१ तिमोथी 6:18 - डोटेलि

¹⁸ तिनुले असल काम अरुन, रे असल काममि धनि, उदार-चित्‍तका रे दानि हउन्‌।

डोटेली नयाँ करार

¹⁸ तिननलाइ निका काम अद्दाइलाइ, रे खाचोमी भयालाइ उदारतासित दिनाइ, रे बिना करकाप आफसित भया चिज बाणनाइ निउति भण।

१ तिमोथी 6:18 ပူးပေါင်းရင်းမြစ်များ

लूका 12:21

आफनि निउति धनसम्‍पति थुपाड्‍या, रे परमेस्‍वरका नजरमि धनि नहुन्‍या मान्‍सको अवस्‍था यसोइ हुन्‍छ।’”

लूका 3:11

तनले उनुनलाइ जवाफ दियो, “दुइ लत्‍ता हुन्‍याले एक नहुन्‍यालाइ दिय, तसेरि खान्‍या कुरालइ नहुन्‍यालाइ दिय।”

प्रेरित 10:38

परमेस्‍वरले नासरतका इसुलाइ पबित्‍तर आत्‍मा रे सक्‍तिले अबिसेक अर्‍यो, कि कसेरि उनुले भलाइको काम अद्‍दाइ भुत लाग्‍यालाइ निको पाड्‍डाइ सप्‍पइ ठउँरतिर गया। क्‍यालाइकि परमेस्‍वर उनसित थ्‍या।

प्रेरित 11:29

तबइ सिस्‍यान हरेकले आफना आफना छेमताअन्‍सार यहुदियामि बस्‍या दाइभाइनकि निउति साहेता पठाउन्‍या निस्‍सय अर्‍यो।

प्रेरित 9:36

योप्‍पा सहरमि तबिता भन्‍नेइ एक जनि प्रभुमि बिस्‍वास अद्‍देइ स्‍वानि थिन्‌। ग्रिक भासामि तनलाइ डोरकास भणिन्‍थ्‍यो। तइको अर्थ हरिणि हो। तन जन्‍ज्‍यालइ अउरको भलाइ अरन्‍थिन्‌ रे गरिबनलाइ साहेता अरन्थिन्‌।

१ तिमोथी 5:10

तिनु निका काम अर्‍याकि, चेला-चलिलाइ हुर्कायकि, प्रदेसिको स्‍वागत सत्‍कार अर्‍याकि, ख्रिस्‍टका पबित्‍तर जनका खुट्‍टा धोइबर सेबा अर्‍याकि, दुःखमि पड्‍यालाइ साहेता अर्‍याकि, रे यसाइ निका काममि ध्‍यान दिएइ हुन्‌ पड्न्‍छ।

तितस 2:14

इसु ख्रिस्‍टले हामुलाइ सप्‍पइ किसमका पापबटहइ छुट्‍कारा दिनाइलाइ आफनो जिबन दियो। उनुले हामुलाइ पबित्‍तर पाड्‍डाइलाइ आफनो बनायो रे असल काम अद्‌द्‌या रे जोसिला बनायो।

तितस 3:8

यो कुरा साँच्‍चि हो। परमेस्‍वरमि बिस्‍वास अद्‌द्‌या जतिले असल काम अद्‍द ध्‍यान दिय भुनि तुइले जोड दिबर सिकाया मु चाहानउ, क्‍यालाइकि यिनु असल कुरा हामरा मान्‍सलाइ फाइदा दिन्‍या कुरा हुन्‌।