प्रकाशितवाक्य 20:2 - डोगरी नवां नियम

² उस्स ने उस्स अजगर, मतलब पराने सप्प गी, जेड़ा इबलीस ते शतान ऐ, पकड़ीयै इक जार साल आसतै बन्नी दिता,

प्रकाशितवाक्य 20:2 ပူးပေါင်းရင်းမြစ်များ

मत्ती 19:29

ते जेस कुसे न करें गी, जां प्राऊं, जां पैनें, जां प्पो, जां मां, जां बाल बच्चें गी, जां खेतरें गी मेरे नां आसतै शुड़ी दिते दा ऐ, उसी सौ गुणा मिलग, ते ओ मेशा दी जिंदड़ी दा आक्दार ओग।

मत्ती 8:29

ते उनै जोरें करलाईयै आखया, “ऐ परमेसर दे पुत्तर, साड़ा तेरे कन्ने के कम? के तू बेलै थमां पैलैं असेंगी दोख देने गी इत्त्थैं आएदा ऐ? (लूका 4:34)

मरकुस 4:15

जेड़े रस्ते दे कंडै दे न जिथें वचन राया जन्दा ऐ, ते जेसलै ओ सुनदे न, ते शतान तौला गै आईयै वचन गी जेड़ा उन्दे च राया गीया हा चुकी लेई जंदा ऐ।

मरकुस 5:7

ओनें उसी आखया, “ए अशोद्ध आत्मा, एस मनुक्ख चा निकली जा!” ते ओसने जोरियै करलाईयै आखया, “परमप्रधान परमेसर दे पुत्तर यीशु, मिगी तेरे कन्ने के कम ऐ? आऊँ तुगी पर्मेसरे दी कसम दिन्ना ऐं, मिगी कष्ट नेई दे!”

यूहन्ना 12:31

ऊन एस दुनिया दा न्याय ओंदा ऐ, ऊन एस दुनिया दा राज करने आला बार कढी दित्ता जाग।

यूहन्ना 16:11

ते न्याय दे बारै च एस लेई के दुनिया दा राजा दोषी मनया गीया ऐ।

रोमियो 16:20

शान्ति दा परमेसर शतान गी थुआड़े पैरें दे थल्लै तौला कुचली देग। साड़े प्रभु यीशु मसीह दी क्रपा थुआड़े उपर ओंदी रवै।

इब्रानियों 2:14

एस आसतै जेलै के बच्चे मास ते खून दे पागी न, ते ओ अप्पुं बी उन्दे आला लेखा उन्दे च शामल ओई गीया, तां जे मौत थमां उसी जिसी मौत उपर शक्ति मिली हे, मतलब शतान गी नकम्मा करी दे;

1 पतरस 5:8

चकने रवो, अते जागदे रवो; कीहके थुआड़ा विरोधी शतान गर्जनेआले सिंह दे लेखा एस खोज च रौंदा ऐ कि कुसे फाड़ी खाचै।

2 पतरस 2:4

कीहके जदू परमेसर ने ऊन सोर्गदूत गी जिन्ने पाप कित्ता नेईं छोड़ेया, लेकन नरक च पेजीयै नेरे कुण्डों च पाई ओड़या ताकि न्याय दे धयारे तकर बन्दी रेए;

यहूदा 1:6

तुसें सोर्गदूतें दी एस गल्ल उपर सोचना चाईदा जेड़े सोर्ग च अपने औदे उपर खोश नेई हे, जेड़ी जिमेंबारी परमेसर ने उनेंगी दिती ही, लेकन सोर्ग दे ओस अपने कर गी मुआई बैठे हे, परमेसर ने उनेंगी मेशा आसतै सगलें कन्ने न्हेरे दे नर्क च बन्नीयै रखे दा ऐ, उत्थें ओसने उनेंगी न्याय दे बड्डे देन आसतै रखे दा, के उनेंगी मेशा दी सजा दे।

प्रकाशितवाक्य 12:13

जेस ले अजगर ने दिखया के आऊँ तरती उपर डिगाई दित्ते दा ऐ, तां उस्स जनानी गी जेस ने जागत जमया हे, सताया।

प्रकाशितवाक्य 12:15

ते सप्प ने उस्स जनानी दे पिछें अपने मुंह बिचा दरया जेया पानी रोढ़या के उसी एस दरया बिचा रोढ़ी दे।

प्रकाशितवाक्य 12:17

ओस बेलै अजगर उस्स जनानी उपर गुस्सै ओया, ते उस्स दी बाकी संतान कन्ने, जेड़े परमेसर दी उक्म गी मनदे ते यीशु दी गुआई देने उपर स्थिर न, लड़ने गी गीया।

प्रकाशितवाक्य 12:3

एक ते चेन्न सोर्ग च लबया; ते दिखो, एक बड़ा लाल अजगर हा, जेसदे सत्त सिर ते दस सिंग हे, ते ओदे सिरें उपर सत्त राजमुकुट हे।

प्रकाशितवाक्य 12:4

उस्स दी दुंब ने अम्बर दे तारें दी एक तिहाई गी खिचीये तरती उपर सुट्टी दिता। ओ अजगर उस्स जनानी दे समुक जेकी जच्चा हे, खड़ोई गीया के जेस ले ओ बच्चा जम्मे ते उस्स बच्चे गी निंगली जा।

प्रकाशितवाक्य 12:9

ओस बेलै ओ बड़ा अजगर, मतलब उवै पराना सप्प जेड़ा इबलीस ते शतान आखया जांदा ऐ ते सारे जगत दा परमाने आला ऐ, तरती उपर डिगाई दिता गीया, ते ओदे दूत ओदे कन्ने डिगाई दिते गै।

प्रकाशितवाक्य 13:2

जेहड़ा जानबर आऊँ दिखया ओ चित्रे जेया हा; ते ओदे पैर भालू जे, ते मुंह शेर जेया हा। उस्स अजगर ने अपनी समर्थ ते अपना संहासन ते बड़ा आक्क उसी देई दिता।

प्रकाशितवाक्य 13:4

लोकें अजगर दी पुजा कित्ती, किके उस्स ने जानबर गी अपना आक्क देई दिता हा, ते ए आखीयै जानबर दी पुजा कित्ती, “एस जानबर जेया कुन्न ऐ? कुन्न एस कन्ने लड़ी सकदा ऐ?”

प्रकाशितवाक्य 20:10

उंदा परमाने आला शतान अग्ग दे गंधक दी उस्स चील च, जेस च ओ जानबर ते चुट्ठा पविखवक्ता बी ओग, सुट्टी दिता जाग; ते ओ रात धयारे जूगे जूगे पीड़ च तड़फदे रोघंन।

प्रकाशितवाक्य 20:7

जेस ले इक जार साल पूरे ओई जाघंन ते शतान कैद थमां छोड़ी दित्ता जाग।

प्रकाशितवाक्य 9:11

अथाह कुंड दा दूत उंदे उपर राजा हा; उस्स दा नां इब्रानी च अबदोन, ते यूनानी च अप्पुलयोन ऐ।