१ थेसलोनिकि 5:12 - डोटेलि

¹² भाइबिना हो हामु तमुलाइ बिन्‍ति अद्‍दाछउ, तमरा बिचमि भउतइ दुःख अद्‌द्‌या, रे सिछ्‍या दिन्‍या अगुवालाइ आदर अर।

डोटेली नयाँ करार

¹² बिश्वासि भाइन हो, हाम तमनलाइ बिन्ति अद्दाउ कि प्रभुमि तमरा अगुवालाइ आदर अर, जो तमरा बिचमि कडा परिश्रम अद्याहान, रे जइले तमनलाइ आत्मिक कुरणीमि सल्लाह दिनाहान।

१ थेसलोनिकि 5:12 ပူးပေါင်းရင်းမြစ်များ

लूका 10:7

तिनले दिया खान्‍या कुरा खाइबर तसइ घरमि बस्‌। क्‍यालाइकि खेतालाले आफ्नो ध्‍याडि पाउनइ पडन्‍छ। घर घरमि नपसिबर हिट।

प्रेरित 20:28

आब तमु आफनि निउति रे आफना बिस्‍वासिन कि निउति सचेत होइबर बस, पबित्‍तर आत्‍माले तमुलाइ बिस्‍वासिनको जिम्‍मावाला बनाया हुनाले उनुले आफनाइ रगतले किन्‍या परमेस्‍वरका मण्‍डलिको हेरबिचार तमुले अर।

प्रेरित 20:35

इसेरि ‘लिन्‍या भन्‍ना दिन्‍या धन्‍य हुन्‌’ भनिबर प्रभु इसु आफुइले भुण्‍या कुरालाइ सम्जिबर कमजोरि मान्‍सनको हेरचाह अद्‍द सक्‍यासम्‍म परिस्रमसित काम अद्‍दुपणन्‍छ भनि मुइले सप्‍पइ कुरडिमि धेकाया छु।”

१ थेसलोनिकि 2:9

मेरा प्‍यारा भाइबिना हो, तमुलाइ यादइ छ, कि परमेस्‍वरको असल रइबार सुनाउन्‍याबेला लइ हामुले कसइलाइ भार नपणउ भनिबर आफनि निउति दिनरात मरिमेटि काम अर्‍याउँ।

१ थेसलोनिकि 4:1

अन्‍त्‍यमि मेरा भाइबिना हो, प्रभु इसुमि हामु तमुलाइ बिन्‍ति अरि अर्ति दिनाउ कि तमुले कसेरि जिउनु पड्‍डछ रे परमेस्‍वरलाइ खुसि पाड्‍डु पड्‍ड छ भन्‍न्‍या तमुले सिक्‍या छउ रे तसो अद्‍द लइ लाछउ, तसइमि तमु अजइ बड्‍डइ जाय।

१ थेसलोनिकि 5:14

भाइबिना हो, हामु तमुलाइ अर्ति दिनाउ कि अल्‍छि मान्‍सलाइ चेतावनि दिय, हरेस खान्‍यालाइ दिलासा दिय, कमजोरलाइ साहेता अर, रे तिनु सप्‍पइ मान्‍ससित सहनसिलता धेकाय।

१ तिमोथी 5:1

बुडापाका मान्‍सलाइ जनहप्‍का, तर तिनुलाइ आफनाइ बाकि जसेरि आदर अरिबर सल्‍लाह दे। रे तु भुन्‍ना नानालाइ भाइका जसोइ ब्‍यबहार अर।

१ तिमोथी 5:20

पाप अरिरन्‍या एल्‍डरलाइ सप्‍पइका अगाडि हप्‍का, रे यसेरि अउर लइ डराउन्‍या छन्।

२ तिमोथी 2:6

जइ किसानले मिहिनत अरिबर आफनो खेति लाउछ, बालिको पइलो फल उसइले पाउछ।

तितस 1:3

पइ ठिक समयमि उनुले आफनो बचन धेकायो। जो बचन सुनाउनाइलाइ हामुलाइ मुक्‍ति दिन्‍या परमेस्‍वरका आग्‍याबटहइ मुलाइ जिम्‍मा दियाछन्।

तितस 1:5

ताँ बाकि रया काम पुरा अद्‍दाइलाइ मुइले तुलाइ क्रेटमि छाड्‍या हुँ। तबइलाइ मुइले भुन्‍या जसेरि तुइले सप्‍पइ सहरमि एल्‍डर निउक्‍ति अद्‍दु।

तितस 2:15

तुइले यिनु कुराको सिछ्‍या दिन्‍याबेला पुरा अधिकारसहित अर्ति-उपदेस दे रे हप्‍का। कसइले लइ तुलाइ हेला अद्‍द जनपाउ।