२ तिमोथी 2:16 - डोटेलि

¹⁶ तु भन्‍या काम बिनाका कुराबटहइ अलगइ बस। क्‍यालाइकि यइले त मान्‍सलाइ परमेस्‍वरबटहइ झिग बर्ता अधर्मिकतातिर लइजान्‍छ।

डोटेली नयाँ करार

¹⁶ परमेश्वरलाइ श्रद्धा नधेकाउन्या रे मुल्यहिन कुरणीलाइ जन सुण। क्याकि इसा कुरणीले मान्सनलाइ परमेश्वर बठेइ टाडा अरन्छ।

२ तिमोथी 2:16 ပူးပေါင်းရင်းမြစ်များ

१ तिमोथी 1:9

रे हामु यो लइ जान्‍नाउ कि ब्‍यबस्‍था त निका मान्‍सकि निउति हइन, तर ब्‍यबस्‍था भङ अद्‌द्‌याहुन्‍या रे अनाग्‍याकारिकि निउति, अधर्मि, पापि, अपबित्‍तर, असुद्‍द, इजा-बालाइ माद्‍दयाकि निउति, हत्‍याराकि निउति,

१ तिमोथी 4:7

परमेस्‍वरलाइ आदर नअद्‍या रे अर्थनहिन कथाबटहइ एकदम अलगइ बस बरु परमेस्‍वरलाइ भक्‍ति अद्‌द्‌या जिबन जिउन्‍या बिसयमि तालिम दे।

१ तिमोथी 6:20

तिमोथि, परमेस्‍वरले तुलाइ ज्‍या दिराइछ, त्‍यो सुरछित राख्‌। कतिपइ मान्‍सले सन्‍सारका मुर्ख कुरा रे ग्‍यान भनिमानिबर मान्‍या झुटा कुराबटहइ अलग होय।

२ तिमोथी 2:14

यो कुरा तु मण्‍डलिका मान्‍सलाइ सम्‍जाइ दे, रे परमेस्‍वरका नाउमि आग्‍या दे, कि तिनुले सब्‍दमि बादबिबाद जनअरुन। जइले भलाइ अद्‍दइन्‌, तर सुन्‍या मान्‍सलाइ बिगाणन्‍छ।

२ तिमोथी 2:21

कसइले खराब कुराबटहइ आफुलाइ सुद्‍द पाण्‍यो भुन्‍या त्‍यो आदरका कामकि निउति काम लाग्‍द्‍या भाणो जसोइ हुन्‍या छ, रे घरका मालिककि निउति काम लाग्‍द्‍या रे असल कामकि निउति तयार रन्‍या छ।

२ तिमोथी 3:13

तर दुस्‍ट रे ठग मान्‍स त अर्कालाइ ठग्‍दउ भन्‍ना भन्‍नाइ आफुइ ठगिनाछन्‌ रे तिनु झिग झिग बिगड्‍इ जानाछन्‌।

तितस 1:11

तिनरो मुख बन्‍द अद्‍दइ पडन्‍छ, क्‍यालाइकि आफनो निजि स्‍वार्थबटहइ पइसा कमाउनाइलाइ तिनुले सिकाउनइ नहुन्‍या कुरा सिकाइबर सप्‍पइ मउकपिलामि भाणभइलो मच्‍चाइराइछन्‌।

तितस 1:14

आब यहुदिका बनावटि कथा रे सत्‍यलाइ नमान्‍या मान्‍सका आग्‍यालाइ जनमानेइ।

तितस 3:9

तर बिना कामका छलफल, रे बंसाबलि, फुट रे ब्‍यबस्‍थाका बिसयमि भया झइ झगडाबटहइ अलग बस। क्‍यालाइकि तिनु कुरा बिना कामका रे खालिसारा हुन्‌।