१ थेसलोनिकि 1:5 - डोटेलि

⁵ क्‍यालाइकि हामुले सुनाया असल रइबार बेकारको थेइन, तर पबित्‍तर आत्‍मामि रे सक्‍तिसित सुनाइया एकदमइ साँचो कुरा थ्‍यो। हामु तमुसित हुन्‍याबेला तमरि निउति हामरो जिबन कसो थ्‍यो भन्‍न्‍या कुरा तमुले निकेरि जान्‍या छउँ।

डोटेली नयाँ करार

⁵ क्याकि येशू ख्रीष्टको बारेमि हामरो सुसमाचार तमरा वाँ बलिमि मान्त्तर आएन तर पबित्र आत्माको सक्तिमि रे यो सत्य हो भणबर पुरा निश्चयता सित आया छ। तमन जाणन्छौ कि तमरा फाइदाकिलाइ तमनसित छनज्या हाम कसेरी बस्याथ्या।

१ थेसलोनिकि 1:5 ပူးပေါင်းရင်းမြစ်များ

मर्कुस 16:20

पइ तिनु सिस्‍या गइबर सप्‍पइ ठउँर प्रचार अर्‍यो। प्रभु तिनुसित होइबर काम अद्‍दइ रया, रे अचम्‍मका चिन्‍हबटहइ बचनलाइ सत्‍य पाड्‍यो।

लूका 1:1

माननिय थियोफिलस, हामरा बिचमि घटिबर पुरा भया घटनाका बिसयमि लेख्‍द्‌या काम भउतले अर्‍या छन्।

प्रेरित 11:21

प्रभुको सक्‍ति तिनुनसित भयाहुनाले बिस्‍वास अद्‌द्‌यान भउत प्रभुमि आया।

प्रेरित 16:14

रे थिआटिरा सहरमि बस्‍सेइ बइजनि लत्‍ताको ब्‍यापार अद्‍देइ लिडिया नाउँकि एक इस्‍वरभक्‍त स्‍वाइनिले हामरो कुरा सुण्‍यो। पावलले बोल्‍या कुरा ध्‍यानसित सुणुन्‌ भनिबर प्रभुले तिनरो ह्रिदय खोलिदियो।

प्रेरित 2:33

परमेस्‍वरले इसुलाइ उच्‍च पाणिबर आफना दाइन हाततिर राख्‍यो रे आफना प्रतिग्‍या अन्‍सार उनलाइ पबित्‍तर आत्मा दियो। तेइ पबित्‍तर आत्‍मा प्रभु इसुले अइल हाम्‍मि खणेया हो, जो कुरा तमले अइल धेक्‍दा छउ रे सुन्‍ना छउ।

१ थेसलोनिकि 2:13

हामुले तमुलाइ परमेस्‍वरको बचन सुनाउन्‍या बेला तमुले त्‍यो बचन मान्‍सले जसेरि होइन्‌ तर यो बास्‍तबमि परमेस्‍वरइको बचन हो भनिबर ग्रहण अर्‍या। तइ बचनले तमु बिस्‍वास अद्‌द्‌याका जिबनमि काम अद्‍दा छ। यइकि निउति हामु परमेस्‍वरलाइ सदाइँ धन्‍यवाद दिनाउ।

२ थेसलोनिकि 2:14

हामुले तमुलाइ असल रइबार सुनाउन्‍याबेला परमेस्‍वरले तमुलाइ मुक्‍तिकि निउति बोलायो। आब तमु हामरा प्रभु इसु ख्रिस्‍टका महिमामि सहभागि हुन्‌ सकन्‍छउ।

२ तिमोथी 2:10

तबइलाइ चुनियाहुन्‍याका खातिर मु हरेक कुरा सहनउ, ताकि तिनुले लइ अनन्‍त महिमासित ख्रिस्‍ट इसुमि भया मुक्‍ति पाउन सकुन्‌।

२ तिमोथी 2:8

इसु ख्रिस्‍टलाइ सम्‍जिराख, उनु मर्‍याबटहइ जिउना भया हुन्‌। उनु दाउद बन्‍सका हुन्‌ मुइले प्रचार अर्‍या असल रइबार यइ हो।