प्रकाशितवाक्य 3:8 - डोगरी नवां नियम

⁸ आऊँ तेरे कम गी जानना ऐ; दिख, आऊँ तेरे समुक एक द्वार खोले दा ऐ, जिसी कोई बंद नेई करी सकदा; तेरी समर्थ थोड़ी जेई ते ऐ, तां बी तू मेरे वचन दा पालन कित्ता ऐ ते मेरे नां दा मना नेई कित्ता।

प्रकाशितवाक्य 3:8 ပူးပေါင်းရင်းမြစ်များ

लूका 12:9

लेकन जेड़ा मनुक्खें दे सामने मेरा एन्कार करग ओसदा परमेसर दे सोर्गदूतें सामने एन्कार कित्ता जाग।

यूहन्ना 15:20

जेड़ीयां गल्लां मैं थुआड़े कन्ने कित्तियां हां, दास अपने मालक कोलां बड़ा नेई ओंदा, इसी याद रखो। जेकर उनै मिगी सताया, तां तुसेंबी सतागन; जेकर उनै मेरी गल्ल मनी, तां थुआड़ी बी मनगन।

यूहन्ना 17:6

मैं तेरा नां उनै मनुक्खें च परकट कित्ता ऐ जिनेंगी तो दुनिया चा मिगी दिता ऐ। ओ तेरे हे, ते तो उनेंगी मिगी दिता ते उनै तेरे वचन गी मनी लिया ऐ।

प्रेरितों के कम 14:27

अन्ताकिया शैर च पूजियै उनै कलीसिया किटठी कित्ती ते सनाया के परमेसर ने उंदे थमां बड्डे-बड्डे कम कित्ते, ते दुई जातीयें आसतै विश्वास दा पेत्त खोली दिता।

1 कुरिन्थियों 16:9

किके मेरे आसतै उत्थें सेवा दा एक बड़ा ते फायदेमन्द सेवा करने दा मौका ऐ, आलां के वरोधी मते सारे न।

2 कुरिन्थियों 2:12

ते जेसलै आंऊँ मसीह दा शोभ समाचार, सनाने आसतै त्रोआस दे शैर च आया, ते प्रभु ने मेरे लेई एक मौका खोली दित्ता,

फिलिप्पियों 4:13

मसीह जेड़ा मिकी शक्ति दिन्दा ऐ ओस च आऊँ सारा केछ करी सकना ऐं।

कुलुस्सियों 4:3

ते एदे कन्ने गै साड़े लेई बी प्रार्थना करदे रवो, के परमेसर साड़े लेई वचन सुनाने दा ऐसा मौका दे, के अस मसीह दे ओस पेद दा बयान करी सकचै जेदे कारन आऊँ कैद च आं,

1 तीमुथियुस 5:8

लेकन जेकर कोई अपने रिश्तेदारें दी, ते खास करी अपने टब्बरै दा खयाल नेई करै, तां ओ विश्वास च मुकरी गीया ऐ, ते गैर विश्वासी कोलां बी पैड़ा बनी गीया ऐ।

2 तीमुथियुस 4:7

मैं मसीह दी सेवा च बड़ी मेंनत कित्ती दी ऐ, मिगी सौम्पी दी सेवा गी मैं पूरा करी दिते दा ऐ, मैं मांनदारी कन्ने शोभ समाचार प्रचार कित्ते दा ऐ।

यहूदा 1:4

केछ लोक जेड़े मसीह विश्वास दा दखावा करदे न, थुआड़ी कलीसिया च आई जुड़ी दे न, ओ परमेसर दा आदर नेई करदे ते सखांदे के पाप करने थमां बी परमेसर असेंगी माफ़ करदा ऐ, अस पाप परी दी जिंदड़ी जी सकनयां न, सेर्फ यीशु मसीह साड़ा मालक ते प्रभु ऐ, एस गल्ल दा ओ एन्कार करदे न, परमेसर ने पराने बेलै च ए पैलैं दा पवित्र शास्त्र च आखे गेदा ऐ, के ऐसे लोक ओस कोलां सजा पागन।

प्रकाशितवाक्य 2:13

आऊँ ए जानना ऐ के तू उत्थें रैना ऐ जिथें शतान दा सहासन ऐ; तू मेरे नां उपर टिके रैना ऐ, ते मेरे उपर बश्वास करने आसतै उनै धयारे बी पिछें नेई अटया जिंदे च मेरा बश्वास जोग गवाह अन्तिपास, थआड़े बिच उस्स जगह उपर मारी दिता जिथें शतान रौंदा ऐ।

प्रकाशितवाक्य 2:2

आऊँ तेरे कम, ते तेरी मेंनत, ते तेरे सबर गी जानना ऐ; ते एबी के तो बुरे लोकें गी दिखी नेई सकदा, ते जेड़े अपने आप गी प्रेरित आखदे न, ते ऐ नेईयै न, उनेंगी तू परखीयै चुट्ठा पाया।

प्रकाशितवाक्य 22:7

“दिख, आऊँ जल्दी औने आला ऐं! तन्न ऐ ओ, जेड़ा एस कताब दी पविखवाणी दी गल्लां मनदा ऐ।”

प्रकाशितवाक्य 3:1

“सरदीस दी कलीसिया दे दूत गी ए उक्म लिख, “जेसदे कोल परमेसर दी सत आत्मा ते सत तारे न, ओ ए आखदा ऐ के आऊँ तेरे कम्में गी जानना ऐ; तू जिंदा ते आखया जाना ऐ, लेकन ऐ मरे दा।

प्रकाशितवाक्य 3:10

तू मेरे सबर दे वचन गी थमे दा ऐ, इसै आसतै आऊँ बी तुगी परख दे उस्स बेलै बचाई रखगा जेड़े तरती उपर रैने आलें दे परखने आसतै दुनियां उपर औने आला ऐ।

प्रकाशितवाक्य 3:15

आऊँ तेरे कम्में गी जानना ऐं के तू नां गै ठंडा ऐ ते नां गर्म; पला ओंदा के तू ठंडा जां गर्म ओंदा।

प्रकाशितवाक्य 3:7

“फिलदिलफिया दे दूत गी ए लिख, “जेड़े पवित्र ते सच्चे न, ते जेहड़ा दाऊद दी चाबी रखदा ऐ, जेसदे खोले गी कोई बंद नेई करी सकदा ते बंद कित्ते दे कोई खोली नेई सकदा, ओ ए आखदा ऐ के