेरित 14:26

रे ताँबटहइ तिनुन समुन्‍दरको यात्‍रा अरिबर एन्‍टिओखियामि फर्क्‍या। जाँ प्रभुमि बिस्‍वास अद्‌द्‌या दाइभाइले पावल रे बारनाबासलाइ परमेस्‍वरका अनुग्रहमि सउपिबर प्रचारका काममि पठाया थ्‍यो।

प्रेरित 15:40

तर पावलले सिलासलाइ चुन्‍यो, रे दाइभाइनबटहइ परमेस्‍वरका अनुग्रहमि सउपिबर बिदा भया।

प्रेरित 20:24

तर मु आफना जिबनलाइ केइ मोलको लइ ठान्‍नइन, इति मात्‍र चाहानउ कि परमेस्‍वरले मान्‍स जातिलाइ अनुग्रह अर्‍या छ भन्‍या असल रइबारको गवाहि दिनाइलाइ मेरो दउड रे प्रभु इसुबटहइ मिल्‍या मेरो सेबकाइ मु पुरा अद्‌द सकु।

प्रेरित 20:32

“आब मु तमुलाइ परमेस्‍वरका हातमि जिम्‍मा लाउन्‍नाछु रे उनराइ अनुग्रहले भरिया बचनका भरमि सउपिदिनउ, जइबटहइ परमेस्‍वरले तमुलाइ बिस्‍वासमि बलियो बनाइरन्‍या छन् रे आफना मान्‍सनलाइ आसिसका भागिदार बनाउन्‍या छन्।

प्रेरित 4:36

लेबि कुलका योसेफ नाउँ भया एक जना मान्‍स थ्‍या। तिन साइप्रस भन्‍न्‍या ठउँरबटहइ आया थ्‍या। प्रेरितनले तिनलाइ बारनाबास भनि नाउँ राख्‍या थ्‍यो, जइको अर्थ हो उत्‍साहको चेलो।

२ तिमोथी 3:10

तर तुइले मेरो सिछ्‍या, मेरो चरित्‍र, मेरो जिबनको लछ्‍य, मेरो बिस्‍वास, मेरो धइर्‍य, मेरो पिरिम रे मेरो इस्‍थिरता धेक्‍या छइ।