प्रकाशितवाक्य 4:1 - डोगरी नवां नियम

¹ इनें गल्लें दे बाद जेकी आऊँ दृष्टि कित्ती ते के दिखना ऐ के सोर्ग च एक दरबाजा खुले दा ऐ, ते जिसी आऊँ पैलैं तुरी दे जे शब्द कन्ने अपने कन्ने गल्लां करदे सुनया हा, उवै आखदा ऐ, “इत्थैं उपर आई जा; ते आऊँ ओ गल्लां तुगी दसगा, जिंदा इनें गल्लें थमां बाद पूरा ओना जरुरी ऐ।”

प्रकाशितवाक्य 4:1 ပူးပေါင်းရင်းမြစ်များ

मत्ती 3:16

ते यीशु पवित्रशनांन लेईयै चट पानीयें चा उपर आया, ते ओस आसतै अम्बर खुली गीया, ते ओसने परमेसर दी आत्मा गी कबूतर आला लेखा उतरदे ते अपने उपर ओदे दिखया।

मरकुस 1:10

ते जेसलै ओ पानी च निकलियै उपर आया तां फोरन ओसने सोर्ग गी खुलदे ते आत्मा गी कबूतर दे रूप च अपने उपर उतरदे दिखया।

लूका 3:21

ऐसा ओया के जेलै सारें लोकें पवित्रशनांन लेई लेत्ता, ते यीशु बी पवित्रशनांन लेईयै प्रार्थना करा दा हा, तां अम्बर खुली गीया।

यूहन्ना 16:13

लेकन जेलै ओ, मतबल सच्च दा आत्मा औग, तां ओ तुसेंगी सच दा रस्ता दसग, किके ओ अपने थमां नेई बोलग, लेकन जे केछ सुनग, उवै बोलग, ते औने आलियां गल्लां तुसेंगी दसग।

प्रेरितों के कम 10:11

ते ओसने दिखया, के अम्बर खुली गीया; ते एक बड़ी चादर, पांढे आला लेखा चौनी कोने थमां पकड़ीयै लटकी दी, तरती आली बखी उतरा करा दी ऐ।

प्रेरितों के कम 7:56

यीशु ने आखया, “दिखो, आंऊँ सोर्ग गी खुले दा, ते मनुक्ख दे पुत्तर गी परमेसर दी सज्जी बखी, ते खडोते दे दिखना ऐं।”

प्रकाशितवाक्य 1:10

आऊँ प्रभु दे धयारे आत्मा च आई गीया, ते अपने पिछें तुरी दी बड़ी बाज ए आखदे सुनया,

प्रकाशितवाक्य 1:12

ओस बेलै आऊँ उसै, जेहड़ा मेरे कन्ने बोला दा हा, दिखने आसतै अपना मुंह मोड़ेया; ते पिछें मुड़ीयै आऊँ सुन्ने दियां सत दीवटा दिखियां,

प्रकाशितवाक्य 1:19

इसै आसतै जेकीयां गल्लां तो दिखियां न ते जेकीयां गल्लां ओया करदीयां ते जेकीयां गल्लां एस थमां बाद ओनें आलियां न, ओनें सारें गी लिखी लै।”

प्रकाशितवाक्य 11:12

ओस बेलै उनेंगी सोर्ग थमां एक बड़ा शब्द सनोचेया, “इत्थैं उपर आओ!” ए सुनीयै ओ बदलै उपर सवार ओईयै अपने बैरीयें दे दिखदे दिखदे सोर्ग उपर चढ़ीगे।

प्रकाशितवाक्य 11:19

ओस बेलै परमेसर दा जेड़ा मंदर सोर्ग च ऐ ओ खोलया गीया, ते ओदे मंदर च उस्स दी बादा दा संदुख लबया; ते बिजलियां ते शब्द ते गर्जन ते पुंचाल ओए ते मते ओलै पे।

प्रकाशितवाक्य 16:17

सतमें सोर्गदूत ने अपना कटोरा अवा च डोली दित्ता, ते मंदर दे संहासन थमां ए बड़ा शब्द ओया, “ओई चुकया!”

प्रकाशितवाक्य 19:11

पी मन सोर्ग गी खुले दा दिखया, ते दिखना ऐं कि एक सफेद कोड़ा ऐ; ते उस्स उपर एक सवार ऐ, जेड़ा वश्वासयोग ते सच आखया जांदा ऐ; ते ओ तर्म कन्ने न्याय ते लड़ाई करदा ऐ।

प्रकाशितवाक्य 22:6

पी उस्स ने मिकी आखया, “ए गल्लां बश्वास जोगियां ते सच न। प्रभु ने, जेहड़ा औने पविखवक्ताऐं दी आत्मा दा परमेसर ऐ, अपने सोर्गदूत गी एस आसतै पेजया के अपने दासें गी ओ गल्लां, जिंदा जल्दी पूरा ओना जरुरी ऐ, दसे।”