२ तिमोथी 4:18 - डोटेलि

¹⁸ हो, प्रभुइले मुइलाइ सप्‍पइ किसमका खराबिबटहइ बचाउन्‍या छन्‌। उनुइले मुलाइ जोगाइबर आफनो स्‍वर्गिय राज्‍यकि निउति लइजान्‍या छन्। उनुइलाइ सदाइँ महिमा होइरउ! आमेन।

डोटेली नयाँ करार

¹⁸ रे प्रभुले मलाइ सब दुष्ट आक्रमण बठेइ बचाउन्या हुन, रे उनले मलाइ उनरो स्वर्गीय राज्यमि लइजान्या हुन, जाँ उन राजा भइबर राज्य अददाहान। उनलाइ सदासर्वदा महिमा होउ। आमेन।

२ तिमोथी 4:18 ပူးပေါင်းရင်းမြစ်များ

लूका 11:4

हामरा पाप छिमा अरिदिय। क्‍यालाइकि हामलइ हामरा बिरुद्‌मि पाप अद्‌यालाइ छिमा अद्‌दाउ। हामुलाइ परिछ्‍यामि पड् जनदिया।”

लूका 12:32

इसुले भुन्‍यो, “नानो बगाल, जनडरा! क्‍यालाइकि तमुलाइ राज्‍य दिनाइलाइ तमरा परमेस्‍वर पिता खुसि छन्।

लूका 22:29

जसेरि मेरा बाले मुलाइ एक राज्‍य अधिकार अद्‌द दियो, मु लइ तमुलाइ अधिकार दिनउ।

१ थेसलोनिकि 5:23

सान्‍ति दिन्‍या परमेस्‍वर आफुइले तमुलाइ पुरा रुपले पबित्‍तर राखउन्‌। हामरा प्रभु इसु ख्रिस्‍ट नआउन्‍ज्‍यासम्‍म तमरो आत्‍मा, परान रे सरिल निर्दोस हउ।

२ थेसलोनिकि 3:3

तर प्रभु त बिस्‍वासयोग्‍य छन्। उनुले तमुलाइ इस्‍तिर अराउन्‍या छन् रे दुस्‍टबटहइ सुरछित राख्‍द्‍या छन्।

१ तिमोथी 1:17

युग युगका राजा, अबिनासि रे नधेकिन्‍या एक मात्‍तरइ परमेस्‍वरलाइ आदर रे महिमा सदाइँलाइ होइरउ। आमेन

१ तिमोथी 6:16

उनुइमि मात्‍तरइ अमरत्‍व छ, रे उनु तइ ज्‍योतिमि बास अद्‍दाछन्‌, तइ ज्‍योतिका नजिक कोइ जान सक्‍दइन। उनुलाइ कसइ मान्‍सले कभइ धेक्‍या आथिन्‌ न धेक्‍द सकन्‍छ। सदाइँलाइ रन्‍या सक्‍ति रे आदर उनुइमि रउ। आमेन।

२ तिमोथी 1:12

तबइलाइ मु यिनु कुरामि दुःख भोग्‍दा छु। तर मुलाइ यइ कुरामि लाज लाग्‍दइन्‌ क्‍यालाइकि मुइले कइमि बिस्‍वास राख्‍या छु, त्‍यो मुलाइ था छ। परमेस्‍वरले मेरा जिम्‍मामि लाया कुरालाइ उनइले तइ दिनसम्‍मखिलाइ जोगाइ राख्‍द्‍या छन्। यइमि मु ढुक्‍क छु।

२ तिमोथी 4:1

जिउना रे मर्‍याहुन्‍याको इन्‍साप अद्‍द आउन्‍या ख्रिस्‍ट इसु रे परमेस्‍वरका अगाडि, उनरो आउन्‍या दिन रे राज्‍यलाइ ध्‍यानमि राखिबर मु तुलाइ कडा आग्‍या दिनउ,