२ थेसलोनिकि 3:6 - डोटेलि

⁶ भाइबिना हो, हामरा प्रभु इसु ख्रिस्‍टका नाउँमि हामु तमुलाइ आग्‍या दिनाउ, कि हामुबटहइ तमुले पाया सिछ्‍यामि नचल्‍या हरेक अल्‍छि भाइबिनाबटहइ अलग बस।

डोटेली नयाँ करार

⁶ बिश्वासि भाइन हो, प्रभु येशू ख्रीष्टले हामलाइ दियाको अधिकार बठेइ आज्ञा दिनाउ कि आफ्ना बिश्वासि भाइ बइनि बठेइ टाडा बस जइले अल्छी अरन्छ रे जइले हामले दिया माणनाइन।

२ थेसलोनिकि 3:6 ပူးပေါင်းရင်းမြစ်များ

१ थेसलोनिकि 4:1

अन्‍त्‍यमि मेरा भाइबिना हो, प्रभु इसुमि हामु तमुलाइ बिन्‍ति अरि अर्ति दिनाउ कि तमुले कसेरि जिउनु पड्‍डछ रे परमेस्‍वरलाइ खुसि पाड्‍डु पड्‍ड छ भन्‍न्‍या तमुले सिक्‍या छउ रे तसो अद्‍द लइ लाछउ, तसइमि तमु अजइ बड्‍डइ जाय।

१ थेसलोनिकि 4:11

हामुले तमुलाइ भन्‍या जसेरि सान्‍तिमि जिबन जिउनाइलाइ तमरो जिबनको लछ्‍य बना। आफना आफनाइ काममि ध्‍यान दिय रे आफना हातले काम अर।

१ थेसलोनिकि 5:14

भाइबिना हो, हामु तमुलाइ अर्ति दिनाउ कि अल्‍छि मान्‍सलाइ चेतावनि दिय, हरेस खान्‍यालाइ दिलासा दिय, कमजोरलाइ साहेता अर, रे तिनु सप्‍पइ मान्‍ससित सहनसिलता धेकाय।

२ थेसलोनिकि 2:15

तबइलाइ भाइबिना हो, तमुले बिस्‍वास अर्‍या कुरामि बलिया भइबर बस, रे हामुले भुन्‍या रे लेख्‍या सत्‍य सिछ्‍या तमुले निकेरि मान।

२ थेसलोनिकि 3:7

क्‍यालाइकि हामु तमुसित हुनतग अल्‍छि अरिबर बसेइन्‌। हामुले अर्‍या जसेरि तमुले लइ काम अद्‍दु पड्‍डछ भुन्‍न्‍या कुरा त तमुलाइ थाइ छ।

१ तिमोथी 5:21

मु तुलाइ परमेस्‍वर, इसु ख्रिस्‍ट रे चुनिया स्‍वर्गदुतका अगाडि यो सिछ्‍या मान्‍नाइलाइ कडा आग्‍या दिनउ, कि भेदभाब बिना यिनु नियम पालन अर्‌। पछ्‍यपात अरिबर केइ लइ काम जनअरइ।

१ तिमोथी 6:5

यसा मान्‍सले बुद्‍दि भ्रस्‍ट भया रे सत्‍यबटहइ अलग भया मान्‍सका बिचमि झगडा उत्‍पन्‍न अद्‍दाछन्‌, रे परमेस्‍वरको भक्‍तिलाइ फइदा उठाउन्‍या उपाय हो भनि तिनु सोच्‍चाछन्‌।

२ तिमोथी 3:5

तिनुले परमेस्‍वरको भक्‍ति अर्‍या जसो त अद्‍दाछन्‌, तर तइका सक्‍तिलाइ इन्‍कार अद्‍दाछन्‌। यसा मान्‍सबटहइ अलगइ बस्‌।

२ तिमोथी 4:1

जिउना रे मर्‍याहुन्‍याको इन्‍साप अद्‍द आउन्‍या ख्रिस्‍ट इसु रे परमेस्‍वरका अगाडि, उनरो आउन्‍या दिन रे राज्‍यलाइ ध्‍यानमि राखिबर मु तुलाइ कडा आग्‍या दिनउ,