२ तिमोथी 2:18 - डोटेलि

¹⁸ तिनुले सत्‍यलाइ छाड्‍या छन्। मर्‍याबटहइ जिउना हुन्‍या कुरा त अगाडिबटहइ भइसक्‍या छ, भुन्‍न्‍या सिछ्‍या दिबर कति जनाको बिस्‍वासलाइ खलबलाइदिया छन्‌।

डोटेली नयाँ करार

¹⁸ तिन दुइ मान्सनले सत्यमी बिश्वास अद्द छाड्या छन। तिनन भण्नाहान कि परमेश्वरले पइल्ली मर्या बिश्वासिनलाइ अनन्त जीवनकिलाइ मर्या बठेइ जिउना बनाइ सक्या छन। परिणाम स्वरुप, तिननले केइ बिश्वासिनलाइ बिश्वास बठेइ टाडा लइया छन।

२ तिमोथी 2:18 ပူးပေါင်းရင်းမြစ်များ

लूका 8:13

ढुङेनि जमिनमि पड्‌या बि ले बुझाउन्‍छ कि तिनुन परमेस्‍वरको बचन सुनिबर खुसि होइबर लिनाहान्‌ रे त्‍यो बचन निकेरि मनइनि राख्‍द् सक्‍दाइन्‌। तसो भया हुनतक तिनुनको बिस्‍वास केइ दिनकि निउति हुन्‍छ रे दुःख आउनज्‍या तिनुनको बिस्‍वास हराइबर जान्‍छ।

प्रेरित 5:39

तर यो काम परमेस्‍वरबटहइ हो भन्‍या, तमुले यइलाइ रोक्‍द सक्‍दानु, नति तमु परमेस्‍वरका बिरुद्‍दमि उठ्‍या हुन्‍या छउ।”

१ तिमोथी 1:19

तइबेला तुइले आफनो बिस्‍वास रे असल बिबेकलाइ बचाइराखेइ। कसइ कसइले आफना बिबेकले भन्‍या नमानिबर कति जना बिस्‍वासबटहइ पतन भया छन्।

१ तिमोथी 6:10

क्‍यालाइकि रुप्‍यापइसाइको मोह सप्‍पइ किसिमका खराबिको जड हो। पइसाका लोबमि पडिबर कोइ कोइ बिस्‍वासबटहइ कुमार्गतिर लाग्‍या छन्। रे भउत दुःख रे पिडले तिनरा मन छियाछिया भया छन्।

१ तिमोथी 6:21

क्‍यालाइकि कति जना यसा कुरामि लागिबर बिस्‍वासबटहइ पाछा हट्‍याछन्‌ तमु सप्‍पइसित परमेस्‍वरको अनुग्रह रइरउ।

२ तिमोथी 2:14

यो कुरा तु मण्‍डलिका मान्‍सलाइ सम्‍जाइ दे, रे परमेस्‍वरका नाउमि आग्‍या दे, कि तिनुले सब्‍दमि बादबिबाद जनअरुन। जइले भलाइ अद्‍दइन्‌, तर सुन्‍या मान्‍सलाइ बिगाणन्‍छ।

तितस 1:11

तिनरो मुख बन्‍द अद्‍दइ पडन्‍छ, क्‍यालाइकि आफनो निजि स्‍वार्थबटहइ पइसा कमाउनाइलाइ तिनुले सिकाउनइ नहुन्‍या कुरा सिकाइबर सप्‍पइ मउकपिलामि भाणभइलो मच्‍चाइराइछन्‌।