१ थेसलोनिकि 4:11 - डोटेलि

¹¹ हामुले तमुलाइ भन्‍या जसेरि सान्‍तिमि जिबन जिउनाइलाइ तमरो जिबनको लछ्‍य बना। आफना आफनाइ काममि ध्‍यान दिय रे आफना हातले काम अर।

डोटेली नयाँ करार

¹¹ हामले तमनलाइ आज्ञा दिया जसेरि तमन सान्ति सित जीवन बिता, रे और मान्सनका काममी हस्तक्षेप जन अर आफ्नि खाचोकी निउति आफइ काम अर।

१ थेसलोनिकि 4:11 ပူးပေါင်းရင်းမြစ်များ

मर्कुस 13:34

यो त मालिकले आफना नउकरलाइ घरका प्रत्‍येक कामको जिम्‍मा दिबर पाल्‍यालाइ जागा बस्‌ भनि आग्‍या दिबर प्रदेस लाग्‍या जसो हो।

प्रेरित 18:3

तिनुनले पाल बनाउन्‍या काम अरिबर गुजारा चलाउथ्‍या, रे एकइ जसो काम भया हुनाले पावल लइ तिनुनसित बस्‍या, क्‍यालाइकि तिनुनले लइ पाल बनाउन्‍या काम अरिबर गुजारा चलाउथ्‍या।

प्रेरित 20:35

इसेरि ‘लिन्‍या भन्‍ना दिन्‍या धन्‍य हुन्‌’ भनिबर प्रभु इसु आफुइले भुण्‍या कुरालाइ सम्जिबर कमजोरि मान्‍सनको हेरचाह अद्‍द सक्‍यासम्‍म परिस्रमसित काम अद्‍दुपणन्‍छ भनि मुइले सप्‍पइ कुरडिमि धेकाया छु।”

१ तिमोथी 2:2

राजा रे सप्‍पइ उच्‍चा पदमि भया मान्‍सकि निउति लइ प्रार्थना अद्‌द्‌या अर। तसो भयो भन्‍या हामु निर्धक्‍क रे सान्‍तिसित धार्मिक रे आदरको जिबन जिउन सक्‍दाउ।

१ तिमोथी 5:13

रे ज्‍वान बिधुवा त अउर मान्‍सका घरघरइ डुल्‍लेइ बानि होइबर बेकामइ हुन्‍छिन्‌। तति मात्‍तरइ हइन, कुराउटेइ, अउरका काममि हात हाल्‍लेइ, बोल्‍ल नहुन्‍या कुरा बोल्‍लेइ हुन्‍छिन्‌।

तितस 3:14

हामरा मान्‍स निका काम अद्‍दामि आफना समय बिताउन्‌, ताकि जरुणि रे खाँचो पणिआया खन्‍डमि तिनुले साहेता दिन सकुन्‌, रे तिनु तत्‍तिकइमि जिबन जनबिताउँन्‌।