२ तिमोथी 2:25 - डोटेलि

²⁵ रे आफना बिरोदिलाइ नम्रतासित सम्‍जाउन सक्‍द्‍दया हुनपणन्‍छ, रे सायद परमेस्‍वरले तिनुलाइ पस्‍साताप अरि सत्‍यतालाइ बुज्‍ज सक्‍द्‍या मन दिन्‍या छन्।

डोटेली नयाँ करार

²⁵ हामसित असहमत हुन्यालाइ नम्र भइबर सत्य सन्देश भणनु पणन्छ, सैतानले यिन मान्सनलाइ पासामी पण्या छ रे आफनो भण्या अद्द्या बनाया छ। सायद परमेश्वरले तिननलाइ आफनो मन बद्दलाइ रे ख्रीष्टका बारेमि सत्य जाणनाइलाइ सहयोग अद्द्या हुन,

२ तिमोथी 2:25 ပူးပေါင်းရင်းမြစ်များ

मर्कुस 1:15

उनुले भुन्‍यो, “समय पुरा भया छ, रे परमेस्‍वरको राज्‍य नजिकइ आइरइ छ! पस्‍साताप अर रे असल रइबारमि बिस्‍वास अर।”

प्रेरित 11:18

यो कुरा सुण्‍यापाछा प्रभुमि बिस्‍वास अद्‌द्‌या यहुदि दाइभाइनले पत्‍रुसलाइ दोस्‍याउन छाड्‍यो रे “आब त परमेस्‍वरले अउरजातिनलाइ उनुनका पापबटहइ पस्‍साताप अद्‍द रे जिबन पाउनाइलाइ बोलायारइछन” भनिबर परमेस्‍वरको प्रसम्‍सा अर्‍यो।

प्रेरित 2:38

“पत्‍रुसले तिनुनलाइ भन्‍यो, तमु सप्‍पइले पाप छिमापाउनाइलाइ पस्‍याताप अरिबर इसु ख्रिस्‍टका नाउँमि बप्‍तिस्‍मा लिय, रे तमुले पबित्‍तर आत्‍माको बर्दान पाउन्‍या छउ।

प्रेरित 20:21

यहुदिनलाइ रे ग्रिकनलाइ पस्‍साताप अरिबर परमेस्‍वरतिर फर्किय रे हामरा प्रभु इसु ख्रिस्‍टमि बिस्‍वास अर भन्‍न्‍या कुराको प्रचार मुइले अर्‍या छु।

प्रेरित 5:21

यो सुण्‍यापाछा तिनुन भोलिबार ब्‍याहानइ मन्‍धिरमि गइबर मान्‍सनलाइ सिछ्‍या दिन लाग्‍या। इसइ बिचमि ठुला पुजारि रे तिनुनसित हुन्‍यान सङइ आया, रे इज्राएलिनका माहासभाका सप्‍इ अगुवानलाइ बोलायो। तइपाछा प्रेरितनलाइ झेलखानाबटहइ ल्‍याउनाइलाइ सिपाइनलाइ पठायो।

प्रेरित 5:31

इज्राएलिनले पस्‍साताप अरि पापबटहइ छिमा पाउन्‌ भनिबर परमेस्‍वरले इसुलाइ मुक्‍ति दिन्‍या राजा बनाइबर आफना दाइनतिर आदरका ठउँर बसायो।

प्रेरित 8:22

तबइलाइ तेरो आफनो यो दुस्‍टबिचार छाड, रे परमेस्‍वरमि प्रार्थना अर, सायद परमेस्‍वरले तेरो यसो बिचार छिमा अरन्‍ना।

१ तिमोथी 2:4

सप्‍पइ मान्‍सले मुक्‍ति पाउन्‌ रे तिनु सत्‍यका ग्‍यानमि आउन्‌ भन्‍न्‍या परमेस्‍वरको इछ्‍या हो।

१ तिमोथी 6:11

तर परमेस्‍वरको जन तिमोथि, यिनु फुचेरा कुराबटहइ अलगइ बस्‌, रे धार्मिकता, परमेस्‍वर प्रतिको भक्‍ति, बिस्‍वास, पिरिम, स्‍थिरता रे नम्रताको लछ्‍य राख्‌।

२ तिमोथी 3:7

तिनु स्‍वाइनि मान्‍स सिक्‍द त दिन्‍दिनइँ सिकन्‍छिन्‌, तर सत्‍यका ग्‍यानमि कभइ आउनिनन्‌।

तितस 1:1

परमेस्‍वरको दास रे ख्रिस्‍ट इसुको प्रेरित मु पावलकातर्फबटहइ यो चिट्‌ठि लेख्‍दाछु। परमेस्‍वरले मुलाइ छान्‍यो रे उनरा चुनियाको बिस्‍वास बलियो बनाउनाइलाइ रे परमेस्‍वरलाइ मन पड्‍या जिबनसित मिल्‍ल्‍या सत्‍यको ग्‍यानतिर तिनुलाइ डोर्‍याउनाइलाइ मु खटाया हुँ।

तितस 3:2

तिनुले कसइको लइ बिरोद जनअरुन, झइ-झगडाबटहइ अलग बसुन, तर सप्‍पइ मान्‍ससित नम्रताको ब्‍यबहार अरुन्‌।