प्रकाशितवाक्य 2:9 - डोगरी नवां नियम

⁹ आऊँ तेरे कलेश ते दरिद्रता गी जानना ऐ, ते जेड़े लोग अपने आप गी यहूदी आखदे न ओ तां ऐंन नेई, लेकन शतान दी सभा न, उंदी निंदया गी बी जानना ऐ।

प्रकाशितवाक्य 2:9 ပူးပေါင်းရင်းမြစ်များ

मत्ती 4:10

ओस बेलै यीशु ने उसी आखया, “ऐ शतान दूर ओई जा, किके पवित्र शास्त्र च लिखे दा ऐ; तू प्रभु अपने परमेसर गी मत्था टेक, ते शड़ी ओसदी गै उपासना कर।”

लूका 12:21

ऐसा गै ओ मनुक्ख बी ऐ जेड़ा अपने लेई तन किट्ठा करदा ऐ, लेकन परमेसर दे नजर च मीर नेई।”

लूका 22:65

ते उनै मतीयां सारीयां ओर बी निंदया आलियां गल्लां ओदे खलाफ च बोलियां।

लूका 4:18

“प्रभु दा आत्मा मेरे उपर ऐ, एसकरी के ओसने गरीबें गी शोभ समाचार सुनाने लेई मेरा अभिषेक कित्ता ऐ, ते मिगी एस लेई पेजा ऐ, कैदीयें गी छटकारे दा ते अन्नें गी लो थोने दा शोभ समाचार दा प्रचार करां ते दबोचें गी छड़कां।

लूका 6:20

ओसलै ओसने अपने चेलें आली बखी दिखियै आखया, तन्न ओ तोस, जेड़े दींन, किके परमेसर दा राज थुआड़ा ऐ।

यूहन्ना 16:33

मैं ए गल्लां थुआड़े कन्ने एस लेई आखीयां न, के तुसेंगी शान्ति मिलै; दुनिया च तुसेंगी कलेश ओंदा ऐ, लेकन इम्त रखो, मैं दुनिया गी जीती लेत्ता ऐ।”

प्रेरितों के कम 14:22

ते अर एक शैर च चेलें दे मनें गी कैम करदे रे ते ए शिखया दिंदे हे के विश्वास च बने रवो; ते ए आखदे हे, “असैं मते सारे कलेश चुकियै परमेसर दे राज च दाखल ओना ओग।”

प्रेरितों के कम 26:11

ते अर प्रार्थनाकार च आंऊँ उनेंगी सजा देई-देईयै यीशु दी निंदया करांदा हा, इत्थैं तकर के गुस्सै दे मारे ऐसा पागल ओई गीया के दुज्जे शैर च बी जाईयै उनेंगी सतांदा हा।”

रोमियो 12:12

आस दे बारै च, खोश; कलेश च टिके रवो; प्रार्थना च लगातार लगे रवो।

रोमियो 2:17

जेकर तू अपने आप गी यहूदी खुआना ऐं, ते कनून उपर परोसा रखना ऐं, ते परमेसर दे बारै च कमंड करना ऐं,

रोमियो 5:3

सेरफ इयै गै नेई, लेकन अस अपने संकटें च बी नन्द करचै, ए समझीयै के संकट थमां सेंन करना सिखेया जांदा ए,

रोमियो 8:35

केडीयां चीजां असेंगी मसीह दे प्यार कोलां लग करगन? के कलेश, जां संकट, जां जोलम, जां काल, जां नंगापन, जां खतरा, जां तलवार?

रोमियो 9:6

लेकन ए नेई, के परमेसर दा बायदा टली गीया, एसकरी के जेड़े इस्राएल दी औलाद न, ओ सारे इस्राएली नेई;

2 कुरिन्थियों 6:10

बसोस करने आलें जे न, लेकन मेशा नन्द मनांदे रौनयां न, गरीबें जे न, लेकन मतें सारें गी मीर बनाई दिनयां न; ऐसे न जियां साड़े कोल केछ नेई तां बी सब केछ रखदे न।

2 कुरिन्थियों 8:2

के कलेश दी बड़ी परिख्या च उन्दे बड़े नन्द ते बड़ी, गरीबी बदने क्न्ने उनै वश्वासीयें दी खुशी क्न्ने पेंट देने दी लगन मती बदी गेई।

2 कुरिन्थियों 8:9

तोस साड़े प्रभु यीशु मसीह दी क्रपा गी जांनदे ओ, के ओ मीर ओदे ओई बी थुआड़े आसतै गरीब बनी गीया तां जे ओदे गरीब ओई जाने कन्ने तोस मीर ओई जाओ।

1 थिस्सलुनीकियों 3:4

किके पैलैं बी, जेसलै अस थुआड़े इत्थैं हे, तां थुआड़े कन्ने आखदे रौंदे हे, के असैं विश्वास दी खातर दोख चेलने पौने न, ते ऐसा गै ओया ऐ, जियां के तोस जानदे बी ओ।

1 तीमुथियुस 1:13

आऊँ तां विश्वासी बननें थमां पैलैं निंदया करने आला, ते मसीही वश्वासीयें गी सताने आला, ते उन्दे उपर जोलम करदा हा; विश्वास च औने थमां पैलैं मिगी समझ नेई ही, के आऊँ के करै करा नां ऐं, पी बी परमेसर ने मेरे उपर दया कित्ती, किके मैं बिना विश्वास दी आलत च बगैर समझ बूझ दे ए कम कित्ते हे।

1 तीमुथियुस 6:18

उनेंगी बोल के ओ पलाई करन, ते पले कम्में च तन्नी बनन, ते खुशी कन्ने देनें आले ते दुए दी मदद करने आसतै त्यार रौंन,

प्रकाशितवाक्य 1:9

आऊँ यूहन्ना, मैं मसीह दे लेई ते परमेसर दे राज दे दोख दे लेई तुन्दा साथी हां ते उनै लोकें दे लेई दलेरी कन्ने सबर कन्ने कम लेनदा हां जेड़े उन्दे कन्ने रिश्ता रखदे न। मिग्गी पतमोस द्वीप दे लेई पेजा गीया हा, किके मैं परमेसर दे वचन दा प्रचार कित्ता ते यीशु दे सन्देश गीं दसने दे खातर।

प्रकाशितवाक्य 2:13

आऊँ ए जानना ऐ के तू उत्थें रैना ऐ जिथें शतान दा सहासन ऐ; तू मेरे नां उपर टिके रैना ऐ, ते मेरे उपर बश्वास करने आसतै उनै धयारे बी पिछें नेई अटया जिंदे च मेरा बश्वास जोग गवाह अन्तिपास, थआड़े बिच उस्स जगह उपर मारी दिता जिथें शतान रौंदा ऐ।

प्रकाशितवाक्य 2:2

आऊँ तेरे कम, ते तेरी मेंनत, ते तेरे सबर गी जानना ऐ; ते एबी के तो बुरे लोकें गी दिखी नेई सकदा, ते जेड़े अपने आप गी प्रेरित आखदे न, ते ऐ नेईयै न, उनेंगी तू परखीयै चुट्ठा पाया।

प्रकाशितवाक्य 2:24

लेकन तोस थुआतीरा ते बाकी लोकें कन्ने, जिन्नें एस शिखया गी नेई मनदे ते ओनें गल्लें गी जिनैं शतान दी गैरी गल्लां आखदे न नेई जांनदे, ए आखना ऐ के आऊँ थआड़े उपर ते पार नेई सुट्गा।

प्रकाशितवाक्य 3:9

दिख, आऊँ शतान दे ओनें सभाआलें गी तेरे वश च करी देगा जेड़े यहूदी बनी बैठे दे न, लेकन ऐ नेई न बरना चुठ बोलदे न-दिख, आऊँ ऐसा करगा के ओ आईयै तेरे पैरें उपर धीरघंन, ते ए जानी लेंघन के आऊँ तेरे कन्ने प्यार रखे दा ऐ।

प्रकाशितवाक्य 7:14

आऊँ उस्स कन्ने आखया, “ए स्वामी, तू गै जानना ऐ।” उस्स ने मेरे कन्ने आखया, “ए ओन, जेड़े उस्स माहाक्लेश बिचा निकलियै आए न; इन्हें अपने-अपने कपड़े मेम्ने दे खून कन्ने तोईयै सफेद कित्ते न।”