प्रकाशितवाक्य 7:9 - डोगरी नवां नियम

⁹ एस दे बाद आऊँ दृष्टि कित्ती, ते दिखीं, अर एक जाती ते कुल ते लोग ते पाषा बिचा एक ऐसी बड़ी पीड, जिसी कोई गिनी नेई सकदा हा, सफेद कपड़े लाए दे ते अपने हत्थें च खजूर दी टालियां लेते दे संहासन दे समुक ते मेम्ने दे समुक खड़ोती ऐ,

प्रकाशितवाक्य 7:9 ပူးပေါင်းရင်းမြစ်များ

लूका 12:1

इन्नें च जेलै जारें दी पीड लगी गेई, इत्थैं तकर के ओ एक दुए गी दबोची दिंदे हे, तां यीशु सारे कोलां पैलैं अपने चेलें गी गलान लगा, “फरीसियें दे कपटरूपी खमीर कोलां चकने रवो।

लूका 21:36

एसकरी बिजे दे रवो ते अर बेलै प्रार्थना करदे रवो के तोस इनें सारी औने आली कटने आली गल्लें कोलां बचने, ते मनुक्ख दे पुत्तर दे सामने खड़ोने दे काबल बनो।”

यूहन्ना 12:13

लोकें खजूर दियां डालियाँ लेतीयां, ते ओदे कन्ने मिलने गी निकले, ते पकारन लगे, “होशाना! तन्न ऐ इस्राएल दा राजा, जेड़ा प्रभु दे नां च ओंदा ऐ,

रोमियो 11:25

ए गैर यहूदी विश्वासी प्राओ, कूदें ऐसा नेई उवै, के तोस अपने आप गी बुद्धिमान समझी लियो; एसकरी आऊँ नेई चानां के तोस एस पेद थमां अनजांन रवो, के जदू तकर दुई जातीयां मसीह च औने तकर पूरे तरीके कन्ने दाखल नेई ओगन, अतुं तकर इस्राएल दा एक ऐसा गै कठोर रौग।

इफिसियों 6:13

एस लेई परमेसर दे सारे थ्यार कस्सी लियो के तोस बुरे दिनें च उन्दा मकाबला करी सको, ते सब केछ पूरा करियै टिके दे रेई सको।

इब्रानियों 11:12

एस कारन एक गै जन कन्ने, जेड़ा मरने दे करीब हा, अम्बर दे तारें ते समुंद्र दे कंडै दी रेत आला लेखा अनगिनत वंश पैदा ओए।

इब्रानियों 12:22

लेकन तोस सिय्योन दे पाड़ दे कोल, ते जिंदे परमेसर दे शैर, सोर्ग देश यरूशलेम दे कोल ते लखां सोर्गदूत खुशीयां मनांदे न

प्रकाशितवाक्य 11:15

जेस ले सतमें दूत ने तुरी फुकी, ते सोर्ग बिच एस दे बारै च बड्डे बड्डे शब्द औंन लगे; “जगत दा राज साड़े प्रभु दा ते ओदे मसीह दा ओई गीया ऐ, ते ओ जूगे जूगे राज करग।”

प्रकाशितवाक्य 22:3

पी श्राप नेई ओग, ते परमेसर ते मेम्ने दा संहासन उस्स शैर च ओग ते ओदे दास उस्स दी सेवा करघंन।

प्रकाशितवाक्य 3:18

इसै आसतै आऊँ तुगी सल्लाह दिन्ना ऐ के अग्ग बिच ताए दा सुन्ना मेरे थमां मुलैं लै के तू सौखा ओई जाए, ते सफेद कपड़े लेई लै के लाईयै तुगी अपने नंगेपण दी शर्म नेई ओए, ते अपनी अखीयैं च लाने आसतै सुरमा लेई लै के तू दिखन लगे।

प्रकाशितवाक्य 4:4

उस्स संहासन दे चोने पासें चौबी संहासन न; ते इनें संहासने उपर चौबी प्राचीन सफेद कपड़े लाए दे बैठे न, ते उंदे सिरे उपर सुन्ने दे मुकट न।

प्रकाशितवाक्य 5:11

जेस ले आऊँ दिखया, ते उस्स संहासन ते ओनें लोगयें ते ओनें प्राचीनें दे चोने पासे मते सारे सोर्गदूत दा शब्द सुनया, जिंदी गिनती लखें दे करोड़ें दी हे,

प्रकाशितवाक्य 5:9

ओ ए नमां गाना लगे, “तू एस कताब दे लेने, ते एस दी मोरां खोलने दे काबल ऐ; किके तू करबान ओईयै अपने खून कन्ने अर एक कुल ते अर एक पाषा ते लोग ते जाती थमां परमेसर आसतै लोकें गी खरीदी लेता ऐ,

प्रकाशितवाक्य 6:11

उंदे बिचा अर एक गी सफेद कपड़ा दिता गीया, ते उंदे कन्ने गलाया गीया के ओर थोड़ी देर बसां करो, जेस ले तकर के थआड़े संगी दास ते प्रा जेड़े थआड़े जे वध ओनें आले न उंदी बी गिनती पूरी नी ओई लै।

प्रकाशितवाक्य 7:8

जबूलून दे गोत्र बिचा बारां हजार उप्पर, युसूफ दे गोत्र बिचा बारां हजार उप्पर, ते बिन्यामिन दे गोत्र बिचा बारां हजार उपर मोर दिती गई।